1Samiɛl 11:6 - BII BILA

⁶ Saul tueyɔɔ sɔɔn mún, mí kɔl Hala-o toal ndu coo, mó tambu kɔllo taw-taw.

1Samiɛl 11:6 Referans Kwoze

1Samiɛl 10:10

Tuma Saul nda buɛi ndɔɔ va tiiyaa Kibea-o, má bɔŋan nda kunda vanaa-tɛɛngaa-diom Hala-a. Mí kɔl Mɛlɛka-o toal Saul coo, mó del o kunda nda kon coo, mí ndu bɛɛ siŋnun vana-tɛɛngaa-diom Hala-o maa nda.

1Samiɛl 16:13

Mí Samiɛl cua lee macuɛiyo, mó tala cuɛima va lenin-ndan David o lebol bɛndaa ndɔa o hɔl. Kandɔɔ paale len, mí kɔl Mɛlɛka-o toal David coo. Mɛɛ Samiɛl cii tosa lende, mó can, mó muungun Rama.

Masaa kialaa n'yamaa 6:34

Mí kɔl Mɛlɛka-o toal Sedeɔn coo, mó hɔŋ buloo le vanaa fula o polale Abiesɛr len nin-nda veeloo le ndu delɔɔ kɔɔli.

Masaa kialaa n'yamaa 14:6

Mí kɔl Mɛlɛka-o toal Samsɔn coo, mó bii yàlà téndé kon, mó sɛɛsiaa ndu a laba mɛɛ vana sɛɛsiaa cuin cuaa nuaa yɛ. Kɛ o dimul fuɲa ndɔ a kala ndɔ ɲɛ o tosa kon-ndo le.

Masaa kialaa n'yamaa 13:25

Samsɔn lo o dɔ́ɔ́ngɔ́ o tàndá Dan-ndo nin, Sorea a Ɛstaɔl tɛɛn, mí kɔl Mɛlɛka-o kandu ndu baalaa tosaa nin.

Masaa kialaa n'yamaa 3:10

Mí Kɔl Mɛlɛka-o toal ndu coo, mó siŋnun masa kialaa n'yama Israɛlla. Mó kɔa o cɔwvo, mí Mɛlɛka mal Kusan-Riseataim ndu o ba.

Masaa kialaa n'yamaa 11:29

Mí kɔl Mɛlɛka-o toal Yɛfte coo. Mí Yɛfte kei o tàndá Kalaad-o nin a o tàndá Manase-o nin, mó kɔa Mispa co o tàndá Kalaad-o nin-ndo le hiovɔɔ o lɛŋnde Amɔnnda nin.

Efɛsea 4:26

Te la tuulu pɛ kɔl, la caa taw yɔŋii niaa cua hakio. La lo a kɔl tambɛiyo háá mì paalen le del te.

Marke 3:5

O kon mí Yeesu keela nda hɔlten coo a kɔl tambɛiyo a á mɔnɛi le nila kalula ndalan, mó dimul langbanɔɔ aa: «Siɛndi baa!» Mí langbanɔɔ siɛndi baa, mí ba ndɔɔ siangun.

Kundalan 12:3

Nduyɛ vana tuisian bɛndoo pila Moise va ni, ndóò hiow tuisinndo a vana-vana o lɛŋnden coo.

Fulaa 32:19

Mɛɛ nda tiiya o dɔ́ɔ́ngɔ́ɔ̀ ikɛi, mí Moise ca piɔm nda cɔw kon maa naw téndé-o, mó ca mɛɛ vannda va kponyoo yɛ, mó tuulu kɔl taw-taw, mó viaw powta yɛ́ndɛ́la va ndu o ba lan, mí la cuinun o pembei bɛngu mululu.

Masaa kialaa n'yamaa 15:14

Tuma nda tiiya Lehi-o, mí Filistia hun ndu bɔŋaa a yoondiaalan le cɔmndo maa a nɔla ndu. Kɛ mí kɔl Mɛlɛka-o toal Samsɔn coo, mó piasa. Fɔ́ɔ́fɔ̀, mí yoei ndáà yiw ndu congúlan a balan-nde kioli cɔ́-cɔ́ maa kɛi ŋɔalɛi.

1Samiɛl 16:14

Mí kɔl Mɛlɛka-o faŋan Saul nin. Mí kɔl vɔɔndo pum fula Mɛlɛka o ba, mó luɛi ndu nin, mó va ndu saangiaa taw.

1Samiɛl 10:6

O kon Kɔl Mɛlɛka-o toalnin nɔm coo, ma siŋnun vana celen, mì nɔm bɛɛ tɛɛnguu diom Hala-o niaa ndaa latulu.