1Samiɛl 11:4 - BII BILA

⁴ Mí kiilaa kɔa Kibea, o kobi Saul-lo nin, má kɔ downun vannda kona a sɔɔn mun o kɔɔ. Ndáà tueyɔɔ dɔ́ɔ́, má deŋi a caŋndan kpow.

1Samiɛl 11:4 Referans Kwoze

1Samiɛl 10:26

Mí Saul bɛɛ muungu o ndu lo Kibea, mí vanaa mayoomua Hala soo o lakɔl-la liila ndu.

Masaa kialaa n'yamaa 2:4

Lɔ́ɔ́ mɛlɛkanɔ Hala-o cii Israɛlla kpow sɔɔn mun dimul-lo, mí vannda kpow soli diomndan, má caŋ.

1Samiɛl 30:4

O kon mí David nda vanaa va ndu kɔɔli-a lo caŋndo háá mí yoomuma caŋan ma cuu nda.

1Samiɛl 15:34

Mí Samiɛl muungu Rama, mí Saul ndu kɔa o ndu lo Kibea.

Masaa kialaa n'yamaa 21:2

Kɛ o laan, mɛɛ vannda kɔɛ Betɛl, má kɔ cal Hala o hɔl lon, má koŋul, má lo caŋndo háá icɔllo.

Hebreea 13:3

La yiyan vanaa co o kaasolan-nda coo maa niaa ndaa co o kaasoo ni, mì la yiyan vanaa nda co saangiaa-a coo maa mɛɛ nda va niaa bɛɛ saangiaa yɛ.

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.

1Korɛntea 12:26

Te falei ipilɛ sɔla pɛ sangaa, falun tɔ̀un kpow n sanga latulu a ndi. Te ipilɛ sɔla pɛ biiloo, n tɔ̀un kpow n dɔwnun ɲaale a falii ken latulu.

Rɔmnda 12:15

La dɔwnun ɲaale a vanaa co o ɲaaloo nin-nda latulu, mì la caŋ a vanaa co caŋndo-a latulu.

2Samiɛl 21:6

Lelan yɔngu naa vanaa ŋɔmmɛw o poaa ndɔa tɛɛn, mì n landu nda Mɛlɛka o hɔl Kibea, kobi Saul-lo, ndu masa Mɛlɛka ndóò hɛli kon-ndo.» O kon mí masaa David cɛl aa: «Ava, i co niaa nda ke.»

1Samiɛl 14:2

Fuɲa ndɔ va icali Kibea o pɛɛngulan, o yɔm krenadiee va Mikrɔn-ndo bɛngu. Vanaa va ndu kɔɔli-a va le n'van kɛmɛ leŋɔmpum.

O Kandɔɔ 27:38

Mí Esau ɲuna ndu aa: «Pua, mɛɛ duaa pilɔɔ ho koni co nɔm o ba ni? A yandi, ya bɛɛ dɔw ya duaa.» Mó kandu dɔ́ɔ́ caŋndo coocoo kpélén.

Masaa kialaa n'yamaa 20:23

O kon, mí vanaa cɔwva Israɛl sɔla vɛlɛ yoomuma sɛnɛi, má bɛɛndian, má kɔ ciŋilan nda nɛɛ ndáà ciŋilan nda o tasendɔ-a.

Masaa kialaa n'yamaa 20:26

Mí Israɛlla kpow a kɔ cal Mɛlɛka o hɔl Betɛl, má caŋ. Má niinu ɲinkon kpɛŋ o sumndo nin. Má solul Mɛlɛka sálàla loamaalan a sálàla kɔlɲululan.

1Dɛnnda lemasalan 12:3

Ahiesɛr va simlacinɔɔ-o nda Yoas puapilɛ ndɔ, poaa Semaa fula Kibea-o nda va ni, Yesiɛl nda Pelɛt poaa Asmavɛt-a, Beraka nda Yehu, fulaa Anatɔt.