Biblia Todo Logo
Bib sou entènèt

- Piblisite -




1Samiɛl 11:1 - BII BILA

1 Mí Nahas masa Amɔnnda hun tiila kobio Yabɛs co o tàndá Kalaad-o nin-ndo a cɔwvo. Mí vannda Yabɛs dimul Nahas aa: «N yiinun kpemaa naa niaa haliko mi n va nɔm o ba bɛngu.»

Gade chapit la Kopi




1Samiɛl 11:1
23 Referans Kwoze  

Kɛ telen niaa ce Nahas, masa Amɔnnda hunɔɔ niaa delɔɔ coo a cɔwvo-o, mí la dimul-la aa: ‹Hee ndi, fɔ mì masaa tosa masalen naa coo.› Nduyɛ, Mɛlɛka, o co Hala niaa-o, ndu co masa niaa ni.


Mó hɛli vanndo o polale lemasalen coo, mó yii kpemaa a ndu, mó viam ndu mɛnanndo, mó kɔa a vanaa bɛndua lelɛŋnda,


Mí Bɛn-Hadad dimul Akab aa: «I co nɔm kobila fuɲa nuu ndóò poonda fuɲa nɔm o ba lan kpow mingul. O kon mà toosiaa fondala dɔavaa lɔ́ɔ́lan Damas mɛɛ fuɲa nuu ndóò toosiaa lan Samari yɛ.» Mí Akab dimi vɛlɛ aa: «N yii kpemaa, o kon mì mal nɔm kɔnndan.» Ndáà ciiyo kpemaa yiiyo nda ŋiɔn, mó mal ndu niko kɔnndan.


O kon, má ɲuunian te vanaa pum ndáà va pɛ o polama Israɛlla tɛɛn, a ve paale len Mɛlɛka o hɔl Mispa le-a. Má sina maa vana-vana cen ɲinkon Yabɛs o tàndá Kalaad-o nin mó hun o dɔ́ɔ́ngɔ́ kon nin le cuungian kon te.


Má mulul ndu aa: «N ce maa Mɛlɛka co nɔm ikɛi, lelan naa n dimi ni aa n bɛnda mì n yii kpemaa naa niaa. N yeema, nɔm a naa, mì vana-vana cua kpemaa mò mɛnan le kpema kon yiiyo.


Fɔ mì soo a N'Yalɛ́iyo o kɔɔ, mì cɔm kpaaya ndɔɔ a falun ndɔn sɔvɛɔn.


La yii kpema niaa ndaa le, la yii kpema a halaa ndaa le.


La yaŋ Esekia nilan te, kani nuaa masaa Asiri dimi ni aa: «La nuwviaa duaa a kɔlɲuloo ya o ba, la yɔngun ya, o kon o niaa tɛɛn, vana-vana dianin rɛsɛŋun ndɔn a voosun ndɔn tɔnɔ, vana-vana lonin mɛmma soon kólaa ndɔɔ kolɔɔ


O kon mí Mɛlɛka tuulu kɔl a Israɛlla, mó mal nda Filistia a Amɔnnda o ba.


Vana co volɔɔ sámáá-o a polale ndɔlen háá o lambi tɔ́ndɔɔ a bɛnda mà luɛi o kunda Mɛlɛka-o nin te.


Saul sulɔɔ masa o lɛŋnde Israɛl-ten coo, mó cɔlɔba yaamɔaa va o tàndà kon nin-nda: Moabua, Amɔnnda, Edɔmnda, masaa yɛ́-yɛ́a Soba a Filistia. Nɛɛ-nɛɛ ndóò mulin pɛ a cɔwvo, ndóò nɔla vanaa va lon-nda.


Telen pum hiovɔɔ o sɔɔn mún kɔɔli, mí masa Amɔnnda vu. Mí Hanun po ndɔ koma sul masaa o fonda ndɔɔ.


Mí David dimi aa: «I yeema mì tosal Hanun po Nahas-o dɛnɛ kɛndɔɔ mɛɛ fuɲa ndɔ tosal-la dɛnɛ kɛndɔɔ yɛ.» Mí David viam vanaa bɛndua va ndu o ba bɛngu-a le kɔlan Hanun yilɔɔ biisi fuɲa ndɔ-o. Mɛɛ vanaa kan tiiya o lɛŋnde Amɔnnda nin,


Tuma David tiiya Mahanaim-ndo, mí Sobi, po Nahas fula Raba o kobi lebol Amɔnnda nin-ndo, Makir, po Amiɛl fula Lo-Debar-o, a Barsilai fula Rokelim o tàndá Kalaad-o nin-ndo


Mí Yuifia va o lɛŋnde Moab len nin-nda, a va o lɛŋnde Amɔnnda nin-nda, a va o lɛŋnde Edɔmnda nin-nda a á va o lɛŋii tɔ̀ɛi nin-nda kpow a tuɛi maa masaa Babilɔn mɛi vannda tiŋ o tàndá Yuda-o nin, mó handu Kedalia po Ahikam-ndo, po imama Safan-ndo masaa nda coo.


Má dimul ndu aa: «A sina pá maa Baalis masa Amɔnnda vem Ismaɛl po Netania-o le nɔm hunɔɔ diyɔɔ? Kɛ Kedalia po Ahikam-ndo laalan nda le.


Telen pum hiovɔɔ o kon kɔɔli, mí Amɔnnda ciŋilan Israɛlla a cɔwvo.


Mí David yoo nda kiilaa, mó dimul nda aa: «Màá Mɛlɛka dɔw nia duaa! Kani la yiyan Saul vana niaa bɛndoo coo, mí la kumbu ndu.


Telen vanaa va Yabɛs o tàndá Kalaad-o nin-nda tuei dɛnnda Filistia tosal Saul-tan kpow-vo,


mí kuubaa cɔvaa va o kobi kon nin-nda can, má kɔ cua paala Saul-tan a paala poaa ndɔa, má muungu a lan Yabɛs ciee. Má kɔ kumbu lan o terebɛnteo bɛngu. O kon kɔɔli, má bii sumndo palɛi ndii ŋɔmmɛw.


Swiv nou:

Piblisite


Piblisite