1Samiɛl 10:9 - BII BILA

⁹ Saul sɛyanndo dɔ́ɔ́ nda Samiɛl, mó muli mundoo le kɔnndan, mí Hala mangala ndu kɔllo nin. Mí tɔɔmaselela nda cɔm ndu lan kpow la peelun paale len.

1Samiɛl 10:9 Referans Kwoze

Masaa kialaa n'yamaa 7:11

ma kɔ tuei ɲɛ nda co dimio lon-ndo, o kon a sɔlanin yoomuan le nda kuello.» Mí Sedeɔn kɔa nda Pura vana ndɔ baala háá má tiiya nɛɛ kpalilla va-a.

Masaa kialaa n'yamaa 6:21

Mí mɛlɛkanɔ Hala-o yulu sionnde va ndu o ba len, mó pilan visiei a bulu ndóò toosian kon a lɛvɛn too. Fɔ́ɔ́fɔ̀, mí yinnden le bii vum o powvo, mí le loam ɲɛm mun. O kon, mí mɛlɛkanɔ Hala kon lo ndu o hɔl.

Marke 14:16

Mí kaandennda kɔa, má tiiya o kobio nin, má komal dɛnndan mɛɛ Yeesu ndóò dimul nda yɛ. O kon, má toosiaa ɲɛdiaa kafo-hiavaa-coo.

1Samiɛl 2:35

O kon kɔɔli, i hɛlinin vana-solia-lasálà sandaa biinin diom nuu-o, ó tosanin hɛnan nuu-o pɛɛn. I yɔngunin ndu poaa, mí poaa kan siŋnun vanaa-solia-lasálàá masa ya hɛlinin-ndo ikɛi le fɛɛn a fɛɛn.

1Samiɛl 16:13

Mí Samiɛl cua lee macuɛiyo, mó tala cuɛima va lenin-ndan David o lebol bɛndaa ndɔa o hɔl. Kandɔɔ paale len, mí kɔl Mɛlɛka-o toal David coo. Mɛɛ Samiɛl cii tosa lende, mó can, mó muungun Rama.

Esekiɛl 36:26

I yɔngunin niaa kɔl sɛnɛiyo, mì luei niaa yiyan sɛnɛiyo nin. I solinin kɔl co o kala maa pow-vo o dialun niaan nin, mì luei kɔl co maa ivisi-o niaa o n'dial.