1Samiɛl 10:7 - BII BILA

⁷ Lɔ́ɔ́ tɔɔmaselela lan kpow la peelunnin-ndo, nɔm pila sinanin maa Hala co nɔm ikɛi. Lelan, ɲɛ-ɲɛ bɛnda pɛ le tosaa, tosa kon.

1Samiɛl 10:7 Referans Kwoze

Masaa kialaa n'yamaa 6:12

Mí mɛlɛkanɔ Hala-o fulal ndu ceen, mó dimul ndu aa: «Mɛlɛka co nɔm ikɛi, nɔm kuubanɔɔ dialun fulaa ho!»

Luke 2:12

Tɔɔmasele niaa sinanin ndu-o co hoo ni: la komalnin cɛlɛkpɔɔ o simbulaa ihini nɛɛ nda dow cɔlua billo-a.»

Yosue 1:5

O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Fulaa 4:8

Mí Mɛlɛka dimul ndu vɛlɛ aa: «Taa tosa pɛ kaamaa tasoo mì cuavaa Israɛlla bii sɔɛi nɔmnde le, a tosa kaamaa diinndɔɔ. O kon nin, a biinin nɔm diom.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Masaa kialaa n'yamaa 9:33

Siɔdii idiiyo púŋ, paalen le sɛ dɔ́ɔ́ pɛ, a hun del kobio coo a cɔwvo. O kon, telen Kaal nda vanaa ndɔa fulanin niaa o hɔl-lo, a tosa ɲɛ hɛnan nɔm-ndo a nda.»

Tɔŋ miingua 20:1

«Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.

O Kandɔɔ 21:20

Hala va poombɔ kalaa ikɛi, mí poombɔɔ sul, mó cal o lɛŋnde veselɛilen nin. Mó siŋnun vana caa kpaasiaa vuuo taw-vo.

Nsaŋ 6:14

Vanaa kan cɔu dɛnɛ kaamaa Yeesu tosa kon-ndo, má dimi aa: «Vana-tɛɛngaa-diom Hala bɛnda le hunɔɔ o ceendo coo-o kpeekpei co hoo ni.»

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

1Samiɛl 2:34

A canin tɔɔmasele sɔɔn mun a ɲɛ yɔŋnunnin poaa nɔmaa ŋiɔnda-o, Hɔfni nda Pineas pɛɛn. Nda ŋiɔn kpow, a sɔlanin piɔ́mndo o paale pilɛ len nin.

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

1Samiɛl 3:19

Mɛɛ Samiɛl va sulɔɔ yɛ, lende koni Mɛlɛka va ndu ikɛi ni. Lelan sɔɔn o va dimio-on kpow n va peelɔnndo ni.

1Samiɛl 20:13

Kɛ te o cii yɛ nin pɛ kiolɔɔ le nɔm dɛnɛ vɔɔndo tosallo, i dimulnin nɔm, mì mal nɔm vɛlɛ kɔnndan fɛɛ. Te i tosa kon te few, mɛɛ Mɛlɛka tuisí sanga hiow sangalan kpow-vo ya coo! Màá Mɛlɛka lo nɔm ikɛi mɛɛ o va fuɲa nuu ikɛi-yɛ!

2Samiɛl 7:3

Mí Natan dimul ndu aa: «Sɔɛi-sɔɛi co nɔm o kɔl, kɔ mà tosa ndi, kani Mɛlɛka co nɔm ikɛi.»

SƐBƐ YƆB-O 31:25

Te i dɔwnun pɛ ɲaale le bolofaa ni bɛndoo, a le mɛɛ ɲɛ-sɔlaa ya nɔ-o co taw yɛ,