1Samiɛl 10:6 - BII BILA

⁶ O kon Kɔl Mɛlɛka-o toalnin nɔm coo, ma siŋnun vana celen, mì nɔm bɛɛ tɛɛnguu diom Hala-o niaa ndaa latulu.

1Samiɛl 10:6 Referans Kwoze

1Samiɛl 10:10

Tuma Saul nda buɛi ndɔɔ va tiiyaa Kibea-o, má bɔŋan nda kunda vanaa-tɛɛngaa-diom Hala-a. Mí kɔl Mɛlɛka-o toal Saul coo, mó del o kunda nda kon coo, mí ndu bɛɛ siŋnun vana-tɛɛngaa-diom Hala-o maa nda.

Kundalan 11:25

Mí Mɛlɛka toal o kumnde nin, mó soaa o ndu Moise lo, mó cua kɔl va ndu nin-ndo o tiŋ, mó yɔngu kaasoŋaa kɔlkalua belaŋɔmmɛvaa kan ndu. Mɛɛ kɔl Hala-o tol nda coo, má soaa o kpaaya ndɔɔ bɛngu maa vanaa-tɛɛngaa-diom Hala. Bɛmbɛ lepilɛ kon kínɛí ken tosalan nda ni.

1Samiɛl 16:13

Mí Samiɛl cua lee macuɛiyo, mó tala cuɛima va lenin-ndan David o lebol bɛndaa ndɔa o hɔl. Kandɔɔ paale len, mí kɔl Mɛlɛka-o toal David coo. Mɛɛ Samiɛl cii tosa lende, mó can, mó muungun Rama.

Masaa kialaa n'yamaa 14:6

Mí kɔl Mɛlɛka-o toal Samsɔn coo, mó bii yàlà téndé kon, mó sɛɛsiaa ndu a laba mɛɛ vana sɛɛsiaa cuin cuaa nuaa yɛ. Kɛ o dimul fuɲa ndɔ a kala ndɔ ɲɛ o tosa kon-ndo le.

Masaa kialaa n'yamaa 3:10

Mí Kɔl Mɛlɛka-o toal ndu coo, mó siŋnun masa kialaa n'yama Israɛlla. Mó kɔa o cɔwvo, mí Mɛlɛka mal Kusan-Riseataim ndu o ba.

Matie 7:22

Vanaa bɔɔ-bɔɔ a dimulnin ya paale len aa: ‹Maalii, vɛ̀ɛ̀ o co o diola nɔmndan te naa n tɛɛngul vannda sɔɔn Hala-on te? Vɛ̀ɛ̀ o co o diola nɔmndan te naa n tow ɲinaa vɔɔnda, mí n tosa dɛnnda kaamaalan taw le?›»

Kundalan 11:17

I toalnin ndon mì soo o nɔm ndo, mì cua kɔl ya yɔngu nɔm nin-ndo o tiŋ, mì yɔngu nda ndu, haliko ma mala nɔm sɔɔn vannda ha toosiaa. O kon, vallo ve lɛnin le nɔm pilɛ kínɛí le.

Kundalan 11:26

Vanpiaandua pum va nda ŋiɔn, Ɛldad nda Medad. A va o vanaa ndáà hɛli-a tɛɛn, kɛ ndáà kue o cɛi-kola-toandaa-labɔɔŋianndo sondoo le, má lo o dɔ́ɔ́ngɔ́ɔ̀ nin, mí kɔl Hala-o hun toal nda coo nɛɛ nda va kan o dɔ́ɔ́ngɔ́ɔ̀ nin-nda, má can sɔɛi o kpaaya Hala-o bɛngu maa vanaa-tɛɛngaa-diom Hala.

Kundalan 11:29

Mí Moise mulul ndu aa: «Paŋalaa n co le ya ni? Màá Mɛlɛka tuisi kɔl ndɔɔ vanaa ndɔa kpow coo, haliko ma siŋnun vanaa-tɛɛngaa-diom Hala-a!»

1Samiɛl 10:9

Saul sɛyanndo dɔ́ɔ́ nda Samiɛl, mó muli mundoo le kɔnndan, mí Hala mangala ndu kɔllo nin. Mí tɔɔmaselela nda cɔm ndu lan kpow la peelun paale len.

1Samiɛl 19:20

Mí Saul viam vɛlɛ kiilaa le kɔlan David biyɔɔ. Kɛ a komal vanaa-tɛɛngaa-diom Hala-a kundaa kpilin, a va diom Hala-o tɛɛnguuo, Samiɛl va nda bollen ni. Mí kɔl Mɛlɛka-o luɛi kiilaa Saul vem kan-nda nin, mí nda bɛɛ kandu diom Hala-o tɛɛnguuo.

Masaa kialaa n'yamaa 15:14

Tuma nda tiiya Lehi-o, mí Filistia hun ndu bɔŋaa a yoondiaalan le cɔmndo maa a nɔla ndu. Kɛ mí kɔl Mɛlɛka-o toal Samsɔn coo, mó piasa. Fɔ́ɔ́fɔ̀, mí yoei ndáà yiw ndu congúlan a balan-nde kioli cɔ́-cɔ́ maa kɛi ŋɔalɛi.

1Samiɛl 11:6

Saul tueyɔɔ sɔɔn mún, mí kɔl Hala-o toal ndu coo, mó tambu kɔllo taw-taw.