1Samiɛl 10:5 - BII BILA

⁵ Lɔ́ɔ́ n tiiyanin Kibea-Elohim nɛɛ vanaa kùndàá Filistia co-a-o, la co lo ciee-lekɔɔ, mì la bɔŋan niaa vanaa-tɛɛngaa-diom Hala-a, mà va fulaa o fonda biilaa, mì vanaa lɔaa labangaa, vanaa lɔaa ladundua, vanaa hɔŋaa masɛ̀ŋnda a vanaa lɔaa n'bɔ̀mbilla va kɔlan nda laci. Nda pila vanaa-tɛɛngaa-diom Hala-a kan vanin diom Hala-o tɛɛnguuo.

1Samiɛl 10:5 Referans Kwoze

2Masaa 3:15

Lelan, la cuu vɔ ya vana ɲɛ-caa.» Tuma vana ɲɛ-caa va ɲɛ-caa lɔɔ-o, mí kpaaya Mɛlɛka-o toal Elise coo.

1Samiɛl 19:20

Mí Saul viam vɛlɛ kiilaa le kɔlan David biyɔɔ. Kɛ a komal vanaa-tɛɛngaa-diom Hala-a kundaa kpilin, a va diom Hala-o tɛɛnguuo, Samiɛl va nda bollen ni. Mí kɔl Mɛlɛka-o luɛi kiilaa Saul vem kan-nda nin, mí nda bɛɛ kandu diom Hala-o tɛɛnguuo.

1Samiɛl 13:3

Paale pilɛ, mí Yonatan dii masa ibunga Filistia, ó va icali Kibea-o. Mí Filistia tuɛi sɔɛi ken. Mí Saul viam vannda má hɔŋ buloo o lɛŋnden nin kpow, mó va dimio aa: «Fɔ mì Hebreea tuei sɔɛi he.»

2Masaa 2:15

Mɛɛ vanaa-tɛɛngaa-diom Hala-a va Yeriko-a ce Elise kɔɔli-kɔɔli, má dimi aa: «Kɔl Elii-o tol Elise coo!» Má kɔa ndu bɔŋaa, má tundun ndu o labɛngunin háá lɛŋ.

2Masaa 2:5

Mí vanaa-tɛɛngaa-diom Hala-a va Yeriko-a sɔɔnguu Elise ikɛi, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

2Masaa 2:3

Mí vanaa-tɛɛngaa-diom Hala va Betɛl-la fula Elise bɔŋa, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

1Samiɛl 10:10

Tuma Saul nda buɛi ndɔɔ va tiiyaa Kibea-o, má bɔŋan nda kunda vanaa-tɛɛngaa-diom Hala-a. Mí kɔl Mɛlɛka-o toal Saul coo, mó del o kunda nda kon coo, mí ndu bɛɛ siŋnun vana-tɛɛngaa-diom Hala-o maa nda.

1Korɛntea 14:1

Lelan, la nuwviaa fɔlɔn kaolaa, mì la nuwviaa vɛlɛ valta Kɔl-Diandaa a yeemɛi, kɛ taama-taama vali tɛɛngaa diom Hala-o.

Condii lisai 49:4

Sondo co sɔɔn kɔlkalon dimio. Kɔl nuu co yiyannda kɔlkalulan solio.

1Dɛnnda lemasalan 16:42

Mí Heman nda Yedutun a vanaa va nda ikɛi-ya va bululan hɔŋndo, kɛ́ŋndon a ɲɛm-caan celen lɔɔ, le condun Mɛlɛka-on solio. Poaa Yedutun-nda va kpalilaa cumulaa ladioa ni.

1Dɛnnda lemasalan 16:5

Nda yɔŋnun haa ni: simlacinɔ tasoo va Asaf ni, o diinndɔɔ Sakari. Telen Asaf va kɛ́ŋndon lɔɔ-o, mí Asiɛl, Semiramɔt, Yehiɛl, Matitia, Eliab, Benaya, Obɛd-Edɔm a Yehiɛl nda va tòvalan a bondomalan lɔɔ.

1Dɛnnda lemasalan 13:8

Mí David nda Israɛlla kpow a va bangalan, bondomalan, dundulan a kɛ́ŋndon lɔɔ, má va bululan hɔŋndo. Mí nda pila va condon a yolan a kɔlta ndalan kpow Hala o hɔl.

2Masaa 6:1

Paale pilɛ, mí kunda vanaa-tɛɛngaa-diom Hala-a dimul Elise aa: «Tofa vɔ, fonda naa n co hoo icali naa niaa-o dɔɔnan bɔɔ a naa.

2Masaa 4:38

Mí Elise muungu Kilkal, nduyɛ yiaan ma va o tàndà kon nin a telen kon. Mí Kunda vanaa-tɛɛngaa-diom Hala-a pum sɔɔnguu ndu ikɛi. Mó dimul buɛi ndɔɔ aa: «Handu kpɛɛnɛi bɛnduei o yin, mà yowlu naa mbooyaa.»

1Samiɛl 9:12

Mí felengia laandua kan mulul nda aa: «Oi, ndu bɛɛ langa tiiya ciee sunsun, kani hau o hin le sálà lelɛŋndo solio o fonda-loamaa-lasálàá coo o naa lo ciee nanu ni. La cua niko pelon cɔ́-cɔ́.

1Samiɛl 10:4

Vanaa kan co nɔm kei yilɔɔ, mà ke nɔm bululan tan tiɔn. Bii lan nda o ba.

1Samiɛl 13:2

Mó hɛli vanaa cɔwva vàálan tan yáá nda tɛɛn, mí vannda vàála tiɔn a lo ndu ikɛi Mikmas a o tàndá n'pemboo Betɛl nin, mí n'van vaa pilɛa tɔ̀a kɔ cal nda Yonatan po ndɔ-aa Kibea, o tàndá Bɛnyamɛn-ndo nin. Mí Saul mingi Israɛlaa tɔ̀a o la nda lo.

1Dɛnnda lemasalan 11:16

David va o viannanndo nda langbaa ndɔa, mí Filistia nda va Bɛtlɛhɛm.

Condii lisai 92:3

O naŋ mì vana cɔm vannda kɛndɛi nɔmnde idii púŋ, mì vana cɔm vɛlɛ nda kaola nɔmndo icɔl

1Masaa 18:29

Paalen léè hiovɔɔ o pol, má kandu vɛlɛ Baal piɛiyo coocoo háá mí telen solia lasálàá tiiya. Kɛ kpɛkɛlɛ bɛɛ a tui le, a sɔla muli le, a ci vɛlɛ tɔɔmasele kɛ́-kɛ̀ le.

2Masaa 2:7

Mí vanaa-tɛɛngaa-diom Hala-a fula kundaa n'van beleŋuɛɛnu, má kɔa nda kɔɔli. Elii nda Elise simndan o peo Yurdɛn kɔngɔ, mí vanaa kan nda sim tiŋ kɔɔli-kɔɔli.