1Samiɛl 10:3 - BII BILA

³ Te la hiow pɛ lon, mì la tiiya o yáláŋii co Tabɔr ikɛi-ye, la co bɔŋan niaa vanpiaandua nda yáá, a co va kɔlan o Cɛi-Diandaa Betɛl. O tasoo nɔnin cuinaa téndéa nda yáá o ba, o diinndɔɔ nɔnin bululan tan yáá o ba, o yàándɔɔ ndu vanin a hem mamɔiyo o ba.

1Samiɛl 10:3 Referans Kwoze

O Kandɔɔ 35:3

N co faŋan nanu mì n kɔɛ Betɛl. N tiiya pɛ lon, i cɔw fonda-loamaa-lasálàá le Hala mulul-la piɛilen lɔ́ɔ́ ya va o dɛnɛ palaa nin-ndo-o, ó lo ya ikɛi o kela nuu nin-ndo pɛɛn.»

O Kandɔɔ 35:1

Mí Hala dimul Yakɔb aa: «Faŋan nanu. Kɔnnun Betɛl mà kɔ cal lon, mà cow ya fonda-loamaa-lasálàá, ya Hala cɔmnun nɔm telen n va Esau bɛ nɔm ɲaanɔnndo-o pɛɛn.»

O Kandɔɔ 28:22

Pow ya baŋ hoo mì siinguu ndu pow sálàá-o, o siŋnunnin Cɛi-Hala-o, mì va ndu o-tɔ́ndɔɔ yɔngoo o ɲɛm o co va ya yɔngoo-on kpow nin.»

O Kandɔɔ 28:19

Mó ke fonda kon diolan aa Betɛl (kon co dimio ni aa «Cɛi-Hala-o»). Paandu, nuaa fonda kon ndóò nɔ diolan ni aa Lus.

Condii lisai 89:12

Nɔm o ba hataalaa co ni, lɛŋnden le co nɔm vɛlɛ o ba, nɔ̀m cɔw ceendo a ɲɛm co lenin-ndon ni.

Masaa kialaa n'yamaa 8:18

O kon kɔɔli, mí Sedeɔn ɲuna niko Seba nda Salmunna aa: «Vɛɛ nɛ vanaa niaa diw Tabɔr-a va yɛ súú?» Má muli aa: «Niaa ndaa velanndo pila niaa velan ni, vanáà ce pɛ nda aa cuavaa lemasaa ni.»

Masaa kialaa n'yamaa 4:12

Mí vannda kɔ dimul Sisera aa Barak, po Abinoam-ndo kɔ hel o pembei Tabɔr coo.

Masaa kialaa n'yamaa 4:6

Paale pilɛ, mí Debora yoongu Barak po Abinoam fula Kadɛs o tàndá Nɛftali-o nin-ndo, mó dimul ndu aa: «Mɛlɛka Hala Israɛlla dimi aa: ‹Kɔ sanaa o pembei Tabɔr, ma cua vanpiaandua vaalan tɔ́ o polale Nɛftali len nin a o polale Sabulɔn-nden nin.

Yosue 19:22

Mí la kei vɛlɛ a Tabɔr, Sahasima, Bɛt-Siemɛs, mí la kɔ tiiya Yurdɛn o peelo. Faw-faw, kobilan tɔ́ a laŋɔmpum a cieon va lan o ba bɛngu-on.

Yosue 19:12

Cɔnɔnndo Sarid, mí la tundun a ba paalen le can-ndo, o pɛɛngulan a Kislɔt-Tabɔr, mí la kɔ fula Daberat, mí la hel háá Yafia.

Tɔŋ lasálàá 23:13

O kon kɔɔli, la soli vɛlɛ kpeyan vɔɔcan a cuɛiyan-ndo kiloo leŋɔmpum, le ndu lomɔɔ mì tuei cun kɛndɛ kumii ndɔɛi. Mì la hin vɛlɛ a mɔiyan litilio o pilɛ a tálá.

Tɔŋ lasálàá 7:13

Mò yɔngu vɛlɛ sálà ɲɛm vaa a dɛɛ toaŋaa nda toosiaa a lɛvɛnndo-o. O kon, a soli ndu a sálà kɔlɲuloo latulu a balikaa malɔɔ.

Tɔŋ lasálàá 3:12

Te a cuinndo o co sálàá solio ni, o hin a ndu Mɛlɛka o hɔl,

Tɔŋ lasálàá 3:6

Te a cɔlu pɔmbɔɔ vanndo co Mɛlɛka sálà kɔlɲuloo solullo ni, o bɛnda mò hin a cɔlu nɔ lenamta loo, o va cɔlu piaandu o va laandu.

Tɔŋ lasálàá 1:10

Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.

1Samiɛl 10:4

Vanaa kan co nɔm kei yilɔɔ, mà ke nɔm bululan tan tiɔn. Bii lan nda o ba.

Yeremi 32:8

Lekɛ́ndɛi yɛ, mí Hananeɛl po bom nuu komal-la o bɛ́ɛ̀ kaasoo mɛɛ Mɛlɛka ndóò dimul-la yɛ, mó dimul-la aa: «Piondu yondo ni co Anatɔt o tàndá Bɛnyamɛn-ndo nin-ndo, kani a nɔ dí le ndu piondɔɔ a le ndu loo, lelan piondu ndu.» O kon mí sina dɔ́ɔ́ maa Mɛlɛka va sɔɛi o ya lo ni.

Masaa kialaa n'yamaa 20:18

O kon mí Israɛlla kɔa Betɛl, má ɲuna Hala le vanaa tasea va lakɔ o polama ndan tɛɛn le vanaa fula o polale Bɛnyamɛn-nden nin-nda delɔɔ coo a cɔwvo-a sinaa. Mí Mɛlɛka hɛli polale Yuda len.

Masaa kialaa n'yamaa 20:23

O kon, mí vanaa cɔwva Israɛl sɔla vɛlɛ yoomuma sɛnɛi, má bɛɛndian, má kɔ ciŋilan nda nɛɛ ndáà ciŋilan nda o tasendɔ-a.

Masaa kialaa n'yamaa 20:27

Tuma kon yɛ, kesu kpema Hala-o va Betɛl, Pineas po Eleasar-o, po imama Aarɔn-ndo va baalaa tosaa a kesu kpema kon o palɛi ken nin ni. Mí Israɛlla ɲuna vɛlɛ Mɛlɛka le sinaa te ndóò bɛnda mì ndáà kuel vɛlɛ puapilɛa ndaa fula o polale Bɛnyamɛn-nden nin-nda a cɔwvo.