1Samiɛl 10:12 - BII BILA

¹² Mí vana pum ɲuna nda tɛɛn aa: «Nɛ̀ɛ́-nɛ̀ co yɛ fuɲa nda?» Lelan sɔɛi ken siŋnun o tale ni aa: «Mò va maa vana-tɛɛngaa-diom Hala-o Saul bɛɛ siŋnun nin ni?»

1Samiɛl 10:12 Referans Kwoze

Nsaŋ 6:45

O co o sɛvaa o sɛbɛla vanaa-tɛɛngaa-diom Hala-a nin aa: ‹Nda kpow a sɔlanin pɛɛkoo fulaa Hala o ba.› Vana-vana tuei pɛ Pua diom, mò cɛl pɛɛku ndɔɔ, ndu hin o ya lo.

Esai 54:13

Poaa nɔmnda kpow delnin ya Mɛlɛka kɔɔli, nduyɛ kɔlɲulu cuavaa nɔmnda vanin o bɔɔ!

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Nsaŋ 7:16

Mí Yeesu mulul nda aa: «O co o ya pila nin te ɲɛ ya co vannda pɛɛkoo-o co fulaa le, kɛ vana vem ya-o o ba.

1Samiɛl 10:13

Saul ciiyo diom Hala-o tɛɛnguuo, mó kɔa o fonda-loamaa-lasálàá.

1Samiɛl 19:23

Mó bii nɛiyo le kɔlan ndon. Ndu bɛɛ lo kɔlan, mí kɔl Mɛlɛka-o luɛi ndu nin, mó va kɔlan a diom Hala-o tɛɛnguuo háá mó kɔ tiiya Nayɔt, kobio Rama ikɛi.

1Samiɛl 19:24

Mí ndu bɛɛ solin volɔɔlan lekɔɔ maa caanda, mó muungu diom Hala-o tɛɛnguuo Samiɛl o hɔl. Mó del lɛŋ kɔɔle fondo, mó niinu ihini lon kpɛŋ, mó lɔl vɛlɛ pii. Lelan vannda dimì ni aa: «Mò va maa vana-tɛɛngaa-diom Hala-o Saul bɛɛ siŋnun ni?»