1Samiɛl 10:1 - BII BILA

¹ Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

1Samiɛl 10:1 Referans Kwoze

1Samiɛl 16:13

Mí Samiɛl cua lee macuɛiyo, mó tala cuɛima va lenin-ndan David o lebol bɛndaa ndɔa o hɔl. Kandɔɔ paale len, mí kɔl Mɛlɛka-o toal David coo. Mɛɛ Samiɛl cii tosa lende, mó can, mó muungun Rama.

Condii lisai 78:71

mó soli ndu o cɔlua kundaa tɛɛn, mó siinguu ndu vana mandaa yungu Yakɔb-o, Israɛlla, vanaa co kɛ́ ndɔɔ-a pɛɛn.

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

Condii lisai 2:12

La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!

Dɛnnda kiilaa 13:21

O kon mí nda pila ɲuna masaa, mí Hala ke nda Sol, po Kis-o, fulaa o polale Bɛnyamɛn-nden nin, mí ndu tosa nda masalen coo vɔsilan belehiɔɔlu.

1Samiɛl 26:11

Lelan màá Mɛlɛka cɛl lɔ́ɔ́-lɔ́ɔ̀ mì hol masa ndu Mɛlɛka pila pɔla-o baa le! N cua bál co ndu o bollen coo-o, a bɔlɔ ndɔ mamɛnndo, mì n kɔɛnnun.»

Tɔŋ miingua 32:9

Kani kɛ́ Mɛlɛka-o ndu co yungu ndɔ kon ni. Polale Yakɔb len pɛɛn.

2Masaa 20:5

«Muungu ma kɔ dimul Esekia, o co simlacinɔ vanaa nia-o aa: ‹Diom Mɛlɛka, Hala David fuɲa nɔm mama dimi-o co hoo ni aa: I tuei piɛile nɔmnden, i ce mɛmɛma nɔmndan. I co nɔm singi, o kon o paale yàándɔlen, a hel o Cɛi-Mɛlɛka-o nin.

2Masaa 9:1

Mí Elise, vana-tɛɛngaa-diom Hala-o veelu vana pilɛ o vanaa-tɛɛngaa-diom Hala-a tɛɛn, mó dimul ndu aa: «Yiinun yáwlen o caŋ, ma cua lee macuɛiyo, ma kɔɛ Ramɔt o tàndá Kalaad-o nin.

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Hebreea 2:10

Hala cɔw ceendo ni, le ndu o co ni. Nduyɛ o yeema mi cuavaa ndɔa bɔɔ-bɔɔ a sɔla biilu ndɔɔ a ndu latulu. Kani Yeesu co vana nda ciindiaa ni, mɛɛ mì ndóò sanga haliko mi Hala ndóò peelu ndu o dɛnndan kpow nin.

1Tesalonikea 5:26

La yil naa puapilɛa naa lapi mì la kɔɔmian nda.

Osee 13:2

Háá sisa, a co hiovɔɔ laci a hakilan tosaa, a co volin ndan teengiaa mà va piɔmnda cownɔnndo a mun. Piɔmaa nda pila co cɔvɔɔ-a kpow, vanaa caa cɔwva-a co nda cɔvɔɔ ni. Vannda co dimio a nda o kɔɔ aa: ‹Vanaa co sálàlan solio a vanndacieea-a nɔla ma kɔman piɔmaa co maa navaa téndé-a, mà sɔsa nda sondolan le nda sooloo.›

Yeremi 10:16

Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

Condii lisai 135:4

Kani o cii Yakɔb hɛli, o cii Israɛl siinguu o ndɔɔ.

1Masaa 19:18

Kɛ o Israɛlla tɛɛn, i mɛinin vannda vàálan tan ŋɔmmɛw yoomu, vanaa beŋ vulan Baal o labɛngunin te-a, vanaa kɔɔmian Baal má deembuu ndu a lasondo le-a.»

2Samiɛl 19:39

Mí masaa dimi aa: «I tuei, n co lakɔ naa Kimham, mì kɔ bii ndu mɛɛ n yeema yɛ. Ɲɛ-ɲɛ n yeema pɛ ya o ba, nɔm dimul-la kínɛí, mì tosal nɔm kon.»

2Samiɛl 5:2

Lɔ́ɔ́ Saul va paandu masaa naa coo-o, nɔm va Israɛlla simndan laci o cɔwvo ni. Nduyɛ, Mɛlɛka cii nin nɔm dimul maa nɔm vanin masa Israɛlla ni, vanaa ndɔa pɛɛn. Nɔm vanin simlacinɔ ndaa ni.»

1Samiɛl 24:6

Kɛ mí kɔllo kandu ndu fulaa taw le bɔ̀ɔ̀le doma bɛndu Saul-te o kelu len-nden.

1Samiɛl 13:14

Lelan, masalen le hɛlun nɔm. Mɛlɛka cii vana celen hɛli, vana o hini kɔl-lo pɛɛn. O cii ndu siinguu simlacinɔ vanaa ndɔa, kani nɔm, a bii sila o yɔngu nɔm-ndo le.»

1Samiɛl 8:19

Israɛlla yeŋ bɛɛ sɔɔn Samiɛl dimul nda mún-ndon lani le, má dimul ndu aa: «N'posi! Halikpe naa n sɔlá masaa mɛɛ naa n dimi yɛ sii.

1Samiɛl 8:9

Lelan cɛl nda diom. Kɛ nduyɛ, yondal nda vakpa, mà cɔm nda ɲɛ masa hun vanin kon nda coo-o bɛnda le sɔlaa nda o ba-o.»

1Samiɛl 2:10

Mɛlɛka co a hiilɛi o halataala le yaamɔaa ndɔa tɛɛmbuuo, kani ndu co yamɛi lɛŋnden kpede kiolɔɔ ni. Ndu lueì masa vanaa ndɔa yoomuan ni, mò cɔɔlu vana o hɛli-o masalen.»

Fulaa 30:23

«Nuwviaa ɲɛm cun kɛndɛ-kɛndɔn: mir landenndo kilolan laŋuɛɛnu, kanɛl cun kɛndɔɔ kilolan latiɔn a tálá, sinanɔm kilolan latiɔn a tálá,

1Samiɛl 9:27

Lɔ́ɔ́ nda tiiya o kobio mɛɛlulan-ndo, mí Samiɛl dimul Saul aa: «Dimul buɛi nɔmndo mò kɔɛ pɔɔ.» Mí buɛiyo kɔannun polon. O kon, mí Samiɛl dimul Saul aa: «Nɔm pila sim niko, mì dimul nɔm diom Hala soo-o.»

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

1Samiɛl 15:1

Mí Samiɛl dimul Saul aa: «Ya Mɛlɛka vem sindɛ le nɔm pɔlaa ma siŋnun masaa vanaa ndɔa coo ni, Israɛlla pɛɛn. Lelan yaŋ-ndɔ nilan, ma tuei ɲɛ Mɛlɛka kalaa dimi-o.

1Samiɛl 16:1

Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

1Samiɛl 26:9

Kɛ mí David mulul Abisai aa: «Dii ndu le! A sina pá maa vana-vana hol pɛ masa Mɛlɛka pɔla-o baa, vana kon sɔla sangaa?»

2Samiɛl 1:14

Mí David ɲuna ndu aa: «Vɛ̀ɛ̀ siòòŋii bii nɔm le masa Mɛlɛka pɔla-o diyɔɔ le?»

1Masaa 1:34

La tiiya pɛ, Sadɔk vana-solia-lasálàá nda Natan vana-tɛɛngaa-diom Hala-o a kɔ pɔla ndu lon, o siŋnun masa Israɛlla. O kon kɔɔli, la hɔŋ buloo, la yonnda aa: ‹Salomɔn co nin masaa ni, màá o viow yoomu naa coo!›

Esekiɛl 16:13

A va o dovianndo a sianion, a volion, a kola keese fɛtufɛtoo, a kola lɛmɛsɛsɔɔ, a doma bɛndu sɔɔlaa. Ɲɛdiaa nɔmndo va kpeyan yukuyukoo, lɛan a cuɛiyan ni. Má va hiovɔɔ laci a naŋɔɔ taw, má sɔla hɔlaa lemasaa.

1Samiɛl 15:17

Mí Samiɛl dimi aa: «Paandu, nɔm pila va cɔnnɔnndo o pɔmbɔ, vɛ̀ɛ̀ o co nɔm kon te siŋnun simlacinɔ polama Israɛlla le? Vɛ̀ɛ̀ o co nɔm kon te Mɛlɛka pɔla ma siŋnun masaa o lɛŋnde Israɛl-ten coo le?

2Samiɛl 20:19

Kobi kɔlɲuloo a kobi lo o diomnden coo-o kobi naa co o lɛŋnde Israɛl-ten nin ni. Kɛ ndu nɔm yeema le tɛɛmbuuo ni. Kobi kon co o pilɛ o kobila Israɛlla kɛsi kɔllo coo lan tɛɛn. Le yɛɛ nɛ n yeema yɛ le kɛ́ Mɛlɛka-o tɛɛmbuuo?»

2Masaa 9:12

Kɛ má mulul ndu aa: «Còòlan ni! Downun naa kona.» O kon, mí Yehu dimul nda aa: «Mɛ̀ɛ́-mɛ̀ɛ́ ka o soo o ya lo ni. O dimul-la aa nuaa Mɛlɛka soo ni maa ndu Mɛlɛka pɔla ya, mó siinguu ya masaa Israɛlla coo.»