1Samiɛl 1:3 - BII BILA

³ Vɔsi oo vɔsi, Ɛlkana va cɔnɔnndo Rama le kɔlan Silo le Mɛlɛka-Nɔ-Kpaayaa-Kpow-vo biiloo a le ndu sálàlan solullo. Poaa ŋiɔŋaa Helii-a, Hɔfni nda Pineas, vanaa-solia-lasálàá Mɛlɛka-a nda va Silo ni.

1Samiɛl 1:3 Referans Kwoze

Luke 2:41

Vɔsi oo vɔsi, yungu Yeesu-o va kɔlan Yerusalɛm le kafo-hiavaa-coo.

Yosue 18:1

Mí Israɛlla kpow a cuungian Silo, má baŋ cɛi-kola-toandaa-labɔɔŋianndo lon. Lɛŋnden kpow le va nda o ba bɛngu.

Fulaa 34:23

Vanpiaandua kpow a bɛnda mà hin bɛmbɛ leyáá o vɔsio nin ya Maalii o hɔl, ya Mɛlɛka Hala Israɛlla pɛɛn.

Fulaa 23:14

«O vɔsi oo vɔsi nin, la bɛnda mì la tosa kafolan tan yáá le ya Mɛlɛka biiloo.

1Samiɛl 1:21

O kon kɔɔli, mí Ɛlkana muungu vɛlɛ Silo nda yungu ndɔɔ le Mɛlɛka sálà nda soli lepilɛ o vɔsio nin-ndo solullo a le yoole ndóò baa len timbio.

1Samiɛl 1:9

Lɔ́ɔ́ nda cii dioo a kolɔɔ Silo-o, mí Anɛɛ kɔa o Cɛi-Diandaa sondoo. Helii vana-solia-lasálàá va icali o ɲɛ ndɔ calaa coo, o kèédei Cɛi-Mɛlɛka-o ikɛi.

Tɔŋ miingua 16:16

Bɛmbɛ leyáá o vɔsio nin, vanpiaandua kpow a bɛnda mà hun cuungian Mɛlɛka Hala niaa o hɔl o fonda o hɛlinin-ndo: telen kafo bulu toosian a lɛvɛn too, telen kafo koavaa a telen kafo lakùùo. Vana-vana hun bala fondo Mɛlɛka o hɔl te.

Masaa kialaa n'yamaa 18:31

Piɔm Mika kon va o mandaa nda o ba lon o telen Cɛi-Hala-o cii Silo-o kpow bɛngu.

Condii lisai 78:60

Mó faŋan o cɛi o va nin Silo-o nin, cɛi-kola-toandaa o va nin yungu ndɔɔ tɛɛn-ndo.

1Samiɛl 4:11

Mí Filistia poonda kesu kpema Hala-o, mí poaa ŋiɔŋaa Helii-a, Hɔfni nda Pineas bɛɛ a sɔla piɔ́mndo.

1Samiɛl 4:4

Má viam vannda Silo le kɔlan hunɔɔ a kesu kpema Mɛlɛka-Nɔ-Kpaayaa-Kpow-vo-o, o co icali o mɛlɛkaa kanda ɲɛm Hala-on-nda tɛɛn-ndo pɛɛn. Poaa ŋiɔŋaa Helii-a, Hɔfni nda Pineas a va o kesu kpema Hala-o ikɛi lon.

1Samiɛl 3:13

Mí yáà dimul Helii maa i co yungu ndɔɔ dɛnɛ palaa tuisi coo le lɔ́ɔ́-lɔ́ɔ̀ le dɛnɛ ndɔ vɔɔndo. Kani o va sinaa mí poaa ndɔa va dɛnnda vɔɔnndan tosaa, o kpee nda le.

1Samiɛl 2:34

A canin tɔɔmasele sɔɔn mun a ɲɛ yɔŋnunnin poaa nɔmaa ŋiɔnda-o, Hɔfni nda Pineas pɛɛn. Nda ŋiɔn kpow, a sɔlanin piɔ́mndo o paale pilɛ len nin.

Fulaa 23:17

Bɛmbɛ leyáá o vɔsio nin, vanpiaandua kpow bɛnda mà hun sim Maalii o hɔl, ya Mɛlɛka pɛɛn.

Masaa kialaa n'yamaa 21:19

O kon, má ca maa ɲɔɔ bendu lɛ le kafo Mɛlɛka tosan lepilɛ o vɔsio nin Silo-o tiiyaa le. Silo kon yɛ, Betɛl a maluaŋ, o nɛi cɛn Betɛl le kɔlan Sikɛm a ba paalen le can-ndo-o coo, Lebona a ba too pɛɛn o va ni.

1Samiɛl 2:19

Vɔsi oo vɔsi, te kalaa Samiɛl ndóò cɛn pɛ kɔlan Silo nda pɔnɔ ndɔ le Mɛlɛka sálàá solullo, ndóò sɔɔluu doma pɔmbɔɔ, ndóò yoo po ndɔɔ.

1Samiɛl 14:3

Vana-solia-lasálàá va lon, po Ahitub puapilɛ I-Kabɔd-o. I-Kabɔd kon yɛ, Pineas po Helii-o velu ndu ni. Doma ifalen solia lasálàá va ndu lekɔɔ, ndu va vana-solia-lasálà Mɛlɛka-o Silo ni. Vanaa cɔwva ve sina maa Yonatan ndóò kɔɛnnun te.