1Samiɛl 1:22 - BII BILA

²² Kɛ Anɛɛ kue lɛ nda pɔnɔ ndɔ le. Mó dimul pɔnɔ ndɔ aa: «O co fisa mì cum háá mì poo mal mɛɛlen, o kon i kɔɛ niko a ndu Silo, i kɔ yɔngu Mɛlɛka ndu, o lo niko lon le lɔ́ɔ́-lɔ́ɔ̀.»

1Samiɛl 1:22 Referans Kwoze

1Samiɛl 1:28

Ya bɛɛ, i yeema niko mì yɔngu Mɛlɛka ndu, mò va le Mɛlɛka le lɔ́ɔ́-lɔ́ɔ̀.» O kon mí nda kpow a baŋ vulan Mɛlɛka o labɛngunin.

1Samiɛl 1:11

Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

Luke 2:22

O kon kɔɔli, mí palɛi Mari nda Yosɛf ndáà bɛnda le dindinndo mɛɛ tɔŋ Moise-o ndóò dimi yɛ-e i tiiya. Má cua Yeesu, má kɔa a ndu Yerusalɛm le ndu yɔngoo o Mɛlɛka lo,

1Samiɛl 3:1

Samiɛl va baala Mɛlɛka-o tosaa Helii o ba bɛngu. O telen kon yɛ, Mɛlɛka ndóò suu ka cuɛi-cuɛi o vanacieo lo le, ndóò cɔm vɛlɛ ka vanacieo vundulen cuɛi-cuɛi le.

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.

1Samiɛl 2:11

O kon kɔɔli, má mɛi Samiɛl Silo, Helii vana-solia-lasálàá o labɛngunin le Mɛlɛka baalaa tosallo, mí Ɛlkana ndu muungun o ndu lo Rama.

Tɔŋ miingua 16:16

Bɛmbɛ leyáá o vɔsio nin, vanpiaandua kpow a bɛnda mà hun cuungian Mɛlɛka Hala niaa o hɔl o fonda o hɛlinin-ndo: telen kafo bulu toosian a lɛvɛn too, telen kafo koavaa a telen kafo lakùùo. Vana-vana hun bala fondo Mɛlɛka o hɔl te.

Tɔŋ lasálàá 25:23

«Lɛŋnden le bɛnda mi le pisin few-few le, kani Mɛlɛka ya nɔ lɛŋnden ni. Niaa co macoaa maa mialla a vanaa hiawnannda o lɛŋnde nilen nin.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Condii lisai 110:4

Mɛlɛka cii mɛnan aa: «Nɔm, a vanin vana-solia-lasálàá le fɛɛn a fɛɛn maa Mɛlkisedɛk.» O mangala lɛnin sɔɛi ndɔɛi ken te.

Condii lisai 27:4

Ɲɔɔ ndu pilɛ kpé ya co Mɛlɛka ɲunaa ni, ò ya co nuwviaa a kɔl nuu kpow-vo: ɲɛ kon co calle o ndu Mɛlɛka lo cɛinin o palɛi ya co yoomu-e kpow bɛngu ni, le naŋɔɔ ndu Mɛlɛka-o tofaa a le naŋɔɔ cɛi ndɔɔ mɛɛndanndo.

Condii lisai 23:6

Dɛnɛ kɛndɔɔ a kɛndɛi nɔmnde vanin ya kɔɔli o palɛi ya vanin yoomu-e kpow nin. I vanin hunɔɔ o Cɛi-Mɛlɛka-o nin lɔ́ɔ́-lɔ́ɔ̀.

Yosue 4:7

La mulul nda aa: ‹Lɔ́ɔ́ kesu kpema Mɛlɛka-o va Yurdɛn taŋɔɔ-o, mí mɛnndan ma kiolu tɛɛn ndu laci, mí ma sɛyan. Powtan ndan la co ɲɛ loonanndo le Israɛlla le fɛɛn a fɛɛn ni.›»

Fulaa 21:6

o kon, vana ndɔ bɛndoo sɔɔnguu a ndu Hala o hɔl, o kɔɛ a ndu o koŋndo ikɛi, te kon te o kèédei coo, o buli ndu nilen a yɔɛi buliaa laniei. O tosa pɛ lende, langbanɔ kon siŋnun cɛ ndɔɔ le fɛɛn a fɛɛn.

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

1Samiɛl 28:2

Mí David mulul Akis aa: «Bala tiɔn! Nɔm pila bɛɛ canin ɲɛ ya tosanin-ndo.» O kon kɔɔli, mí Akis dimul vɛlɛ David aa: «Mbɔ̀ mɛɛ nɔm vanin ya kandaa lɔ́ɔ́-lɔ́ɔ̀ ni.»