1Samiɛl 1:11 - BII BILA

¹¹ Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

1Samiɛl 1:11 Referans Kwoze

Masaa kialaa n'yamaa 13:5

le foli n co hunɔɔ cua-o, a le po nɔm n co hunɔɔ violɔɔ-o. Yiiŋii po kalaa bɛnda mì i kelun te, kani hɔ́ɔ́ kon siŋnunnin teengen le Hala lɔ́ɔ́ pá mó hun violun. Ndu kandunin Israɛlla baŋaa Filistia o ba ni.»

Kundalan 6:5

O telen kon nin vɛlɛ kpow, kùisiei bɛnda mì i kei ndu o lebol te, o bɛnda mò sendin te. Háá mì telen ndu pila solin kon sálà le Mɛlɛka-o cuu, o diandaa o vanin Mɛlɛka o hɔl ni. Lelan, o bɛnda mò mal yiiŋii ndɔɛi a siayii ndɔɛi hindɔɔ o ba ndɔɔ coo.

Vana Kɔlkaloo 5:4

O co fisa mà kɛɛ le ciɛ́i cuaa, a ndi cuaa ma kɛɛ le ndi peeloo.

O Kandɔɔ 29:32

Mí Lea cua folio, mó vialu hɔ́ɔ́ piaandoo. Mó ke ndu diolan aa Rubɛn (kon co dimio ni aa «Má cè poo!»). Mó dimi aa: «Mɛlɛka ce mɔnɛi co ya biyɔɔ-e. I ce maa pɔnɔ nuu co ya nin kaola.»

Condii lisai 25:18

Tofa vɔ mɛɛ dɛnɛ palaa a sangaa co ya coo yɛ, mal-la haki le hakila nilan kpow.

1Samiɛl 1:19

Diimandɔɔ idiiyo púŋ, mí Ɛlkana nda yungu ndɔɔ a kɔ baŋ vulan Mɛlɛka o labɛngunin, malan nda muungu o nda lo Rama. Mí Ɛlkana bɔŋa nda Anɛɛ laa ndɔ o nɔ̀u nin, mí Mɛlɛka yiyan Anɛɛ coo.

O Kandɔɔ 30:22

Mí Hala yiyan niko Rasɛl coo, mó muli piɛile ndɔlen. Mó nɛŋi ndu ipulu.

Masaa kialaa n'yamaa 11:30

Mí Yɛfte cua ciɛ́i, mó dimul Mɛlɛka aa: «Taa mal pɛ Amɔnnda ya o ba,

Kundalan 6:8

O telen ndu pila solin kon sálà le Mɛlɛka-o nin kpow, o diandaa o co Mɛlɛka o hɔl ni.

O Kandɔɔ 28:20

O kon, mó cua ciɛɔ́n o Mɛlɛka lo, mó dimi aa: «Te Hala lo pɛ ya ikɛi, te o kanda ya pɛ o kela ya co hoo-o nin, mò yɔngu ya ɲɛdiaa a ɲɛ cuɛinanndo,

2Samiɛl 16:12

Bɔɔle mì Mɛlɛka ce dɛnɛ ni palaa, mò tuinun ya iɲíí, mò dɔw ya duaa sɔ̀ngɔ́ yeowla nda co ya lan hau lan.»

Kundalan 21:2

O kon, mí Israɛlla baa yoolen o Mɛlɛka lo, má dimul ndu aa: «Taa mal pɛ vannda ha naa o ba, mì n nɔla nda, n tɛɛmbuu kobila ndalan kpede.»

Kundalan 6:11

O kon, vana-solia-lasálàá soli o pilɛ sálà co le hakio sɔlaa malɔɔ-o, o soli o pilɔɔ sálà loamaa, o tosa faleŋii dindiannde ndu coo le sɔɔnguu o sɔɔnguu vana vílɛ́iyo ikɛi-yo. Paale len, o soli vɛlɛ bolle ndɔlen sálà sɛnɛi,

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

O Kandɔɔ 8:1

Mí Hala loonun a Noe a visia yondoa, visia cieeninnda a á ɲɛ-ɲɛ va Noe ikɛi o dɛ̀ndɔ̀ɔ́ nin. Mó cuu hoeyii fùkù-fùkùei o lɛŋnden coo, mí mɛnndan ma kandu velaa.

1Samiɛl 1:10

Anɛɛ va a kɔl tambɛiyo taw. Mó va Mɛlɛka piɛiyo a caŋndo fúkpàà-fùkpàà.

1Samiɛl 1:12

Mí Anɛɛ viaw piɛilen taw-taw. Helii va ndu tofaa tuŋ.

1Samiɛl 1:22

Kɛ Anɛɛ kue lɛ nda pɔnɔ ndɔ le. Mó dimul pɔnɔ ndɔ aa: «O co fisa mì cum háá mì poo mal mɛɛlen, o kon i kɔɛ niko a ndu Silo, i kɔ yɔngu Mɛlɛka ndu, o lo niko lon le lɔ́ɔ́-lɔ́ɔ̀.»

1Samiɛl 1:27

Le poombɔɔ ho sɔlaa ya va Mɛlɛka piɛiyo ni. Ɛ̀ɛ̀ lekɛ́ndɛi, mí Mɛlɛka ke ya ndu.

1Samiɛl 1:28

Ya bɛɛ, i yeema niko mì yɔngu Mɛlɛka ndu, mò va le Mɛlɛka le lɔ́ɔ́-lɔ́ɔ̀.» O kon mí nda kpow a baŋ vulan Mɛlɛka o labɛngunin.

1Samiɛl 2:20

Nduyɛ, Helii va Ɛlkana nda laa ndɔ duaa dɔvɔɔ aa: «Màá Mɛlɛka ke niaa cuavaa celen niaa lanɔɔ ho o fonda Samiɛl-lo, o ó yɔngu le vali ndɔɔ-o pɛɛn!» Ndóò cii pɛ nda duaa dɔvɔɔ lende, ndáà muungu o nda lo.

Talelan 31:2

«Po nuu sei! Yaŋ nilan. Nɔm po ni ya velu-o, nɔm kɔl nuu co coo-o.

Tɔŋ lasálàá 27:2

«Soo o Israɛlla lo, ma dimul nda aa: ‹Te vanndo yeema pɛ le ciɛ́ɔn o cua-on peeloo, o bɛnda mò sala volion mɛɛ vɔngu vanndacieaa yoomaa solin sálà o Mɛlɛka lo-a co yɛ.