1Piɛr 4:3 - BII BILA

³ Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

1Piɛr 4:3 Referans Kwoze

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

1Tesalonikea 4:5

La malnun yeemɛi vɔɔnde o ba maa vanaa sìna Hala le-a le.

1Piɛr 1:14

La del yeeman niáà nɔ paandu o sina lepɛŋ niaa nin-ndon kɔɔli le, n niáà nɔ telen niaa va vɔ n'cuaambɔ-on pɛɛn.

Kalatea 5:21

yeemɛi bɛnduei, mɔiyan yɔngɔnndo, pululen a dɛnnda vaa lende. Vanaa co dɛnndan ndan tosaa-a, i co niaa ndi pɔɔ dimul maa mɛɛ ya dimúl nin niaa ndi yɛ, nda sɔlanin kɛ o masale Hala len nin te few.

Kalatea 5:19

Nduyɛ dɛnnda n'falulan la co kpendekele: suundaa, dɛnnda nɔɔlɛilan, ilaasi-laasiei,

Esekiɛl 45:9

Nuaa Maalii Hala dimi ni aa: «Niaa simlacia Israɛl sei, la hiow ba dɛ! La pɛngi nin kɔlvesɛiyo a delɔɔcoo ho tosaa! La tosa nin sakpoyɛi a dɛnɛ sandaa! Mbɔ̀ la pɛngi nin vanaa nia yondola ndalan poondiaa o laba! Ya Maalii, ya co Mɛlɛka-o soo nuaa ni.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Dɛnnda kiilaa 17:30

Hala co lɛhau telen vannda ve ndu kon sina loo tofa le, kɛ sunsun o co nda veeloo, nɛɛ-nɛɛ nda co, haliko ma mangala kelala ndalan.

Esekiɛl 44:6

O kon, má dimul vanaa nila kalua ha, cuavaa Israɛlla pɛɛn aa: «Nuaa Maalii, o co Mɛlɛka-o dimi ni aa: ‹Niaa cuavaa Israɛlla sei, dɛnnda nɔɔlɛila niaa co tosaa lan la co nin labɔɔ.

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

1Korɛntea 12:2

Tuma niáà síná vɔ Hala loo, a va niaa nanɔɔ má va kɔlan a niaa le piɔmaa suu le-a sooloo.

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

Marke 7:22

suundaa, ɲɛm pilan yeemaa, vana vɔɔnyɛi, kɔlkalu vɔɔndo, ilaasi-laasiei, paŋalaa, sɔɔn pɔmbɔn, yongaa a diɔmndon.

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Esai 65:4

Vannda ha co icali o sɛilan nin, mà va lɔan o buululan nin, a co visin pewvon dioo, a nɔ ɲɛm dian nɔɔlɛiyon o ɲɛm-laandun ndan nin,

Esai 5:11

Dɛnɛ palaa co le vanaa can idii púŋ mà ɲaanun mɔima nɛyaan kɔɔli-a, le vanaa lo man kan kolɔɔ háá mì ma bii nda telen paalen le del-lo-a!

2Dɛnnda lemasalan 15:8

Mɛɛ masaa Asa tuei sɔɔn Asaria vana-tɛɛngaa-diom Hala-o, po Obɛd-o soo-on, mó sɔla yoomuan. Mó tɛɛmbuu sooluula va o tàndá Yuda-o a o tàndá Bɛnyamɛn-ndo nin-ndan kpow, mó tɛɛmbuu vɛlɛ sooluula va o kobila ndóò bii o lɛŋnde n'pembule Efraim-nden nin-ndan. O kon kɔɔli, mó mingi fonda-loamaa-lasálà Mɛlɛka va o Cɛi-Mɛlɛka-o hɔl-ndɔ-o toosiaa.

1Masaa 21:26

Mó tosa dɛnnda nɔɔlɛi-nɔɔlɛilan a piɔmnda sooloo mɛɛ Amoriaa Mɛlɛka tow, mó mingi Israɛlla o fonda ndaa-a va tosaa yɛ.

2Samiɛl 13:28

Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

Yeremi 16:11

O kon a mululnin nda aa: Sɔɛi fula Mɛlɛka o sondo-e co hee ni aa: ‹Kani fuɲaa niaa mamaa kɛɛ ya, má yiinun a halaa celen, má baŋ nda vulan o labɛngunin, má sooluu nda. Ya niko, má mal-la, a bii pɛɛkuula nilan te.