1Piɛr 3:3 - BII BILA

³ Naŋɔɔ niaa va o kɔɔ daama le: lavɔɔ, kelan sianion a volɔɔla sɔvɛlan,

1Piɛr 3:3 Referans Kwoze

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Yeremi 4:30

Éé nɔm kobi nda cii hoo tɛɛmbuu-o, vɛ̀ɛ́ n tosa yɛnin? A co volɔɔla siaŋala vólotótolan vownɔnndo, mà va kelan n'sianion vownɔnndo. Vɛ ma suinun ɲɛ tiŋi ŋɛlɛngi-ŋɛlɛngio o hɔltan coo? Fondo fúú n co kɛɛmian kon ni, sɔɛi nɔmnde nɛinun sámáá nɔmnda, a yeema le yoomu nɔmndo ciiyo.

Yeremi 2:32

Vɛ̀ɛ̀ cua laandoo pɔɛɛnun pá ɲɛm ndɔn kɛɛmianndon? Vɛ̀ɛ̀ vanalanɔ nda fula kɔɔli le nɔu-vo pɔɛɛnun pá kolacoole ndɔlen? Nduyɛ, o co nin hau lɔ́ɔ́ levil mí vanaa nia pɔɛɛnun ya.»

Esai 52:1

«Tiondu! Tiondu! Cɔn a mayoomu, nɔm Siɔn! Vownun volɔɔla nɔmnda sɔvɛ-sɔvɛlan, nɔm kobi diandaa Yerusalɛm! Kani kɔ̀ndénɔ piaandu luei lɛnin o nɔm ndo le, vana nɔɔlɛi luei lɛnin o nɔm ndo le.

Fulaa 33:4

Mɛɛ vannda tuei sáálé Mɛlɛka dimul nda kon-ndo, mí mɔnɛi bii nda. Vana-vana cueinun cuɛinɔn kɛɛsuan o palɛi ken bɛngu le.

O Kandɔɔ 24:53

Mó soli ɲɛm nda cɔw a volin humbon-ndon, ɲɛm nda cɔw a sianion-ndon a volɔɔla cuɛinanndan, mó yɔngu Rebeka. Mó yɔngu Laban yema ndɔ a kala ndɔ ɲɛm kɛndɔn taw.

O Kandɔɔ 24:47

O kon kɔɔli, mí ɲuna ndu aa: ‹Nɛ̀ɛ́ velu yɛ nɔm?› Mó mulul-la aa: ‹Fuɲa nuu co Betuɛl ni, po Milka vilul Nahɔr-o pɛɛn.› Tuma ya tuei lende-o, mí vow ndu kelɛi o milin a kelan baan o laba.

O Kandɔɔ 24:22

Mɛɛ ɲɔɔmɛɛa cii kolɔɔ, mó cua kelɛi n'sianiei, ì va le kalamulan laŋɔmpum, mó cua vɛlɛ kelan laban nda cɔw a sianion-ndon mún miun, ipilɛ ndíì hiow lusoo le kalamulan kɛmɛ, mó yɔngu Rebeka.

Condii lisai 45:9

Cun kɛndɛ mir, cun aloɛs a cun kɛndɛ kas co o domala nɔmnda bɛndulan coo. Diom ɲɛm-caa iyoo co fulaa le nɔm kɔllo nɛŋio o cɛila lemasala nda kɛɛmiaa a ciŋun kamaalan nin.

Fulaa 38:8

Mó toosiaa fɛngɛ bɛndu n'daɲaa a ɲɛ fɛngɛ kon kɛsi tumndo nin-ndo. A tofannda vanlaandua vá baala ndaa tosaa o cɛi-kola-toandaa-labɔɔŋianndo sondoo-a o toosiaa ndu ni.

Fulaa 32:2

Mí Aarɔn mulul nda aa: «La soli kelan n'sianin co laandua niaa, poaa niaa a cuavaa niaa laandua o loni-on mì la cuu ya mun.»

Esekiɛl 23:40

Hiovɔɔ o kon coo, má viam bɛɛ vannda vanpiaandua nuwviaa nɛɛ levil lándán, má viam kilaa nda kɔɔli, nduyɛ mí vanpiaandua kan hun. Mɛɛ nda hin, nɔm Oholiba, má pulun le nda, má suinun ɲɛlan o hɔl, má dovin a kelan a yɔɔvama nɔmndan,

Ɛstɛr 5:1

O paale yàándɔlen coo, mí Ɛstɛr mingin volɔɔla ndɔla lemasalan lekɔɔ, mó kɔ sim o bɛ́ɛ̀ va o cɛi lemasaa tɛɛn-ndo, o cɛila masaa va nin-ndan sondoo. Masaa va icali o kpɛŋɛ ndɔ lemasaa nin o dio bɛndoo sanaa.

Fulaa 35:22

Mí vanaa kelu o kɔlta ndalan nin-nda, vanpiaandua a vanlaandua, a hun a kelan lanion, kelan n'suon, kelan laban, a ɲɛm cɔwnun a sianion-ndon kpow, má tosa faleŋii vana heelu ɲɔɔ coo le Mɛlɛka ndu cɔmndo-e.

Fulaa 3:22

Vanlaandua hebreea, vana-vana va pɛ kɔlan, o piɛi vanalanɔ Esiptenɔ nda co o bɛ́ɛ̀-o, te kon te vana o co o ba cɛinin-ndo ɲɛm-laandun cɔwnun a volin humbon-ndon, ɲɛm-laandun cɔwnun a sianion-ndon a volɔɔla cuɛinanndan. Te la yunga pɛ Esiptea lende, la siiluu poaa niaa a cuavaa niaa ɲɛm mun.»

2Masaa 9:30

O kon, mí Yehu luɛi Yisreɛl. Yesabɛl tueyɔɔ lende, mó suinun ɲɛ ŋɛlɛngi-ŋɛlɛngio pum o lahɔl, mó bɛɛndiaa bollen ɲɛkɛndɛi, mó kɔ sim tofaa o dio-pɔmbɔɔ.

1Piɛr 3:2

telen nda canin kela niaa diandaa a kela niaa lebɛɛo-o.