1Piɛr 3:1 - BII BILA

¹ Niaa vanlaandua bɛɛ, vana-vana tuisin pɔnɔ ndɔ o labɛngunin, o kon hali mì a pum o nda tɛɛn a laalan sɔɛi Hala-e le, mà sɔlan le kela laandua ndaa, o ve a isɔɔ le,

1Piɛr 3:1 Referans Kwoze

Kolɔsea 3:18

Vanlaandua, la tuisin a piandaa niaa mɛɛ o bɛnda o Maalii nin yɛ.

Efɛsea 5:33

Kɛ le niaa sɔɛi he i co vɛlɛ ni. Mɛɛ mì vana-vana kaola laa ndɔ maa ndu pila, mì vana-vana ke pɔnɔ ndɔ bɛɛlen.

1Korɛntea 11:3

Nduyɛ, i yeema mì la sínà maa Krista co vanndacieea kpow bollen ni. Vanapɔnɔɔ co vanalanɔɔ bollen ni, Hala co Krista bollen ni.

1Korɛntea 7:16

Nɔm vanalanɔɔ laalan hoo-o, vɛ̀ɛ́ n sínà yɛnin maa a tiwnin ba mà ciindiaa pɔnɔ nɔm? Te kon te, nɔm vanapɔnɔ laalan hoo-o, vɛ̀ɛ́ n sínà yɛnin maa a ciindiaanin laa nɔm?

O Kandɔɔ 3:16

Mí Mɛlɛka dimul vanalanɔɔ aa: «I tuisinin nɔm sangalan coo taw telen n vanin a folio-o. Mɛɛ ma diw lahɔl malan n vialu. Yeemɛi biinin nɔm le pɔnɔ nɔm hɛnanndo, kɛ ndu vanin nɔm bollen ni.»

1Piɛr 3:7

Niaa piaandua bɛɛ, o calii niɛi nin niaa laandua niaa, la sínà maa vanaa yenge-yengea vanlaandua co ni. La ke nda bɛɛlen, kani niaa ndaa loonin kɛndɛi yoomoo ni, haliko ɲɛ-ɲɛ tosa mì piɛile niaalen le haw le.

Rɔmnda 7:2

Kani vanalanɔ co o nɔu-vo, o tɔŋ pɔnɔ ndɔ-o bɛngu o co ni, te pɔnɔɔ co vɔ pɛ yoomu. Kɛ te pɔnɔ ndɔ vi pɛ, mɛɛ o fula o tɔŋ ndóò yii ndu kon a pɔnɔ ndɔ-o bɛngu.

1Korɛntea 14:34

o bɛnda mì vanlaandua mei o cuungiannda lekaanndan, kani a nɔ dí ma soo lon te. O bɛnda mà tuisin tootoo mɛɛ tɔŋ Hala-o bɛɛ dimi yɛ.

Matie 18:15

«Te puapilɛ nɔmndo cua pɛ hakio, kɔ ma soo o ndu lo niaa ndu ŋiɔn kpé. Te o tuei pɛ nɔm diom, mɛɛ o siŋnun vɛlɛ puapilɛ nɔmndo.

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

Hebreea 11:8

A laalanndo Abraham cɛl veelu Hala-o ni, mó kɔa o lɛŋnde Hala yiilu ndu kpemaa le ndu len keo kɛ́ɔ len nin, ndóò sínà vɔ bɛɛ lon te, mó kɔa.

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

Rɔmnda 6:17

Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.

Talelan 18:19

Puapilɛ nɔm n tɛɛmbuu a ndu-o hiow kalu sɔɔnguuo ikɛi, a kobi co o kpakio nin-ndo biyɔɔ a cɔwvo. Maa sɔkɔma nda kinda diola cɛi lemasaa-an sɛɛngianndan la kinda kɔllo ni.

Talelan 11:30

Dɛnnda vana sandaa la co maa yɔm yɔngu cindaa-o. Vana nɔ pɛ kɔlkaloo, o sɔla vannda.

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Rɔmnda 10:16

Kɛ o co vannda kpow le a cɛl Yoongu kɛndɔɔ le. Mí Esai dimi ndi aa: «Mɛlɛka, nɛ̀ɛ́ laalan yɛ sɔɛi naa n co yondaa-e?»

1Piɛr 3:2

telen nda canin kela niaa diandaa a kela niaa lebɛɛo-o.