1Piɛr 1:2 - BII BILA

² Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

1Piɛr 1:2 Referans Kwoze

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Rɔmnda 11:2

O co kɛɛ le Hala kɛɛ vanaa ndɔa o síná o tasendɔ-a le. La sínà ɲɛ sɛvan a Elii o kɔɔ-o le? Mó cɛɛŋun a Israɛlla o sondo o Hala lo aa:

2Piɛr 1:2

Màá kɛndɛi a kɔlɲuloo kui niaa o lakɔl le sínà niaa síná Hala a Maalii naa Yeesu-o!

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Marke 13:27

O cuunin mɛlɛkaa ndɔa, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o lɛŋnden mɛɛlulan, kɔlan tiiyaa o halataalaa mɛɛlulan.»

Marke 13:20

Te Mɛlɛka ndóò dɔɔniaa palɛi ken te, vana-vana óò cindanin te. Kɛ mó dɔɔniaa palɛi ken le vanaa o hɛli-a.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Rɔmnda 16:19

Niaa niaa, vannda kpede a sínà maa vanaa biyaa isɔɔa niaa co ni, lelan ya naŋ kɔl a dɛnɛ niaa ni. Nduyɛ i yeema mì la va vanaa kɔlkalua a dɛnɛ kɛndɔɔ o kɔɔ, mì la va vanaa diandaa a dɛnɛ vɔɔndo o kɔɔ.

Rɔmnda 8:33

Nɛ̀ɛ́ lɔalu yɛnin vanaa Hala hɛli-a? Hala siinguu vana vana sandaa ni.

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Matie 24:22

Te palɛi ken ndíì dɔɔnian te, vana-vana óò cindanin te. Kɛ le vanaa sɔla hɛlio-a, mí palɛi ken i dɔɔnian.

Tɔŋ miingua 7:6

Kani niaa, vanaa diandaa niaa co le Mɛlɛka Hala niaa ni. Ò hɛli niaa o vanaa súúla yɛ́-yɛ́a co o lɛŋnden coo-a kpow tɛɛn, haliko mi la va a ndɔa.»

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Hebreea 11:28

A laalanndo, mó tosa kafo-hiavaa-coo, mó dimul vannda le koovan suiyo o kèéden lacɛiyon coo. O kon mɛlɛkanɔ piɔ́mndo dii poaa tasea Israɛlla le.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Rɔmnda 8:13

La kela pɛ o dɛnnda n'falulan nin, la co vu. Kɛ te Kɔl-Diandaa tosa pɛ mì la dii dɛnnda ivanaciea lan, mɛɛ la vanin yoomu.

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

Dɛnnda kiilaa 15:18

o cɔm vannda tuula ndɔlan kabi sindɛ-o pɛɛn.

Daniɛl 4:1

«Ya Nebukanɛsar, i vannun icali yili o ya lo cɛinin, i va a kɔlkɛndɔɔ o cɛi ni lemasaa nin.

Esai 65:22

A tengul-lɛnin cɛilan mì vana celen koma luɛi lenin te, a tol-lɛnin le vana celen baloo dɔvɔɔ le, kani vanaa niaa viawnin yoomu mɛɛ yɔmii tɔalɛi viaw yoomu yɛ. Nduyɛ vanaa niaa hɛlinnda a dianin baala nda tosa a bala ndalan-ndo tɔnɔ.

Yude 1:2

Màá la sɔla ɲííye tuinɔnndo, kɔlɲuloo a kaolaa taw-taw!

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

Rɔmnda 11:28

Le kɛɛ nda kɛɛ yoongu kɛndɔɔ-o, yaamɔaa Hala-a nda co ni, kon yɛ le dɛnɛ niaa kɛndɔɔ o tosan ni. Kɛ a ba hɛli Hala-o o kɔɔ, Hala kaola nda le fuɲaa ndaa mamaa.

Dɛnnda kiilaa 20:32

Nihau, i sɔɔ niaa Hala o ba a o kɛndɛi ndɔɛi bɛngu. O nɔ kpaayaa le niaa yoomuan lueiyo, mò tosal niaa dɛnɛ kɛndɔɔ taw, kpaaya o kɛsi teengen le vanaa co le ndu-a kpow-vo.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Marke 13:22

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, le vanaa sɔla hɛlio-a lueiyo o pɔwlan nin, taa tiw pɛ ba.

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

2Nsaŋ 1:13

Cuavaa pɔmbɔ nɔm laandu Hala hɛli-o bɛɛ a yil nɔm.

2Nsaŋ 1:1

Ya bɛndu kalaa, i co sɛbɔɔ ho sɛvaa le Vanalanɔ Hala hɛli-o nda cuavaa ndɔa ya kaola o toɲaa nin-nda, o co ko ya le kaola nda le, kɛ vanaa-vanaa sínà toɲaa.

Daniɛl 6:25

Mí masaa yɔngu diomndo le vanaa lɔlu Daniɛl-la biyɔɔ a le nda viovɔɔ o soon yàlàá nin, nda pila, laandaa ndaa a cuavaa ndaa. Mɛɛ nda viow nda, a tiiya bɛɛ o soondo tumndo le, mí yàlàà kan kpuwviaa nda, má sɛɛsiaa nda.

Esai 65:9

I kenin vanaa Yakɔb-a cuavaa-imamaa fulaa o polale Yuda len nin, nda loonin pembun nun ni, nduyɛ lon vanaa niaa baalaa calnin ni.

Tɔŋ lasálàá 1:5

O kon kɔɔli, o kelu cɔlu kon bololan o cɛi-kola-toandaa-labɔɔŋianndo sondoo. Vanaa-solia-lasálàá, poaa Aarɔn-nda cɔm Mɛlɛka kooma cɔlu kon, à balu man fasaŋiaa o kpengun fonda-loamaa-lasálà co o dio cɛi-kola-toandaa-labɔɔŋianndo ikɛi-yo coo pindo.

1Piɛr 1:14

La del yeeman niáà nɔ paandu o sina lepɛŋ niaa nin-ndon kɔɔli le, n niáà nɔ telen niaa va vɔ n'cuaambɔ-on pɛɛn.

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

1Piɛr 1:20

Mó sɔla hɛlio lɔ́ɔ́ pá mí ceendo cɔawnun, mó fula ceen vakpa o palɛi mɛɛlɛi he le dɛnɛ niaa kɛndɔɔ.