1Piɛr 1:18 - BII BILA

¹⁸ Kani la sínà maa o co a volion, te kon te a sianion, ɲɛm támbù mun-ndon te niaa sɔla baŋaa dɛnnda niaala fondolan ba le, dɛnnda fuɲaa niaa mel niaa kɛ́ɔ lan pɛɛn.

1Piɛr 1:18 Referans Kwoze

1Korɛntea 6:20

Hala pendu niaa a vɔngu bɛndoo ni. Lelan la biilu ndu a dialun nian a á kɔlta niaalan.

1Korɛntea 7:23

A vɔngu báà kalaa Mɛlɛka pendu niaa ni. Lelan, la siŋnun cɛa vanndacieea le.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Kalatea 1:4

Maalii Yeesu yɔngu yoomu ndɔɔ le naa ciindiaa le hakila naalan, mó soli naa o ceen vɔɔndo ho nin, maa mɛɛ hɛnan Hala Fuɲa naa-o co yɛ.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Amɔs 2:4

Nuaa Mɛlɛka soo ni aa: «Le yɔŋnda vɔɔnnda yàála vannda Yuda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pɛɛsa tɔŋ Mɛlɛka-o, má kɛɛ le silala ndɔlan biyɔɔ. À laasian o piɔmaa lacòòvaa sooloo nin, piɔmaa fuɲaa ndaa bɛɛ a sooluu sindɛ-a pɛɛn.

Condii lisai 62:10

Ɲaa yoomaa daama vanndacieea co ni, sɔɔn lacòòvan kínɛí n co nda o lasondo ni. Te vana heelu nda pɛ o kiloo coo, nda kpow, lusul ndaa tiiya maa lusul ihoeiyo le.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

Esekiɛl 20:18

Mí dimul poaa ndaa o lɛŋnde veselɛilen nin aa: ‹La del silala fuɲaa niaa kɔɔli le, la bii sɔɔn nda co niaa pɛɛkoo-on te, la nɔɔlian a piɔmaa ndaa le!

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 9:14

diom ya Mɛlɛka-Nɔ-Kpaayaa-Kpow-vo, ya Hala Israɛlla dimi-o co hoo ni aa: «I co vannda ha bil loloo ke mà de, mì koesi nda bɔ̀tàá.

Yeremi 4:11

Paale len, Mɛlɛka dimulnin vanaa kan a Yerusalɛmnda aa: «Hoeyii tuwve co hɔŋndo o pembun co o lɛŋnde veselɛilen nin-ndon coo, i bii nɛiyo hunɔɔ o vanaa nia lo, o co hoeyii hɛyaa n'kul le mun dindi le.

1Korɛntea 3:20

O co vɛlɛ o sɛvaa aa: «Mɛlɛka sínà yiyannda vanaa kɔlkalua, o sínà maa ɲɛ fondoo fúú la co ni.»

Esai 44:22

I vɔɔsuu hakila niaalan maa mɔ́m. I ɲumi yɔŋnda vɔɔnnda niaalan maa yumbuyumbu. Lelan la muungu ya o ibuŋ, kani ya baŋa niaa ni.

Esai 52:3

Kani nuaa Mɛlɛka dimi ni aa: «Fondo fúú nda pisi niaa ni, o co a vɔngu le, o venin vɛlɛ a n'voli le niaa sɔlanin baŋaa le.

Hebreea 9:12

Luɛyɔɔ Krista luɛi kon lepilɛ kpé o fonda diandaa-diandaa nin-ndo, o yɔngu kooma cuinaa toovi le, o yɔngu kooma navaa téndé le, kɛ kooma ndɔma ndu pila-an o yɔngu ni, o kon mó baŋa naa le fɛɛn a fɛɛn.

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

Marke 8:37

Nduyɛ, te yoomu fɛɛn-fɛɛndo hɛlun pɛ vanacieo, o nɔla pá ndu baŋa?