1Piɛr 1:13 - BII BILA

¹³ Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.

1Piɛr 1:13 Referans Kwoze

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

Luke 12:35

«La yiinun yawve le vallo, mì la va a bɛɛndiannda, mì fitinala niaalan la va la mɛndulaa.

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

1Piɛr 3:15

Kɛ la ke Krista co Maalii-o bɛɛlen o kɔlta niaalan nin. La va lɔ́ɔ́-lɔ́ɔ̀ a bɛɛndiannda, haliko te vanndo ɲuna pɛ niaa le kɔlɔ niaa nɔ kɔlkɛsiaa-o, la tɛɛsial ndu kɔlɔ kon.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

Efɛsea 6:14

Lelan, la va a bɛɛndiannda: la yiinun toɲaa o can maa leyaw, mì la vownun dɛnɛ sandaa maa doma cɔw.

1Korɛntea 1:7

Lelan, la fola ké kɛ́-kɛ̀ le, niaa co Maalii naa Yeesu Krista cumndo telen o fulanin-ndo-a.

Luke 17:30

Lende koni ɲɔɔ yɔŋnunnin paale Po vanacieo cɔmnunnin-nden ni.

Hebreea 10:35

Lelan, la màl laalanndo le, la sɔlanin sala bɛndoo le ndu.

Hebreea 6:19

N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

2Timote 4:5

Kɛ nɔm nɔm, va vana taasio o dɛnndan nin kpow, mà biwnun sangalan, mà tiiyal vannda Yoongu Kɛndɔɔ, mà tosa vali n nɔ le tosaa-o maa vana baala Mɛlɛka-o.

1Korɛntea 13:13

Sunsun yɛ niko, ɲɛm yaan mun n co ni: laalanndo, kɔlkɛsiaa a kaolaa, kɛ o hiow lan kpow-vo co kaolaa ni.

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

SƐBƐ YƆB-O 40:7

«Sim yili! Tosa vanapɔnɔyɛi maa! I co nɔm ɲuuniaa, ma kindi ya kɔl.

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

Yeremi 1:17

Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

Esai 11:5

Dɛnɛ sandaa vanin yáwle ndɔle sayiannden ni, toɲaa vanin yáwle ndɔle kandan o caŋ-nden ni.

1Masaa 18:46

Mí Mɛlɛka luei Elii yoomuan, mó yiinun yáwlen o caŋ, mó va Akab ɲaanɔnndo laci háá Yisreɛl ciee-lekɔɔ.

Fulaa 12:11

Mɛɛ niaa bɛnda le ɲɛdiaa kon dioo yɛ co hoo ni: la bɛnda mì la kandan yáwlen o caŋ, mì la vownun samtalan o n'pelu, mì la bii tindala niaalan o laba. La bɛnda mì la de ndu cɔ́-cɔ́ le kɔlan. Nuaa niaa bɛnda ni mi la tosa kafo-hiavaa-coo le ya Mɛlɛka.

SƐBƐ YƆB-O 38:3

Sim yili! Tosa vanapɔnɔyɛi! I co nɔm ɲuuniaa, ma kindi ya kɔl.»

2Masaa 4:29

Mí Elise dimul Kehasi aa: «Yiinun yáwlen o caŋ, mà bii tinda nuu o ba, mà kɔɛ. La bɔŋan bɛɛ niaa vannda, yil nda le. Vana yil vɛlɛ nɔm bɛɛ, muli le. A tiiya pɛ, a kɔ keeliaa tindaa poombɔ kalaa o hɔl.»

Luke 17:8

Ɛ-ɛ, o co lende le, nuaa o dimul ndu ni aa: ‹Toosial-la ɲɛdiaa, mà mangalan volɔɔlan lekɔɔ le ya ɲɔɔn yɔngoo telen ya vanin dioo a kolɔɔ-o. O kon kɔɔli, nɔm de niko.›

Rɔmnda 8:19

Ɲɛm Hala cɔw-von kpede n co telen Hala hun cɔmnin biilu cuavaa ndɔa-o cumndo a yeemɛi bɛnduei.

Kolɔsea 3:4

Telen Krista, o co yoomu niaa-o fulanin ceen-ndo, o kon niaa bɛɛ la fula latulu a ndu o biiloo nin.

1Piɛr 1:10

Vanaa-tɛɛngaa-diom Hala-a, a tɛɛnguu sɔɔn Hala-on a kɛndɛi va le niaa-e o kɔɔ-a yaasiaa, má tosa baalaa le cinda kon.

1Piɛr 5:12

Kɛɛmasɔla Silvɛn te, o ya ce maa puapilɛ ni kɛndɛ-kɛndɛ-o, ndu mala ya le niaa sɛbɔɔ ho sɛvallo ni. I sɛval niaa ndu le niaa silaa maa o kɛndɛi Hala-e kpeekpei niaa yiinun nuaa ni.

Matie 20:4

Mó dimul nda aa: ‹Niaa bɛɛ la kɔ tosa vallo o nakɔ nuu nin, dɔ́ɔ́ i ke niaa sala bɛnda-o.›