1Piɛr 1:10 - BII BILA

¹⁰ Vanaa-tɛɛngaa-diom Hala-a, a tɛɛnguu sɔɔn Hala-on a kɛndɛi va le niaa-e o kɔɔ-a yaasiaa, má tosa baalaa le cinda kon.

1Piɛr 1:10 Referans Kwoze

Matie 13:17

I co niaa toɲaa dimul, vanaa-tɛɛngaa-diom Hala-a a vanaa sandaa bɔɔ-bɔɔ ndáà yeema mì ndáà ce ɲɛ niaa co cɔu-vo, kɛ a cí le, mì ndáà tuei ɲɛ niaa co tueyɔɔ-o, kɛ a tuí le.»

Luke 10:24

Kani mì dimul niaa, vanaa-tɛɛngaa-diom Hala-a bɔɔ-bɔɔ a masaa bɔɔ-bɔɔ ndáà yeema mì ndáà ce dɛnndan ndan, kɛ a ci lan te. Ndáà yeema mì ndáà tuei ɲɛ niaa co hoo tueyɔɔ-o, kɛ a tui ndu le.»

Dɛnnda kiilaa 7:52

Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.

Nsaŋ 5:39

La co O-Sɛvanndo yaasiaa ɲɛkɛndɛi, kani la yiyan maa lenin niaa sɔlanin cinda fɛɛn-fɛɛndo ni. O-sɛvan kon-ndo kpeekpei co seile nilen timbio ni.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Dɛnnda kiilaa 10:43

Vanaa-tɛɛngaa-diom Hala-a kpow a tɛnda seilen a ndu o kɔɔ maa vana-vana laalan ndu pɛ, hakila vana kon la malnun haki o diola ndɔlan.»

Sakari 6:12

A cii pɛ, a dimul ndu aa: Yaŋ-ndɔ nilan! Mɛlɛka-Nɔ-Kpaayaa-Kpow-vo dimi maa vanapɔnɔ nɔ diolan aa Vulɔɔ-o o labɛngunin ɲɔɔn kpow n vulnin ni. Ndu minginin cɛi biilaa Mɛlɛka-o tangul ni.

Nsaŋ 7:52

Má mulul ndu aa: «Mò va maa nɔm bɛɛ Kalile n fula ni? Yaasiaa ɲɛkɛndɛi, a canin maa vana-tɛɛngaa-diom Hala fula Kalile le.»

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Matie 26:24

Po vanacieo co hunɔɔ piɔ́mndo sɔla mɛɛ o sɛvan a ndu o kɔɔ o Sɛbɛ Hala-o nin yɛ. Kɛ dɛnɛ palaa co le vana malnin ndu vannda o ba-o. Ndóò va fisa hali mì vana kon ndóò vilun te.»

Talelan 2:4

taa nuwviaa ndu pɛ mɛɛ vana nuwviaa volion yɛ, taa nuwviaa ndu pɛ tɛɛ-tɛɛ mɛɛ vana nuwviaa bolofaa yɛ,

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

1Piɛr 1:11

A va kindinndo le telen dɛnnda lan la tosan-ndo a ɲɛ yɔngu dɛnnda lan tosanndo-o sinaa, la Hala Kɔl-Diandaa Krista-o yɔngu lan pɛɛn. O dɛnnda lan nin nda va pɔɔ sangala Krista ndóò sɔlanin-ndan a biilu ndóò sɔlanin o kon kɔɔlio dimio ni.

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Aasee 2:7

I hiiluunin vanaa-mangalaa-isɔɔa kpede, mì bolofaa ndaa kpow hin nanu, mì pei Cɛiyo ho a biiloo. Ya Mɛlɛka-Nɔ-Kpaayaa-Kpow-vo dimi lende ni.

Hebreea 11:40

Ksani Hala ndóò cii nin ɲɛm hiow naŋɔɔ le naa-on toosiaa. O yeema mi n kɔ sɔla mun latulu naa ndaa.

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Dɛnnda kiilaa 28:23

O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo.

1Piɛr 1:13

Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.