1Piɛr 1:1 - BII BILA

¹ Ya Piɛr, kiila Yeesu Krista-o ni. Ya co vanaa Hala hɛli, má ɲaanun, má sɛŋin o lɛŋii bungɛi he nin-nda sɛvallo ni, a co Pɔn, Kalasi, Kapadɔs, Asii a Bitini-a.

1Piɛr 1:1 Referans Kwoze

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Efɛsea 2:19

Lelan, niaa vanaa co N'Yuifi le-a, la co lɛ n'mial te, la co vɛlɛ vanaa hiavan te, kɛ pilacieaa niaa co nin niaa vanaa diandaa latulu ni, vanaa pilɛa co o Cɛi-Hala-a nin-nda.

Condii lisai 44:11

A co tosaa mí yaamɔaa naa va naa tovɔɔ, mí vanaa nɔ nɛyɔnndo a naa-a va ɲɔɔn hiɔlɔɔ naa o ba.

Dɛnnda kiilaa 8:4

Vanaa sɛŋin kan-nda va keiyo sɔɛi Hala-e dimio nɛɛ-nɛɛ ka.

Nsaŋ 11:52

O va vu le lɛŋnden, kɛ mì ndóò mɔɔsiaa vɛlɛ cuavaa Hala-a co a sɛŋiannda-a, haliko ma muungu dialle ndii pilɛ.

Matie 24:22

Te palɛi ken ndíì dɔɔnian te, vana-vana óò cindanin te. Kɛ le vanaa sɔla hɛlio-a, mí palɛi ken i dɔɔnian.

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

Ɛstɛr 3:8

Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Efɛsea 2:12

O telen kon, la va Krista levil, la ve n'pilaciee Israɛlla tɛɛn te, mialla niaa va le kpema Mɛlɛka ndóò yii mí ndóò cua ciɛ́i-yo ni. Niáà nɔ tiindan kɛ́-kɛ̀ le, niáà nɔ vɛlɛ Hala le.

2Korɛntea 1:8

Puapilɛa naa, n yeema mì la va o sínà lepɛŋndo nin te, le sanga naa n sanga Asii-yo. Kani n sɔla sanga bɛndoo háá mí yoomuan ma fula naa, n ve lɛ kɔl maa naa n cinda nin te.

Dɛnnda kiilaa 18:2

Mó komal Yuifinɔ pilɛ lon diolan Akilas, fulaa Pɔn. Ndóò hin ko sɛnɛi fulaa Itali nda Prisil laa ndɔ, kani mí Klode dimul Yuifia kpow maa a faŋan Rɔm. Mí Pol kɔa nda yilɔɔ.

Esekiɛl 6:8

Kɛ i mɛinin vanaa pum yoomu o niaa tɛɛn, vanaa hialunnin mɔɛi cɔwve, mà lo yoomu-a pɛɛn. I sɛŋinin nda o lɛŋii isumualle tɛɛn.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

2Timote 1:15

A sínà maa vanaa co Asii-a kpow a cii ya malɔɔ, hali Fikelus nda Hɛrmosɛne bɛɛ a mal-la.

Kalatea 1:2

a puapilɛa naa n co latulu-a, n co vanaa laalannda Kalasii sɛbɔɔ ho sɛvallo.

1Korɛntea 16:19

Kundala vanaa laalannda Asii a yil niaa. Akilas, Priska a vanaa laalaŋaa co bɔɔŋianndo biyɔɔ o nda lo cɛinin-nda bɛɛ a yil niaa.

Dɛnnda kiilaa 19:10

Vɔsilan tan tiɔn o va kon tosaa, o kon mí vanaa va o lɛŋnde Asii len nin-nda: Yuifia a vanaa ve N'Yuifi le-a a tuɛi sɔɛi Maalii-e.

Dɛnnda kiilaa 18:23

Mó lo lon le telen pum. O kon kɔɔli, mó muungu, mó kei o fondala yɛ́-yɛ́la va Kalasii a Frisii lan, mó luei kaandennda kpow yoomuan.

Dɛnnda kiilaa 6:9

Kɛ mí sɛɛngianndan la can Etiɛn nda vanaa va o cɛi lekaando nin-nda tɛɛn, cɛi ndáà veelu aa: Cɛi lekaan cɛa sɔla baŋaa-a-o, a vanaa fula Sirɛn a Alɛksandrii-a kɔ bii niko a vanaa fula Silisii-a a haa Asii.

Nsaŋ 7:35

Mí Yuifia dimulan aa: «Kuɛɛ o kɔa yɛnin mì n bumba ndu saalɔn? Mo va o Yuifia co a sɛŋiannda Krɛkia tɛɛn-nda lo o kɔanin mo kɔ pɛɛku Krɛkia ni?

Matie 10:2

Diola kaandeŋaa tɔ́ a à ŋiɔŋaa kan la co lan ni: Vana tasoo Simɔn, o nda veelu vɛlɛ aa Piɛr-o, a Andre puapilɛ ndɔ. Nsaki po Sebedee-o a Nsaŋ puapilɛ ndɔ.

Matie 4:18

Yeesu va kɔlan o mɛmma ihɛllan Kalile demullo, mó ca puapilɛa pum nda ŋiɔn, Simɔn, o ndáà veelu aa Piɛr-o a Andre pɔmbɔ ndɔ. A va yala yɔɔyaa vuuo o mɛmma ihɛllan nin, kani vanaa yɔɔyaa nda va ni.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Tɔŋ miingua 32:26

Mí dimi aa i yeema mì saŋ nda fásàn. I yeema mì ɲumi diola ndalan vanndacieea tɛɛn.

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?