1Nsaŋ 5:13 - BII BILA

¹³ I sɛval niaa ndi, haliko mi la sina maa la nɔ yoomu fɛɛn-fɛɛndo, niaa laalan o diola Po Hala-o lan-nda.

1Nsaŋ 5:13 Referans Kwoze

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

Nsaŋ 1:12

Kɛ nduyɛ, vanaa cɛl ndu-a kpow, a laalan o diola ndɔlan-nda, mó ke nda dio le siŋnɔnndo cuavaa Hala-a.

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.

Nsaŋ 3:18

Yamɛi co le vana laalan ndu-o le, kɛ yamɛi vana laalan ndu loo i cuu nin kiolɔɔ, kani o laalan Po pilɛ Hala-o le.

1Nsaŋ 2:21

I sɛval niaa, o co dɔ́ɔ́ maa la kɛɛ toɲaa sínà le, kɛ le mɛɛ niaa sínà ndu yɛ, a le mɛɛ còòla kɛ́-kɛ̀ la fula o toɲaa nin te yɛ.

Kalatea 4:6

Le mɛɛ niaa co cuavaa vialaa yɛ Hala luei Kɔl Po ndɔɔ naa o lakɔl ni, ndu co naa vomɔɔ Hala veeloo ni aa: «Pua!»

1Nsaŋ 5:10

Vana laalan pɛ Po Hala-o, ndu nɔ seile len ndu o kɔl. Vana laalan yɛ Hala le, mɛɛ o siinguu ndu vana lacòòvaa, kani o kɛɛ seile Hala co tɛndaa a Po ndɔɔ o kɔɔ len laalanndo.

1Nsaŋ 2:1

Cuavaa nia hɛnan ya-a, i co niaa sɔɔn mun sɛval, haliko la tosa haki le. Te vanndo pum tosa yɛ pɛ hakio, n nɔ vana soaa le naa-o o Pua lo, Yeesu Krista vana sandaa pɛɛn.

1Nsaŋ 1:4

N co niaa ndi sɛvallo haliko mi ɲaale naa peelun.

1Piɛr 5:12

Kɛɛmasɔla Silvɛn te, o ya ce maa puapilɛ ni kɛndɛ-kɛndɛ-o, ndu mala ya le niaa sɛbɔɔ ho sɛvallo ni. I sɛval niaa ndu le niaa silaa maa o kɛndɛi Hala-e kpeekpei niaa yiinun nuaa ni.

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Nsaŋ 2:23

Telen Yeesu va Yerusalɛm o kafo-hiavaa-coo-o, mí vanaa bɔɔ-bɔɔ laalan o diola ndɔlan, lɔ́ɔ́ nda ce dɛnnda kaamaala o va tosaa lan-ndo pɛɛn.

1Nsaŋ 2:26

Hee yáà yeema le niaa sɛvallo ni, sɔɛi vanaa yeema le niaa lueiyo o pɔwlan nin-nda.

Dɛnnda kiilaa 3:16

A laalanndo a o diola Yeesu lan langbanɔ niaa co hoo cɔu, mì la sina ndu-o simul nuaa ni. Le laalan o laalan o diola Yeesu lan-ndo o sɔla siongɔɔ niaa kpow o hɔl nuaa ni.

Nsaŋ 21:24

Kaandennɔ co seilen timbio a dɛnnda lan o kɔɔ-o sɛva lan ni. N sinà yɛ maa toɲaa seile ndɔlen le co ni.

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

1Nsaŋ 2:25

Ɲɛ o dimi le naa keo-vo co yoomu fɛɛn-fɛɛndo ni.

1Nsaŋ 4:9

Tofa vɔ mɛɛ kaola Hala-o cɔmnun naa yɛ: Hala vem Po ndɔ pilɔɔ o ceendo coo, haliko mi n va yoomu ndu o ba bɛngu.

1Nsaŋ 5:11

Seile len le co len ni: Hala ke naa yoomu fɛɛn-fɛɛndo, o Po ndɔɔ nin yoomu kalaa co ni.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.