1Nsaŋ 5:11 - BII BILA

¹¹ Seile len le co len ni: Hala ke naa yoomu fɛɛn-fɛɛndo, o Po ndɔɔ nin yoomu kalaa co ni.

1Nsaŋ 5:11 Referans Kwoze

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

1Nsaŋ 2:25

Ɲɛ o dimi le naa keo-vo co yoomu fɛɛn-fɛɛndo ni.

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

1Nsaŋ 4:9

Tofa vɔ mɛɛ kaola Hala-o cɔmnun naa yɛ: Hala vem Po ndɔ pilɔɔ o ceendo coo, haliko mi n va yoomu ndu o ba bɛngu.

Nsaŋ 1:4

O ndi nin yoomoo co ni, yoomu kon co ɲɛ-tengaa le vanndacieea ni.

1Nsaŋ 5:10

Vana laalan pɛ Po Hala-o, ndu nɔ seile len ndu o kɔl. Vana laalan yɛ Hala le, mɛɛ o siinguu ndu vana lacòòvaa, kani o kɛɛ seile Hala co tɛndaa a Po ndɔɔ o kɔɔ len laalanndo.

Nsaŋ 19:35

Mí langbanɔ ce man-ndo timbi seilen, seile ndɔlen le co toɲa. Ndu sina maa toɲaa o co dimio ni, o co ndi dimio haliko mi niaa bɛɛ laalan.

Nsaŋ 10:28

I yɔngu nda yoomu fɛɛn-fɛɛndo. A vinin lɔ́ɔ́-lɔ́ɔ̀ le, nduyɛ vana-vana solinin nda ya o ba le.

Nsaŋ 6:68

Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

Nsaŋ 5:26

Kani mɛɛ Fuɲa nuu nɔ yoomoo niŋ yɛ, lende koni o cɛl ni mí Poo bɛɛ nɔ yoomoo.

Yude 1:21

La lo o canyɛi Hala-e nin nanu a hunɔɔ Maalii naa Yeesu Krista-o, mò hun ke niaa yoomu fɛɛn-fɛɛndo a kɛndɛi ndɔɛi.

1Nsaŋ 5:7

Seiya nda yáá co seilen tɛndaa ni:

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

1Timote 1:16

Kɛ lelan Hala tuinun ya iɲíí ni. Yeesu Krista ndóò yeema mí ndóò cɔm biuvɔn ndɔ nɔ lamɛɛlu loo o ya vana lahaki bɛndoo nin, haliko mi biuvɔn kon va tɔɔmaseloo le vanaa ndáà hun laalannin ndu, mì ndáà sɔla yoomu fɛɛn-fɛɛn ndo-a.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

3Nsaŋ 1:12

Vannda kpow a co diola kɛndɛla Demetrius lan dimio. Toɲaa pila bɛɛ co lan dimio. Naa bɛɛ, n sínà maa toɲaa sɔɔn naa n dimi-on co ni.

Nsaŋ 12:50

Nduyɛ i sina maa sɔɔn ndɔn co cinda fɛɛn-fɛɛndo ni. Lelan sɔɔn ya co dimio-on, mɛɛ Pua vem ya mun dimio yɛ ya co mun dimio ni.»

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Dɛnnda cɔɔmuanndan 1:2

Nsaŋ co seiyo ni, maa toɲaa ɲɛ-ɲɛ o ce o sɔɛi Hala-e a o dɛnɛ Yeesu Krista-o o kɔɔ-o yɔŋnun ni.

Nsaŋ 6:47

I co niaa toɲaa dimul kpendekele, vana laalan pɛ, ndu sɔla cinda fɛɛn-fɛɛndo.

Nsaŋ 5:21

Kani mɛɛ Fuɲaa tindi vanvílɛ́iya má muungu yoomu yɛ, lende koni Poo bɛɛ yɔngù vanà o yeema-o yoomoo ni.

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Rɔmnda 5:21

Nduyɛ, mɛɛ hakio tosa masalen a piɔ́mndo o kɔɔ yɛ, lende koni kɛndɛi co masalen tosaa a dɛnɛ sandaa o kɔɔ ni, le vanndacieea yoomu fɛɛn-fɛɛndo yɔngoo Maalii naa Yeesu Krista o ba bɛngu.

Nsaŋ 1:19

Seile Nsaŋ-nden le co len ni, telen Yuifia lo Yerusalɛm má viam vanaa-solia-lasálàá a leviia le ndu Nsaŋ kɔlan ɲunaa-o aa: «Nɛ̀ɛ̀ kpeekpei nɔm co yɛ?»

Nsaŋ 4:4

Le kɔlan ndon yɛ, mɛɛ mì ndóò kei o tàndá Samari-o nin.

1Nsaŋ 4:10

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.