1Nsaŋ 4:9 - BII BILA

⁹ Tofa vɔ mɛɛ kaola Hala-o cɔmnun naa yɛ: Hala vem Po ndɔ pilɔɔ o ceendo coo, haliko mi n va yoomu ndu o ba bɛngu.

1Nsaŋ 4:9 Referans Kwoze

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

1Nsaŋ 5:11

Seile len le co len ni: Hala ke naa yoomu fɛɛn-fɛɛndo, o Po ndɔɔ nin yoomu kalaa co ni.

Rɔmnda 8:32

Ndu kuunan Po ndɔ ndu pila-o coo loo, kɛ mó faŋa ndu baa coo le naa kpow, baa mò kɛɛ naa ɲɔɔn kpow ke naa Po ndɔ kon-ngaa latulu?

Nsaŋ 6:57

Maa mɛɛ Pua co yoomu-o vem ya, mì va yoomu le ndu Pua yɛ, lende koni, vana de ya pɛ, ndu vanin yoomu le ya.

1Nsaŋ 4:10

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.

1Nsaŋ 3:16

Ɛ̀ɛ̀ o ken naa n cɔm ni maa n sínà kaolaa: Yeesu yɔngu yoomu ndɔɔ le naa. Naa bɛɛ n bɛnda mì n yɔngu yoomu naa le puapilɛa naa.

Nsaŋ 10:10

Le ciimbuuo, diwvo a tɛɛmbuuo daama vuiyo ndu hun ni. Ya ya, i hin haliko mi saa sɔla yoomoo, mà sɔla ndu taw-taw.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Nsaŋ 3:18

Yamɛi co le vana laalan ndu-o le, kɛ yamɛi vana laalan ndu loo i cuu nin kiolɔɔ, kani o laalan Po pilɛ Hala-o le.

Hebreea 1:5

Lepilɛ bɛɛ o dimul mɛlɛkanɔ kɛ́-kɛ̀ le aa: «Nɔm co po nuu ni, kandɔɔ hau, i siŋnun Fuɲa nɔm.» Nduyɛ, lepilɛ bɛɛ vɛlɛ o dimul lɔ mɛlɛkanɔɔ pum te aa: «Ya co va fuɲaa le nɔm ni, mì nɔm va po nuu.»

Nsaŋ 8:42

Mí Yeesu dimul nda aa: «Te ndóò va pɛ maa Hala co Fuɲa nia ni, la va ya kaola, kani o Hala nin ya fula ni mí hun. O co a ba ni le ya hin te, ndu vem ya ni.

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Marke 12:6

Po ndɔ ndóò kaola taw-vo daama ndóò lo nin ni. Mó vim nda ndu o mɛɛlulan. Mó dimi aa: ‹Po nuu ndu a kenin ndu bɛɛlen.›

1Nsaŋ 4:16

Naa yɛ, n sínà kaola Hala nɔ le naa-o, n laalan. Kaolaa Hala co ni, vana co pɛ o kaolaa nin, mɛɛ ndu co o Hala nin, mì Hala va o kɔl ndɔɔ nin.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 6:29

Mí Yeesu mulul nda aa: «Baala Hala-o co ni, mì la laalan vana o vem-ndo.»

Nsaŋ 8:29

Vana vem ya-o co ya ikɛi, o mel-la ya pilɛ kpé le, kani ɲɛ hɛnan ndu-o ya co tosaa lɔ́ɔ́-lɔ́ɔ̀ ni.»

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

O Kandɔɔ 22:2

Mí Hala dimul ndu aa: «Cuá po nɔmndo, po nɔm pilɛ n kaola kon taw-taw-vo, Isaak pɛɛn, mà kɔɛ a ndu o lɛŋnde Moria len nin. La tiiya pɛ lon, a soli ndu sálà loamaa le ya o pembii ya cɔmnin nɔm-nde coo.»

Nsaŋ 9:3

Mí Yeesu muli aa: «O co le haki ndɔ ndu pila, te kon te le haki vanaa velu ndu-a le o suma le, kɛ haliko mi kpaaya Hala-o cɔmnun o ceen ndɔɔ nin.

1Nsaŋ 5:13

I sɛval niaa ndi, haliko mi la sina maa la nɔ yoomu fɛɛn-fɛɛndo, niaa laalan o diola Po Hala-o lan-nda.