1Nsaŋ 4:2 - BII BILA

² Mɛɛ niaa sinanin Kɔl Hala-o yɛ co hoo ni: kɔl oo kɔl cɛl pɛ mò sɔlɔlan maa Yeesu Krista hin o falon nin, mɛɛ o Hala-o co kon ni.

1Nsaŋ 4:2 Referans Kwoze

1Korɛntea 12:3

Lelan i yeema mì cɔm niaa maa vana-vana Kɔl Hala-o co pɛ nin, o dimi le aa: «Màá Yeesu dɔwnun danga!» Lende koni, vana-vana tiwba mò dimi le aa: «Yeesu, Maalii o co ni», te Kɔl-Diandaa co ndu nin te.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

1Nsaŋ 5:1

Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.

1Nsaŋ 4:3

Kɔl oo kɔl cɛl lɛ mò sɔlɔlan sɔɛi Yeesu-e le, mɛɛ o co o Hala le co kon te, kɔl Yaamɔɔ-Krista-o co kon ni, o niaa tuei le hunɔɔ ndɔɔ-o pɛɛn, sunsun yɛ, o cuu luɛyɔɔ o ceendo nin.

1Nsaŋ 2:23

Vana-vana kɛɛ pɛ Poo, mɛɛ o nɔ vɛlɛ Fuɲaa le, vana sɔlɔlan pɛ sɔɛi Poo, ndu nɔ vɛlɛ Fuɲaa.

1Nsaŋ 1:2

kani cindaa cɔmnun, mí n ca ndu. A ndu o kɔɔ naa n co seilen tɛndaa ni, a cinda fɛɛn-fɛɛndo o kɔɔ naa n co sɔɛi ni, o va Pua ikɛi mó cɔmnun naa-o pɛɛn.

1Nsaŋ 4:15

Vana sɔlɔlan pɛ maa Yeesu co Po Hala-o ni, mɛɛ Hala co vana kon o kɔl, mì ndu va o Hala nin.

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.