1Nsaŋ 4:17 - BII BILA

¹⁷ Lende kaolaa va o tiwnan naa o lakɔl ni, haliko mi n nɔ tiindanndo o paale kialaa iyamalen, kani mɛɛ Yeesu Krista co yɛ naa n co o ceendo ho coo ni.

1Nsaŋ 4:17 Referans Kwoze

1Nsaŋ 4:12

Kabi bɛɛ vana ci vɔ Hala le. Te n kaolian pɛ vellaa-velle, Hala co naa o lakɔl, mì kaola ndɔɔ co o tiuvan naa nin sɔ́.

1Nsaŋ 2:28

Lelan, cuavaa nia, la lo ndu nin, haliko telen o cɔmnunnin-ndo, mì n sɔla tiindanndo, o kon siɛmbula biinin naa a ndu o hunɔɔ ndɔɔ le.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

1Nsaŋ 2:5

Kɛ vana bii pɛ sɔɛi ndɔɛi, mɛɛ kaola Hala-o kpeekpei co vana kon o kɔl ni. O kon naa n sínà ni maa n co o ndu nin.

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

1Nsaŋ 3:1

La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Nsaki 2:22

A ce maa laalanndo a dɛnnda ndɔlan la va vallo tosaa latulu ni. O kon le dɛnndan, mí laalanndo peelun.

Matie 12:36

I co niaa dimul, paale kialaa iyamalen, vanndacieea dɔawnunnin kona a sɔɔn fondon nda va keiyo tombolaa-on o kɔɔ.

Matie 11:24

Lelan mì dimul niaa, paale kialaa iyamalen, sɔɛi niɛi hiawnin ikalu a sɔɛi Sodɔm-nde.»

Matie 11:22

Lelan mì dimul niaa, paale kialaa iyamalen, sɔɛi niɛi hiawnin ikalu a sɔɛi vannda Tir a haa Sidɔn.

Matie 10:25

Kɛ kaandennɔɔ tiiya pɛ maa vana ndɔ pɛɛkaa, mì cɛɔ tiiya maa vana ndɔ bɛndoo, kon tiw. Nɛɛ nda veelu vɔ vana co cɛiyo bollen-ndo nuaa aa Beɛlsebul, vanaa co cɛinin-nda yɛ niko?

Matie 10:15

Mì dimul niaa toɲaa, paale kialaa iyamalen, lɛŋnde Sodɔm-nden a lɛŋnde Komɔr len le tiiyanin sangaa sɔlaa maa kobi kon te.»

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Nsaŋ 17:22

Ya yɛ, i cii nda biilu n yɔngu ya-o yɔngu, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

1Nsaŋ 2:6

Vana dimi pɛ maa o co o Hala nin, ndu bɛnda mò kela maa Yeesu.

1Nsaŋ 3:7

Cuavaa nia hɛnan ya-a, vana-vana hìŋ niaa hɔlla le. Vana va pɛ dɛnɛ sandaa tosaa, mɛɛ ndu sandu mɛɛ Maalii pila sandu yɛ.