1Nsaŋ 4:16 - BII BILA

¹⁶ Naa yɛ, n sínà kaola Hala nɔ le naa-o, n laalan. Kaolaa Hala co ni, vana co pɛ o kaolaa nin, mɛɛ ndu co o Hala nin, mì Hala va o kɔl ndɔɔ nin.

1Nsaŋ 4:16 Referans Kwoze

1Nsaŋ 3:24

Vana bii pɛ tɔŋnda ndɔlan, mɛɛ ndu co o Hala nin, mì Hala va ndu nin. O kon naa n sínà ni maa Hala co naa nin, Kɔl-Diandaa o ke naa-o cɔm naa ken ni.

1Nsaŋ 3:1

La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.

1Nsaŋ 3:16

Ɛ̀ɛ̀ o ken naa n cɔm ni maa n sínà kaolaa: Yeesu yɔngu yoomu ndɔɔ le naa. Naa bɛɛ n bɛnda mì n yɔngu yoomu naa le puapilɛa naa.

1Korɛntea 2:9

Kɛ maa mɛɛ o co o sɛvaa yɛ aa: «Ɲɛ hɔlte ci loo, ɲɛ nile tui loo, ɲɛ yiyan luei vana o kɔl too, ndu Hala bɛɛndiaa ni le vanaa kaola ndu-a.»

Condii lisai 31:19

Màá vanaa lacòòvaa siŋnun boboa mì cɔcɔn kindan nda! Vanaa kan pɛɛn, á co sɔɛi a yongaa a á vannda pɛɛsaa-a, à co vana lo o lediom coo a nɔm-ndo yeowlan-nda.

Nsaŋ 6:69

Naa n laalan ken, n sina maa nɔm co Krista ni, O-Diandaa Hala-o.»

Esai 64:4

A va kɔlan vanaa va dɛnɛ sandaa tosaa a kɔlkɛndɔɔ-a bɔŋaa, a va vanaa va kelaa o nɛila nɔmndan coo, mà va loonɔnndo a nɔm o kɔɔ-a diomɔɔ. Kɛ tofa vɔ, a tuulu kɔl a naa, kani n cua hakio, n co lo sangaa lende háá telen naa n sɔlanin cindaa-o.

Nsaŋ 9:3

Mí Yeesu muli aa: «O co le haki ndɔ ndu pila, te kon te le haki vanaa velu ndu-a le o suma le, kɛ haliko mi kpaaya Hala-o cɔmnun o ceen ndɔɔ nin.

1Nsaŋ 4:7

Caaŋaa nia hɛnan ya-a, n kaolian vellaa-velle, kani Hala o ba kaolaa fula ni, nduyɛ vana-vana kaola pɛ, mɛɛ o Hala-o co kon ni, o sina Hala.