1Nsaŋ 4:15 - BII BILA

¹⁵ Vana sɔlɔlan pɛ maa Yeesu co Po Hala-o ni, mɛɛ Hala co vana kon o kɔl, mì ndu va o Hala nin.

1Nsaŋ 4:15 Referans Kwoze

1Nsaŋ 5:5

Ɔ́ɔ̀ vana nɔla ceendo-o, te o faŋan pɛ o vana laalan maa Yeesu co Po Hala-o ni-o kɔɔli?

Rɔmnda 10:9

«Taa sɔlɔlan pɛ a sondo nɔmndo maa Yeesu co Maalii ni, ma laalan o kɔl nɔmndo nin maa Hala tindi ndu fulaa vanvílɛ́iya tɛɛn, a sɔlanin cindaa.»

Matie 10:32

«Lelan vana-vana sɔlɔlan pɛ sɔɛi nii vannda o hɔl, ya bɛɛ i sɔlɔlannin sɔɛi ndɔɛi Fuɲa ni co o halataala-o o hɔl.

1Nsaŋ 4:2

Mɛɛ niaa sinanin Kɔl Hala-o yɛ co hoo ni: kɔl oo kɔl cɛl pɛ mò sɔlɔlan maa Yeesu Krista hin o falon nin, mɛɛ o Hala-o co kon ni.

1Nsaŋ 3:24

Vana bii pɛ tɔŋnda ndɔlan, mɛɛ ndu co o Hala nin, mì Hala va ndu nin. O kon naa n sínà ni maa Hala co naa nin, Kɔl-Diandaa o ke naa-o cɔm naa ken ni.

Filipea 2:11

o kon mì lediɛɛmu oo lediɛɛmu le dimi kpedekele aa: «Yeesu Krista co Vana bɛndoo» le biilu Pua Hala-o ni.

1Nsaŋ 4:12

Kabi bɛɛ vana ci vɔ Hala le. Te n kaolian pɛ vellaa-velle, Hala co naa o lakɔl, mì kaola ndɔɔ co o tiuvan naa nin sɔ́.

1Nsaŋ 5:1

Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.

Luke 12:8

Mí Yeesu dimi aa: «Mì dimul niaa, vana-vana sɔlɔlan pɛ vannda o hɔl maa le ya o co ni, ya Po vanacieo bɛɛ sɔlɔlannin sɔɛi vana kon mɛlɛkaa Hala-a o hɔl.

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.

Nsaŋ 6:56

Vana de pɛ dialun nun mò kol kooma nian, ndu co ya nin, mì ya i va ndu nin.

1Nsaŋ 2:23

Vana-vana kɛɛ pɛ Poo, mɛɛ o nɔ vɛlɛ Fuɲaa le, vana sɔlɔlan pɛ sɔɛi Poo, ndu nɔ vɛlɛ Fuɲaa.

1Nsaŋ 2:24

Lelan sɔɛi niaa tuei kabi o tasendɔ-e, ndi bɛnda mì i lo niaa o lakɔl. Te o va pɛ mì sɔɛi niaa tuei kabi o tasendɔ-e lo niaa o lakɔl, mɛɛ niaa bɛɛ la vanin yoomu o Poo a o Fuɲaa nin.

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.

Dɛnnda kiilaa 8:37

Mí Filipe dimul ndu aa: «Taa laalan pɛ a kɔl nɔmndo kpow, mɛɛ a nɔla mà sɔla yinɔɔ.» Mí langbanɔɔ muli aa: «I laalan maa Yeesu Krista co Po Hala-o ni.»