1Nsaŋ 4:1 - BII BILA

¹ Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

1Nsaŋ 4:1 Referans Kwoze

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

2Piɛr 2:1

Vanaa-tɛɛngaa-diom Hala-a lacòòvaa va sindɛ Israɛlla tɛɛn. Nduyɛ, lende koni vanaa pɛɛkaa lacòòvaa vanin niaa tɛɛn ni. A hunnin a pɛɛkula vɔɔnndan o kɔlkalu vɔɔndo nin, mà kɛɛ bɛɛ Vana Bɛndu baŋa nda-o, o kon mì nda pila luei bollen o ɲánndávàà.

1Timote 4:1

Kɔl-Diandaa dimi vakpa maa vanaa pum malnin laalanndo o palɛi mɛɛlɛi, mà del ɲinaa vɔɔŋaa luei vana o pɔwlan nin-nda kɔɔli, mà del vɛlɛ pɛɛkula ndalan kɔɔli.

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.

Talelan 14:15

Vana bii dɛnɛ bila loo laalan a sɔɔn nda dimul ndu-on kpow, kɛ vana taasio ndu, o mɛɛndian fɔlɔn malan o kɛsi pelei.

1Korɛntea 14:29

Vanaa-tɛɛngaa-diom Hala-a a ŋiɔn te kon te a yaa soo pɛ, a tɔ̀a kelu ɲɛ nda co dimio-o iyama.

1Nsaŋ 2:18

Niaa cuaambɔa hɛnan ya-a, telen mɛɛlaa naa n co nuaa ni, maa mɛɛ niaa tuei maa yaamɔɔ Krista-o co hunɔɔ yɛ, la sínà maa yaamɔaa Krista-a co nin sɛ́lɛ́, ken cɔm naa ni maa telen mɛɛlaa tiiya.

Luke 12:57

Mí Yeesu dimi vɛlɛ aa: «Le yɛɛ nɛ niaa pila co yɛ kɛɛ iyama kiolɔn o sandei nin?

Luke 21:8

Mí Yeesu muli aa: «La mandan taw, yɔŋii niaa luɛi o pɔwlan nin. Kani vanaa bɔɔ-bɔɔ a hunnin o diola nilan, mà cɔm maa o diola nilan nda hin ni. À diminin aa: ‹Telenndo co nin le tiiya›. Kɛ la del nda kɔɔli le.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

Dɛnnda cɔɔmuanndan 2:2

‹I sínà dɛnnda nɔmndan, baala nɔmndo a biuvɔn nɔmndo. I sínà maa a cɛl vanaa vɔɔnda le. A soli vanaa co nda pila veelɔnndo aa kilaa kɛ nduyɛ a co n'kiila le kɔlɔ, mà ca maa vanaa lacòòvaa nda co ni.

1Korɛntea 12:10

mì Kɔl-Hala pilɛ kon ke vana pum kpaaya le dɛnnda kɔndɔfiltan tosaa, o pum le diom Hala-o tɛɛnguuo, o pum le yiyanndan sinaa. O yɔngun vana pum le sɔɛi o sɔɔn mangalan celen nin, o pum le sɔɔn mangalan mun vannda hivullo.

Dɛnnda kiilaa 20:29

Kani i sinà maa i faŋan pɛ, vannda hun luɛinin niaa tɛɛn maa mɛɛ tunaa yondoa luɛi kunda cɔlua tɛɛn a hɛli o kɛ́-kɛ̀ le yɛ.

Marke 13:21

Lelan te vanndo dimul niaa pɛ aa: ‹Krista co nanu›, te kon te aa: ‹o co o nda›, la láálan ndu le.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

1Masaa 13:18

Kɛ mí vana-tɛɛngaa-diom Hala yuuvɛi kon lamban sɔɛi he lafi-lafi, mó dimul ndu aa: «Ya bɛɛ vana-tɛɛngaa-diom Hala-o ya co maa nɔm ni, Mɛlɛka pila vim ya mɛlɛkanɔɔ le ya hunɔɔ dimullo ni maa naa n muungu naa ŋiɔn o ya lo cɛinin, mà kɔ dio ɲɛdiaa, mà kol.» Nduyɛ còòlan fúú o va ndu dimul kon ni.

Yeremi 14:14

Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.

Yeremi 23:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La yaŋnun sɔɔn vanaa-tɛɛngaa-diom Hala-a kalaa le, huiyo fúú nda co niaa ni. Sɔɔn nda co niaa dimullo-on, nda pila co mun yiyanndo ni. O co ya Mɛlɛka o ba le n fula le.

1Tesalonikea 5:20

la pɛɛsà sɔɔn vanaa-tɛɛngaa-diom Hala-a le,

2Tesalonikea 2:2

la malnùn mì la keleŋa luɛyɔɔ o lapɔw nin te, yɔŋii vana pum luei niaa siòònde, mò dimul niaa siɔdii lacio, te kon te diomnden, te kon te mà sɛval niaa sɛbɔɔ maa naa o ba o fula ni, maa paale Maalii len le tiiya.

1Nsaŋ 2:7

Caaŋaa nia hɛnan ya-a, o co tɔŋ sɛnɛi le ya co niaa sɛvallo le, kɛ o paandoo ni, o niaa nɔ kabi o tasendɔ-o, tɔŋ paandu kon co sɔɛi niaa tuei-ye ni.

3Nsaŋ 1:11

Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.