1Nsaŋ 3:8 - BII BILA

⁸ Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

1Nsaŋ 3:8 Referans Kwoze

Hebreea 2:14

Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Kolɔsea 2:15

Mó yunga kpaayalan a masɛi, mó soli nda vannda o hɔl kpendekele le nɔla o nɔla nda o yɔm singafilaa coo-o cɔmndo.

Rɔmnda 16:20

O lo cobe mì Hala ke vana kɔlɲuloo-o pusu Setana niaa o labɛngunin. Màá kɛndɛi Maalii naa Yeesu-e va niaa coo.

Nsaŋ 16:11

A co o pɔwlan nin a yamɛi o kɔɔ, kani yamɛi vana co masalen tosaa o ceendo ho coo-o cuu kiolɔɔ.

Nsaŋ 12:31

Sunsun, yamɛi ceendo hin kiolɔn, mà soli vana co masalen tosaa o ceendo ho coo-o o bɛ́ɛ̀.

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

Marke 1:24

«Yɛɛ n yeema yɛ naa yɔŋndo, nɔm Yeesu fula Nasarɛt-o? Le naa ciiyo n hin ni? I sina vana n co-o, O-Diandaa Hala vem-ndo n co ni.»

Efɛsea 2:2

O dɛnnda lan nin niaa va kelaa telen kon ni maa vanaa ceenda, mí la va ɲɛ masa kpaaya ihoyo va dimio-o biyɔɔ, kɔl co kon baalaa tosaa telenndo ho vanaa co Hala diom tueyɔɔ le-a tɛɛn-ndo.

Esai 27:1

Paale len, Mɛlɛka cuanin mɔɛi ndɔɛi cɔvii luɛyɛi, mɔɛi ndɔɛi bɛnduei, mɔɛi ndɔɛi mayoomui ken, mo lɔva N'Yalɛ́iyo, kɛw ɲaanan kon, ɲina-kɛw hiŋnun kon taw-taw-vo. O diinin ɲɛ yoomaa vɔɔn kɔndɔfili co kon o mɛmma ihɛllan nin-ndo.

Luke 10:18

Mí Yeesu dimul nda aa: «I ce Setana delɔɔ fulaa o halataala maa piɔɔ-volia.

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

Matie 13:38

Ciɛi, ndi co ceendo ni. Malun kɛndɔn, mun co vanaa co masale halataala len cɛlɔɔ-a ni. Bil vɔɔndo yɛ, ndu co buɛyaa Vana vɔɔndo ni.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

Dɛnnda cɔɔmuanndan 20:15

Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Matie 4:3

Mí masa ɲinaa vɔɔnda, o tɔɔndàn vannda-o sɔɔnguu ndu ikɛi, mó dimul ndu aa: «Te po Hala-o n co ni, dimi vɔ mì powtan ndan la siŋnun ɲɛdiaa.»

Matie 12:28

Kɛ te o va pɛ aa a Kɔl Hala-o ya co ɲinaa vɔɔnda tovɔɔ ni, mɛɛ masale Hala len le hin o niaa lo dí.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

1Nsaŋ 1:2

kani cindaa cɔmnun, mí n ca ndu. A ndu o kɔɔ naa n co seilen tɛndaa ni, a cinda fɛɛn-fɛɛndo o kɔɔ naa n co sɔɛi ni, o va Pua ikɛi mó cɔmnun naa-o pɛɛn.

Kundalan 21:9

Mí Moise cua daɲɛi, mó cɔaw kɛwvo a ndi, mó landu ndu o yɔm ipɛngɔɔ coo. Te kɛwvo ndóò lɔva nin pɛ vanndo, vana kalaa ndóò tofa kɛw idaɲa kon, ndóò sɔla cindaa.