1Nsaŋ 3:4 - BII BILA

⁴ Vana-vana tosa pɛ hakio, mɛɛ ndu tɛɛmbuu tɔŋndo, kani hakio, ndu co tɔŋndo tɛɛmbuuo ni.

1Nsaŋ 3:4 Referans Kwoze

1Nsaŋ 5:17

Dɛnɛ vɔɔn oo dɛnɛ vɔɔn, hakio o co ni, kɛ hakio pum co, o tosa mì vana vi le.

Rɔmnda 3:20

Lelan, vana-vana sɔlanin di Hala o hɔl le tɔŋndo biyɔɔ le, kani tɔŋndo tosa ni mì hakio sinan.

Kundalan 15:31

Kani o pɛɛsa sɔɛi nii, mó tɛɛmbuu tɔŋ nuu, o bɛnda mò faŋan vanaa tɔ̀a tɛɛn. Nduyɛ sanga tɛɛmbuu ndɔɔ vanin ndu pila o lebol.»

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

Rɔmnda 4:15

Kani tɔŋndo hun a kɔltuwvo ni. Nɛɛ tɔŋ co yɛ le, tɔŋ tɛɛmbua ve vɛlɛ lon te.

Daniɛl 9:11

Israɛlla kpow, n tɛɛmbuu tɔŋ nɔmndo, mí n kɛɛ le sɔɛi nɔmnde biyɔɔ. Lelan dangaa a dɛnɛ palaa sɛvan o tɔŋ Moise, vana baala nɔmndo nin-ndo tol naa coo ni, kani n cua hakio a nɔm Hala.

2Dɛnnda lemasalan 24:20

O kon mí Kɔl-Hala-o luɛi Sakari, po Yehoyada vana-solia-lasálàá-o nin, mó sim vannda o hɔl, mó tɛɛngul nda sɔɔn Hala dimul ndu-on aa: «Le yɛɛ niaa co yɛ silala Mɛlɛka lan kɛɔ biyɔɔ? La sɔlanin tɔnɔ oo tɔnɔ le, kani la cii Mɛlɛka kɔɔ mulul, lelan ndu bɛɛ mululnin niaa kɔɔ.»

1Samiɛl 15:24

Mí Saul dimi aa: «I cua hakio fɔ́! I bii diom Mɛlɛka-o le, i tui vɛlɛ silala nɔm Samiɛl-tan te. Siòòŋii vannda va ya ni, lelan ya yaŋnun nda ni.

1Dɛnnda lemasalan 10:13

Le tùú Saul kɛɛ lou o lediom coo a Mɛlɛka-o, le tùú o kɛɛ le tɔŋnda ndɔlan biyɔɔ, mó kɛɛ le Mɛlɛka ɲunaa, mó kɔ ɲuna vanaa soaa a vanvílɛ́iya-a-o,

Nsaki 5:15

Piɛile laalannden le singinin vana naá, mì Mɛlɛka mingi ndu o pelon coo. Te o tosa pɛ hakilan, la malnunnin haki.

1Masaa 8:47

tàà lo pɛ o cɛle len nin, mà keeliaa kɔllo, tàà muungu pɛ nɔm o ibuŋ mà ɲɔɔlu nɔm o lɛŋnde nda co len va nin o biyɔɔ nin-nden nin, mà dimi aa: ‹N cua hakio, n tɛɛmbuu tɛɛmbuu bɛndu, n laasian›,

Esai 53:8

Má bii ndu a kɔlvesɛiyo, má kɔɔsal ndu, o vanaa nda va telen kon-nda tɛɛn, nɛ̀ɛ́-nɛ̀ buulan yɛ le faŋa ndáà faŋa ndu o lɛŋnde vanaa kiyɛiya coo-o? Nduyɛ, a dii ndu le yɔŋnda vɔɔnda vanaa niaa a le kpundɛ óò del nda coo-o.

Matie 5:19

Vana-vana tɛɛmbuu pɛ tɔŋ hiow dɔɔnanndo o tɔŋndan ndan tɛɛn-ndo o pilɛ, mò pɛɛku vannda tosaa maa ndu, vana kon ndu hiawnin dɔɔnanndo o masale halataala len nin ni. Kɛ vana kela pɛ lecoo, mò pɛɛku vannda lan biyɔɔ, ndu vanin vana bɛndoo o masale halataala len nin.

Dɛnnda kiilaa 23:3

O kon mí Pol dimul ndu aa: «Hala co nɔm lɔɔ ni, nɔm co hoo maa cìì cɛi humbu-o. A cal le ya yamɛi kiolɔɔ mɛɛ tɔŋndo co yɛ, má dimul vannda le ya lɔɔ, nduyɛ o co lende le tɔŋndo dimi le.»