1Nsaŋ 3:19 - BII BILA

¹⁹ O kon naa n sinanin ni maa vanaa toɲaa naa n co ni, o kon mì kɔlta naalan la sɔla kɔlɲuloo Hala o hɔl.

1Nsaŋ 3:19 Referans Kwoze

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

1Nsaŋ 3:21

Caaŋaa nia hɛnan ya-a, te kɔlta naalan la yaala naa le, mɛɛ n nɔ tiindanndo Hala o hɔl.

Esai 32:17

Vali dɛnɛ sandaa tosanin-ndo vanin kɔlɲuloo ni, kɔmnde dɛnɛ sandaa le vanin vaa o ba coo yili a vannɔnndo nila ɲulu le fɛɛn a fɛɛn ni.

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

1Nsaŋ 1:8

Te n dimi pɛ maa n nɔ haki le, mɛɛ naa pila koni co palanndo ni, n co vanaa toɲa le.

2Timote 1:12

Lelan ya co vɛlɛ sangalan ndan biuvɔnndo ni. Kɛ siɛmbula co ya le, kani i sínà vana ya tiindan-ndo, i nɔ vɛlɛ kɔlkɛsiaa maa o nɔ kpaayaa le ɲɛ o yɔngu ya-o mandaa háá paale o kialunin yamɛi len.

Rɔmnda 4:21

Ndóò síná válán maa Hala nɔ kpaayaa le sɔɛi o yii kpemaa-e peeloo.

Nsaŋ 13:35

O kon, te la kaolian pɛ vellaa-velle, vannda kpow a sina maa kaandeŋaa nia niaa co ni.»

1Nsaŋ 3:14

N sínà maa n fula o piɔ́mndo nin, mì n co yoomu, kani n kaola puapilɛa naa. Vana nɔ kaolaa le, mɛɛ o piɔ́mndo nin ndu co ni.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Rɔmnda 8:38

Kani i laalan maa o va piɔ́mndo, o va yoomoo, o va mɛlɛkaa, o va kundala co o masalen nin coocoo lan, o va dɛnndan ndan sunsun, o va la co hunɔɔ lan, o va kpaayalan,

1Nsaŋ 2:21

I sɛval niaa, o co dɔ́ɔ́ maa la kɛɛ toɲaa sínà le, kɛ le mɛɛ niaa sínà ndu yɛ, a le mɛɛ còòla kɛ́-kɛ̀ la fula o toɲaa nin te yɛ.

1Nsaŋ 3:20

Mɛ̀ɛ́-mɛ̀ɛ́ kɔlta naalan la yaala naa, n sínà maa Hala hiow vaa o bɔɔ a kɔlta naalan, nduyɛ o sínà dɛnndan kpow.

Condii lisai 119:56

O co le ya o yoomu nuu nin kpow-vo, ndu co silala nɔmndan biyɔɔ ni.