1Nsaŋ 3:10 - BII BILA

¹⁰ Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

1Nsaŋ 3:10 Referans Kwoze

1Nsaŋ 4:8

Vana kaola le, mɛɛ ndu sínà Hala le, kani kaolaa Hala co ni.

3Nsaŋ 1:11

Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.

1Nsaŋ 4:21

Ndu dimul lɛ naa sɔɛi he ni aa: vana kaola pɛ Hala, ndu kaola vɛlɛ puapilɛ ndɔɔ.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Matie 13:38

Ciɛi, ndi co ceendo ni. Malun kɛndɔn, mun co vanaa co masale halataala len cɛlɔɔ-a ni. Bil vɔɔndo yɛ, ndu co buɛyaa Vana vɔɔndo ni.

Nsaŋ 8:47

Vana co vana Hala-o-o, nilan o yaŋ o sɔɛi Hala-e ni. Niaa la yeŋ lani le, kani la co vanaa Hala le.»

Luke 6:35

Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.

1Nsaŋ 4:6

Kɛ naa, Hala nɔ naa ni. Nilan vana sínà Hala-o yaŋ naa ni. Vana co le Hala loo, ndu yeŋ naa lani le. O kon naa n sínà hiyan co Kɔl toɲaa a kɔl luei vana o pɔwlan nin-ndo ni.

Efɛsea 5:1

Le tùú niaa co cuavaa Hala kaola-a-o, la kindin mì la tuula ndu o niinu niaa nin.

1Nsaŋ 5:2

O Hala kaolaa a o kelaa o tɔŋnda ndɔlan coo naa n sínà ni maa n kaola cuavaa Hala-a.

1Nsaŋ 2:29

Te la sínà pɛ maa Krista sandu, mɛɛ la sínà vɛlɛ maa vana-vana tosa pɛ dɛnɛ sandaa, mɛɛ cua Hala-o o co ni.

Dɛnnda kiilaa 13:10

mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

2Samiɛl 13:22

Absalɔm dimul Amnɔn ɲɛ-ɲɛ le, kɛ mó nɛinun ndu taw le kpuva o kpuva Tamar yema ndɔ-o.

Nsaŋ 1:12

Kɛ nduyɛ, vanaa cɛl ndu-a kpow, a laalan o diola ndɔlan-nda, mó ke nda dio le siŋnɔnndo cuavaa Hala-a.

Nsaŋ 11:52

O va vu le lɛŋnden, kɛ mì ndóò mɔɔsiaa vɛlɛ cuavaa Hala-a co a sɛŋiannda-a, haliko ma muungu dialle ndii pilɛ.

Rɔmnda 13:8

Kuee vana-vana va niaa le, fɔ kaolianndo vellaa-velle. Kani vana kaola pɛ caanda, mɛɛ ndu peelu tɔŋndo.

Kolɔsea 3:14

Kɛ hiovɔɔ o kon kpow coo, la vownun kaolaa maa volɔɔla cuɛinan, ndu nɔla niaa yiiyo latulu le vaa ɲɔɔ ndu pilɛ kpé ni.

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

1Nsaŋ 3:1

La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.

1Nsaŋ 3:2

Caaŋaa nia hɛnan ya-a, cuavaa Hala-a naa n co nin ni, mɛɛ naa n hun vanin yɛ cɔmnun ndɔ le, kɛ i naa n sínà-e co ni maa telen Krista fulanin ceen-ndo, maa ndu naa n vanin ni, kani n canin ndu mɛɛ o co yɛ.