1Nsaŋ 2:8 - BII BILA

⁸ Kɛ nduyɛ, tɔŋ sɛnɛiyo ya co niaa sɛvallo ni. Ken i co toɲa le ndu a le niaa, kani ɲumndan ma co hiovɔɔ mì ɲɛ-tengaa kpeekpeiyo va nihau tengaa.

1Nsaŋ 2:8 Referans Kwoze

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Rɔmnda 13:12

Ɲumndan ma co cuvɔɔ, ɲɔɔ co le tengaa. Lelan n malnun dɛnnda maɲumndan, mì n cuannun volɔɔla cɔwla ɲɛ-tengaalan.

Nsaŋ 13:34

I co niaa sila sɛnɛiyo yɔngu: la kaolian vellaa-velle. Maa mɛɛ ya kaola niaa yɛ, niaa bɛɛ la kaolian lende.

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Nsaŋ 12:46

Ya ɲɛ-tengaa, i hin o ceendo coo, haliko vana-vana laalan ya pɛ, o va o maɲum nin te.

1Nsaŋ 4:21

Ndu dimul lɛ naa sɔɛi he ni aa: vana kaola pɛ Hala, ndu kaola vɛlɛ puapilɛ ndɔɔ.

1Nsaŋ 4:11

Caaŋaa nia hɛnan ya-a, te Hala kaola pɛ naa kaola bɛndu súú vaa lende, o bɛnda mì naa bɛɛ n kaolian vellaa-velle.

2Timote 1:10

Kɛndɛi ken i cuu nihau cɔmnɔn a fula Yeesu Krista Vana Ciindiaa naa fula, mó cɔmnun-ndo. Yeesu sɔla kpaayaa piɔ́mndo coo, mó soli yoomu fɛɛn-fɛɛndo ceen kpendekele a Yoongu Kɛndɔɔ o kɔɔ-o.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Dɛnnda kiilaa 17:30

Hala co lɛhau telen vannda ve ndu kon sina loo tofa le, kɛ sunsun o co nda veeloo, nɛɛ-nɛɛ nda co, haliko ma mangala kelala ndalan.

Luke 1:79

le vanaa co o ɲumndan nin-nda a vanaa co o vunduma piɔ́mndan bɛngu-a teengiaa, a le naa yɔɔ o nɛi kɔlɲuloo coo.»

Condii lisai 36:9

A co nda pimio a ɲɛm fàngà-fángàn co o nɔm ndo cɛinin-ndon, a co nda koesio a pee nɔm ɲɛm kɛndɔɔ.

Condii lisai 27:1

Condii David-e. Mɛlɛka co ɲɛ-tengaa nuu a vana ciindiaa nuu ni, á nɛ̀ɛ́-nɛ̀ ya nɔ yɛnin siòònde? Mɛlɛka co yoomu nuu kandaa ni, á nɛ̀ɛ̀ ya buulan yɛnin?

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

Matie 4:16

vanaa co icali o ɲumndan nin-nda ce ɲɛ-tengaa bɛndoo, pangeloo tenga vanaa va icali o lɛŋnde vunduma piɔ́mnden nin-nda coo!»

Esai 9:2

Òó Mɛlɛka, a vangala vannda ha ma kui taw, a yɔngu nda kɔlkɛndɔɔ taw-taw. A co ɲaaloo dɔwnɔnndo nɔm o hɔl mɛɛ vana dɔawnun ɲaale telen koavaa n'mallo yɛ, mɛɛ vana yonda a kɔlkɛndɔɔ o ɲɛm nda hɛlu yaamɔɔa o ba o cɔwvo-on piɔwvo nin yɛ.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.