1Nsaŋ 2:17 - BII BILA

¹⁷ Ceendo co hiovɔɔ a yeeman ndɔn, kɛ vana tosa pɛ hɛnan Hala-o, ndu co va yoomu le fɛɛn a fɛɛn.

1Nsaŋ 2:17 Referans Kwoze

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

1Korɛntea 7:31

Mì vanaa co makolan solin-ndo a ɲɛm ceendo ho-a siŋnun maa n co nda bɛɛ mako nɛŋul te, kani ceendo ho co hunɔɔ hiovɔɔ.

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

Marke 3:35

Vana-vana tosa pɛ hɛnan Hala-o, ndu co puapilɛ nuu, yema nuu a kala nuu ni.»

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

1Tesalonikea 4:3

Ɲɛ Hala yeema-o co ni mì la va vanaa diandaa, mì la mal dɛnnda suundɛilan,

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Condii lisai 143:10

Pɛɛku ya ɲɛ n yeema mì tosa-o, kani nɔm co Hala nuu ni. Màá yiyan kɛndɛ nɔmndo yɔɔ ya o lɛŋnde tɛlɛlɛ len coo!

Matie 7:21

«O co vanaa co ya veeloo aa: ‹Maalii, Maalii›-a kpede le a luɛinin o masale halataala len nin te, kɛ vanaa co hɛnan Fuɲa ni co o halataala-o tosaa-a daama a luɛinin ni.

Nsaki 4:14

la sínà bɛɛ mɛɛ ceen niaa vanin siɔdii le. Maa hangulu niaa co ni, o fula pɛ le telen bingi o kon kɔɔli o kiolu.

Nsaŋ 6:58

Ɲɛdiaa fula o halataala-o co kon ni. O co maa o fuɲaa niaa vi-a de-o le. Vana de pɛ ɲɛdiaa hoo, o vanin yoomu le fɛɛn a fɛɛn.»

Matie 21:31

O vanaa ŋiɔŋaa kan nin, ɔ́ɔ̀ o tosa hɛnan fuɲa ndɔ-o-o» Má muli aa: «O tasoo!» Mí Yeesu dimul nda aa: «Mì dimul niaa toɲaa, vanaa biyaa mulua a vanaa suundaa hiawnin niaa laci o masale Hala len nin.

1Tesalonikea 5:18

la vá Hala balikaa mello o dɛnndan kpow nin. Hɛnan Hala-o co kon le niaa o Yeesu Krista nin ni.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Talelan 10:25

Piɔɔ hoeyii fùkù-fùkoo hiow pɛ, o hiow a vanaa tosaa dɛnnda vɔɔnda. Vanaa sandaa lonnun isisi o fonda ndaa yili.

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Condii lisai 90:9

N co palɛi nɛi kpow hivio o kɔltuw nɔmndo bɛngu, n co vɔsila naalan siowvo o mɔnɛi nin.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

Condii lisai 102:26

Nɔm cɔw lɔ́ɔ́ kon lɛŋnden ni, mí bala nɔmndan la cɔaw vɛlɛ halataala.