1Nsaŋ 2:13 - BII BILA

¹³ Niaa fuɲaa, i co niaa sɛval, kani la sínà vana co kabi o tasendɔ-o. Niaa felengia, i co niaa sɛval, kani la nɔla Vana Vɔɔndo.

1Nsaŋ 2:13 Referans Kwoze

Nsaŋ 14:7

Te la sina ya pɛ, mɛɛ la sinanin vɛlɛ Fuɲa nuu. Nduyɛ sunsun, la sinà ndu, la ce ndu.»

1Nsaŋ 2:14

Niaa cuaambɔa, i co niaa sɛval, kani la sínà Pua. Niaa fuɲaa, i co niaa sɛval, kani la sínà vana co kabi o tasendɔ-o. Niaa felengia, i co niaa sɛval, kani la nɔ yoomuan, sɔɛi Hala-e co niaa o lakɔl, mì la nɔla Vana Vɔɔndo.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

1Nsaŋ 1:1

Ɲɛ va kabi o tasendɔ-o, o naa n tuei-yo, o naa n ce a lehɔl-lo, o naa n mɛɛndian mí n pilan a dɛnɛ sɔɛi cindɛi o kɔɔ-o,

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

1Nsaŋ 5:18

N sina maa vana-vana velun pɛ o Hala nin, ndu hiw lɛ laci a hakio tosaa le. Kani Po Hala-o co ndu kandaa, Vana Vɔɔndo nɔ lɛ kpaaya ndu coo le.

1Nsaŋ 3:12

N tosan maa Kaɛn te, le vana Vɔɔndo ndu va ni, mó dii pɔmbɔ ndɔ. Le yɛɛ kpeekpei o dii yɛ ndu? Le mɛɛ dɛnnda ndɔlan láà vɔw, mí la pɔmbɔ ndɔlan láà sandu yɛ.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

1Nsaŋ 2:12

Niaa cuavaa nia hɛnan ya-a, i co niaa sɛval, kani hakila niaalan la malnun haki le diola ndɔlan.

1Nsaŋ 2:1

Cuavaa nia hɛnan ya-a, i co niaa sɔɔn mun sɛval, haliko la tosa haki le. Te vanndo pum tosa yɛ pɛ hakio, n nɔ vana soaa le naa-o o Pua lo, Yeesu Krista vana sandaa pɛɛn.

Tite 2:6

Lende vɛlɛ koni, pɛɛku langbaa felengia mà va vanaa bii kɔlta ndalan o dɛnndan kpow nin-nda.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Nsaŋ 16:3

A tosanin ken le tùú nda kɛɛ ya a Pua sinaa-o.

Nsaŋ 14:9

Mí Yeesu dimul ndu aa: «O co lɛhau le naa n co latulu naa niaa le Filipe, yee a kon kpede a sina vɔ ya le? Vana ce ya pɛ, mɛɛ Pua o ce lende ni. Le yɛɛ n co yɛ vɛlɛ dimio aa: ‹Cɔm naa Pua›?

Nsaŋ 8:19

O kon má dimul ndu aa: «Kuɛɛ Fuɲa nɔm co yɛ?» Mí Yeesu muli aa: «La sina ya le, la sina vɛlɛ Fuɲa nuu le. Te niáà sina ya pɛ, la va Fuɲa nuu sina.»

Matie 13:38

Ciɛi, ndi co ceendo ni. Malun kɛndɔn, mun co vanaa co masale halataala len cɛlɔɔ-a ni. Bil vɔɔndo yɛ, ndu co buɛyaa Vana vɔɔndo ni.

Matie 13:19

Kulun deli o nɛiyo demullo-on, mun co vanaa tuɛi sɔɛi masale Hala len, a bii ndi bila le-a ni. Vana vɔɔndo hin pɛ, o soli nda sɔɛi saŋnun ken nda o lakɔl-le o lakɔl.

Talelan 20:29

Ɲɛ nɛŋi felengia-o co kpaaya ndaa ni. Naŋɔɔ vanaa yuuvɛiya co yulunnde ni.

Condii lisai 91:14

Mɛlɛka dimi aa: «Le tùú n kaola ya-o, i mandanin nɔm, kani a sinà diola nilan.

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

1Timote 5:1

Sɔaa bɛndu yuuvɛiyo a paa-kala le, kɛ soo ndu o lani mɛɛ n sɔaa fuɲa nɔm o lani yɛ. Cɔ langbanɔ felengoo maa puapilɛ nɔmndo,

Nsaŋ 17:21

Màá nda kpow a va ɲɛ pilɛ maa nɔm, Pua, a co o ya nin, mì ya i va o nɔm nin, maa nda bɛɛ va o naa nin, haliko mi ceendo laalan maa nɔm vem ya ni!

Sakari 9:17

Mbɔ̀ ɲɔɔ naŋnin bɔɔ! Ɲɔɔ yeelanin bɔɔ! Maalon tosanin mì felengia hindu, mì mɔima sɛnɛiyan ma tosa mì cuaambɔa laandua dɔwnun yálá.»

Condii lisai 148:12

niaa langbaa felengia piaandua a à laandua, bɛndua yuuvɛiya a cuaambɔa,

Matie 5:37

Sɔɛi niaa cɛl pɛ aa ‹Oi› ndi lo lende, i niaa dimi pɛ aa ‹Ɛ-ɛ› ndi lo vɛlɛ lende. I kɛ́-kɛ̀ vana handu nin pɛ o kon kɔɔli, Vana vɔɔndo o ba ken fula ni.»

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.