1Nsaŋ 2:12 - BII BILA

¹² Niaa cuavaa nia hɛnan ya-a, i co niaa sɛval, kani hakila niaalan la malnun haki le diola ndɔlan.

1Nsaŋ 2:12 Referans Kwoze

Dɛnnda kiilaa 10:43

Vanaa-tɛɛngaa-diom Hala-a kpow a tɛnda seilen a ndu o kɔɔ maa vana-vana laalan ndu pɛ, hakila vana kon la malnun haki o diola ndɔlan.»

Dɛnnda kiilaa 13:38

Lelan, puapilɛa nia, mɛɛ mì la sina maa: o ndu Yeesu nin niaa tuɛi yoongu malɔɔ lahakio ni. Tɔŋ Moise-o tiwba niaa baŋaa le. Kɛ vana-vana laalan pɛ Yeesu, Yeesu baŋa ndu a hakila ndɔlan kpow.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Condii lisai 106:8

Kɛ mí Mɛlɛka ciindiaa nda le diola ndɔlan bɛɛlen keo, le kpaaya ndɔ bɛndoo cɔmndo.

Kolɔsea 1:14

O ndu nin naa n sɔla baŋaa dɛnɛ vɔɔndo o ba ni, mí n sɔla hakio malɔɔ.

Condii lisai 25:11

Mɛlɛka, yiyan le diola nɔmndan, mà mal-la haki le tɛɛmbuu nuu, kani o vɔw bɔɔ.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

1Nsaŋ 1:4

N co niaa ndi sɛvallo haliko mi ɲaale naa peelun.

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Luke 5:20

Mɛɛ Yeesu ce laalan ndaa, mó dimul langbanɔ kon aa: «Hakila nɔmndan la malnun haki.»

1Nsaŋ 2:21

I sɛval niaa, o co dɔ́ɔ́ maa la kɛɛ toɲaa sínà le, kɛ le mɛɛ niaa sínà ndu yɛ, a le mɛɛ còòla kɛ́-kɛ̀ la fula o toɲaa nin te yɛ.

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

1Nsaŋ 2:7

Caaŋaa nia hɛnan ya-a, o co tɔŋ sɛnɛi le ya co niaa sɛvallo le, kɛ o paandoo ni, o niaa nɔ kabi o tasendɔ-o, tɔŋ paandu kon co sɔɛi niaa tuei-ye ni.

1Nsaŋ 2:1

Cuavaa nia hɛnan ya-a, i co niaa sɔɔn mun sɛval, haliko la tosa haki le. Te vanndo pum tosa yɛ pɛ hakio, n nɔ vana soaa le naa-o o Pua lo, Yeesu Krista vana sandaa pɛɛn.

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

Efɛsea 4:32

La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.