1Nsaŋ 2:1 - BII BILA

¹ Cuavaa nia hɛnan ya-a, i co niaa sɔɔn mun sɛval, haliko la tosa haki le. Te vanndo pum tosa yɛ pɛ hakio, n nɔ vana soaa le naa-o o Pua lo, Yeesu Krista vana sandaa pɛɛn.

1Nsaŋ 2:1 Referans Kwoze

1Timote 2:5

Kani Hala ndu pilɛ kpé co ni, vana toosiaa isɔɔ ndu pilɛ kpé co vɛlɛ Hala a vanndacieea tɛɛn ni, Yeesu Krista pɛɛn.

Rɔmnda 8:34

Nɛ̀ɛ́ co yɛ vana yaala vana-o? Yeesu Krista vi, hiovɔɔ o kon coo, mó tendul, o co icali Hala o ba kɛndɔɔ coo mo va piɛilen le naa.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

1Nsaŋ 3:18

Cuavaa nia, n cɔmnùn kaola naa a lasondo a á lediɛɛmu daama le, kɛ n cɔmnùn ndu o dɛnndan a o toɲaa nin.

1Nsaŋ 3:7

Cuavaa nia hɛnan ya-a, vana-vana hìŋ niaa hɔlla le. Vana va pɛ dɛnɛ sandaa tosaa, mɛɛ ndu sandu mɛɛ Maalii pila sandu yɛ.

Nsaŋ 8:11

Mó muli aa: «Vana bɛɛ Maalii.» Mí Yeesu dimul ndu aa: «Ya bɛɛ, i yaalanin nɔm te, kɔnnun, kɛ kɔ tosa lɛ haki le.»

Hebreea 9:24

Kani Krista luei o fonda diandaa toosian a bala vanacieo vo nin te, velan fonda diandaa co o halataala-o daama co kon ni. Kɛ o halataala kpeekpei o luɛi ni, lon o co sunsun Hala o hɔl le naa ni.

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

Efɛsea 2:18

Kani a ndu o kɔɔ naa sɔla sɔɔnguuo vellaa-velle Hala Fuɲaa ikɛi o kɔl pilɔɔ nin ni.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Esekiɛl 3:21

Kɛ te nɔm dimul pɛ vana sandaa aa o tosa haki le, mí vana sandaa kon tosa haki le, mɛɛ o vanin yoomu, kani sɔɛi ken tɛɛngulun ndu mò sɔla kanalanndo, o kon nɔm ciindiaanin vɛlɛ yoomu nɔmndo.»

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Efɛsea 4:26

Te la tuulu pɛ kɔl, la caa taw yɔŋii niaa cua hakio. La lo a kɔl tambɛiyo háá mì paalen le del te.

Kalatea 4:19

Cuavaa nia, i co o sanga bɛndoo nin le niaa, maa sanga vialaa, háá mì sɔɛi Yeesu-e i luɛi niaa nin,

Nsaŋ 10:15

maa mɛɛ Pua sina ya, mí ya i sina Pua yɛ, mí yɔngu yoomu nuu le saa nia.

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

1Piɛr 2:22

Ndu tosa haki loo, ndu sɔɛi fula o sondo le vana hui loo,

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

Nsaŋ 5:14

O kon kɔɔli, mí Yeesu kɔ saalun ndu o Cɛi-Hala-o nin, mó dimul ndu aa: «Mɛɛ n sɔla siongɔɔ nuaa yɛ, tosa lɛ haki le dɛ, yɔŋii dɛnɛ hiow hoo vɔwlen-ndo komal nɔm.»

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Nsaki 1:27

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.

Condii lisai 4:4

La sinà hee pɛngu: Mɛlɛka kuundiaa vana lo o lediom coo a ndu-o ni. Te i veelu pɛ Mɛlɛka, o tuei ya diom.

1Nsaŋ 5:21

Cuavaa nia, la mandan a piɔmnda.

Nsaki 3:9

A len naa n mel Mɛlɛka Fuɲaa balika ni, a len koni naa n mɛɛniaa vɛlɛ vanndacieea cɔwnun a velan Hala-o-a ni.

Rɔmnda 6:15

Kpo! Bàà mì n tosa hakio le mɛɛ naa n co lɛ o tɔŋ bɛngu le yɛ, kɛ mì n va o kɛndɛi Hala-e bɛngu? Kɛì-kɛì bɛɛ!

Nsaŋ 13:33

Cuavaa nia sei! I co vɔ niaa tɛɛn le telen bingi. La nuwviaanin ya, kɛ mɛɛ ya dimul Yuifia yɛ ya co niaa dimul ni maa la nɔlanin kɔlan nɛɛ ya co lakɔ-a le.

1Timote 3:14

I co nɔm sɔɔn mun sɛvallo, kani i va yiyanndo maa i co lakɔ niaa yilɔɔ lediinndoo,

Nsaŋ 21:5

Mí Yeesu dimul nda aa: «Poaa la sɔla pá ɲɛ le dioo?» Má mulul ndu aa: «Ɛ-ɛ.»

Nsaŋ 14:16

o kon, i piɛinin Pua, mò ke niaa vana ɲɔɔlaa celen, o vanin niaa ikɛi le lɔ́ɔ́-lɔ́ɔ̀-o:

Dɛnnda kiilaa 7:52

Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.

Rɔmnda 5:10

Kani, telen naa n va yaamɔaa Hala-va-o, mí ndu pila mingi bɛndaa naa ndaa tɛɛn a piɔ́m Po ndɔɔ sɔla-o. Kodinte mɛɛ bɛndaa co nin naa tɛɛn naa ndaa nuaa yɛ, o ciindiaanin naa a yoomu Po ndɔɔ.

1Nsaŋ 5:17

Dɛnɛ vɔɔn oo dɛnɛ vɔɔn, hakio o co ni, kɛ hakio pum co, o tosa mì vana vi le.

3Nsaŋ 1:4

Ɲaale kɛ́-kɛ̀ hiw ɲaale va ya o kɔl le tueyɔɔ maa cuavaa nia co kelaa o nɛi toɲaa coo-o le.