1Nsaŋ 1:8 - BII BILA

⁸ Te n dimi pɛ maa n nɔ haki le, mɛɛ naa pila koni co palanndo ni, n co vanaa toɲa le.

1Nsaŋ 1:8 Referans Kwoze

Rɔmnda 3:23

Kani vanndacieea kpow a tosa hakio, má fola biilu Hala-o.

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.

Vana Kɔlkaloo 7:20

Vana sandaa co o lɛŋnden coo le, o tiwba mò tosa dɛnɛ kɛndɔɔ, o kondu haki loo.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

1Nsaŋ 2:4

Te vanndo dimi pɛ aa: «I sínà Hala», mò bii tɔŋnda ndɔlan te, mɛɛ vana lacòòvaa o co ni, o nɔ toɲa o kɔl te.

1Nsaŋ 1:10

Te n dimi pɛ maa n tosa haki le, mɛɛ n siinguu ndu vana lacòòvaa, o kon sɔɛi ndɔɛi co naa o kɔl te.

Talelan 20:9

Nɛ̀ɛ́ tiw yɛ ba mò dimi aa: «I dindi kɔl nuu valan, i dendu, haki oo haki co ya le»?

SƐBƐ YƆB-O 15:14

Yɛɛ vanacieo co yɛ le cɔnnɔnndo o diandaa? Yɛɛ hɔ́ɔ́ fula vanalanɔɔ o ipulu-o co yɛ le cɔnnɔnndo o sandaa?

Kalatea 6:3

Te vanndo cennun pɛ ɲɛ, mò ve yɛ niko ɲɛ-ɲɛ le, mɛɛ ndu pila co palanndo ni.

Esai 64:6

Hali lepilɛ vana pilɛ bɛɛ co nɔm diolan piɔlɔɔ le, vana-vana co tiondɔɔ mò holnun nɔm te. Kani a vin naa hɔlaa nɔmnda mà mal naa kɔsɔɔ luɛyɔɔ le tɛɛmbuula naalan.

Condii lisai 143:2

Vana baala nɔmndo ya co ni, kialu ya iyama le, kani vana-vana sendu nɔm o hɔl te.

Nsaki 1:26

Te vanndo pum co pɛ cɔnnɔnndo maa vana biilaa Hala-o o co ni, kɛ mò bii diɛɛmule ndɔlen te, mò pala kɔl ndɔɔ, mɛɛ kaannde vana kon le connun fúú.

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

SƐBƐ YƆB-O 25:4

Vɛ̀ɛ̀ vanacieo tiw yɛ ba mò sɔla dí a Hala? Vɛɛ nɛ hɔ́ɔ́ vanalanɔɔ velu-o nɔla yɛ mò va o diandaa?

1Masaa 8:46

Tàà cua pɛ hakio a nɔm, kani vanaciee kɛ́-kɛ̀ co le o cue haki loo, taa tuulu pɛ kɔl a nda ma mal nda yaamɔɔa o ba, yaamɔaa kan kɔ a nda polon, a kɔ a nda macɛlu,

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

SƐBƐ YƆB-O 14:4

Nɛ̀ɛ́ nɔla yɛ mò soli ɲɛ diandaa o ɲɛ nɔɔlɛiyo nin? Vana-vana nɔla ken tosa le.

2Dɛnnda lemasalan 6:36

Taa cua pɛ hakio a nɔm, kani vana co le o tosa dɛnɛ haki loo, mì nɔm Mɛlɛka tambu kɔllo a nda, ma mal nda yaamɔaa ndaa o ba, mì yaamɔaa kan a kɔɛ a nda o biyɔɔ nin o lɛŋnden lepum nin, o va nɛɛ macɛlu o va nɛɛ levil polon,

2Nsaŋ 1:2

Toɲa kon pɛɛn, o co naa o lakɔl-lo, o vanin vɛlɛ naa o lakɔl le fɛɛn a fɛɛn-ndo.

1Nsaŋ 1:6

Te n dimi pɛ maa n co latulu a ndu, mì n va kelaa o ɲumndan nin, mɛɛ còòlan naa co dimio ni, mɛɛ n co kela mɛɛ toɲaa co yɛ le.

Nsaki 1:22

La va vanaa biyaa isɔɔa, la vá vanaa yaŋnannda daama le. Te la yaŋnun pɛ daama, mɛɛ niaa pila co huinɔnndo ni.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

SƐBƐ YƆB-O 9:2

«A toɲa, i sinà maa lende ken ndi co ni. Vanacieo tiwba mò sɔla dí a Hala le.

3Nsaŋ 1:3

I nàŋ kɔl taw, kani puapilɛa hin má timbi seilen le toɲa co nɔm o kɔl-lo a le kela kɛndɛ n co cɔmndo o nɛi toɲaa coo-o.

2Piɛr 2:13

Lende nda sɔlanin sala dɛnɛ sandaa lepɛŋ nda tosa-o ni. Ipala déŋ ɲɔɔ hɛnan nda le yeemɛi ndɛi vɔɔnde peeloo ni, sɔɔn lasiɛmbon a sɔɔn bɛɛtambɛiyon kposon nda tosa ni: a cɛn pɛ a luɛi niaa coo o cuungiannda niaala diaalan coo, kɛ nduyɛ huiyo koni nda co niaa ni.

Yeremi 2:35

A kon kpow, la co mulio aa: ‹N tɛɛmbuu isɔɔ oo isɔɔ le, kɔltuw Mɛlɛka-o tulnin naa coo le.› Le mɛɛ niaa co dimio aa la tɛɛmbuu isɔɔ le yɛ, i co niaa iyama kiolɔɔ.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Rɔmnda 3:10

Maa mɛɛ o sɛvan yɛ aa: «Vana sandaa co le, o pilɛ bɛɛ.

1Nsaŋ 4:20

Te vanndo dimi pɛ aa: «I kaola Hala», kɛ mò nɔ nɛyɔn puapilɛ ndɔɔ, mɛɛ vana lacòòvaa o co ni. Kani te vanndo kaola puapilɛ ndɔ o co cɔu-vo le, o nɔla mò kaola Hala o co cɔ loo le.

Tɔŋ lasálàá 13:12

Kɛ te nàà siaŋa kon soli pɛ kpukpon mì n tiw vana nàà kon lekɔɔ pindo, kandɔɔ o bollen háá o pelon,

2Masaa 20:15

Mí Esai ɲuna ndu vɛlɛ aa: «Yɛɛ nda ce yɛ o nɔm ndo cɛinin?» Mí Esekia muli aa: «Ɲɛm co o ya lo cɛinin-ndon kpow, a cii cɔ. Ɲɛ-ɲɛ lo lɛ o cɛi bolofaa nuu nin, mí kɛɛ nda ndu cɔm te.»