1Nsaŋ 1:7 - BII BILA

⁷ Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

1Nsaŋ 1:7 Referans Kwoze

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Rɔmnda 13:12

Ɲumndan ma co cuvɔɔ, ɲɔɔ co le tengaa. Lelan n malnun dɛnnda maɲumndan, mì n cuannun volɔɔla cɔwla ɲɛ-tengaalan.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

1Nsaŋ 1:5

Yoongu naa n tuei Yeesu Krista o sondo mí n va niaa ndu dimul-lo co hoo ni: Ɲɛ-tengaa Hala co ni, ɲumma co o ndu nin te.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

1Nsaŋ 5:6

Ndu Yeesu Krista hin a mɛnndan a á koovan ni, o co ka a mɛnndan daama le, kɛ mɛnndan a koovan. Kɔl-Diandaa co seilen timbio, kani toɲaa Kɔl-Diandaa co ni.

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

Condii lisai 89:15

O sakpoyɛi a o sandei coo kpɛŋɛ lemasa nɔmndo kɛsi tumndo ni. Kaolaa a lou o lediom coo co nɔm o hɔl.

Condii lisai 56:13

Éé Hala! Fɔ mì peelu ciɛ́ɔn ya cua a nɔm-ndon. I solinin sálàla malaa balikalan o nɔm-ndo.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Esai 2:5

Niaa cuavaa Yakɔb-a, la hun mì n kɔɛnnun o ɲɛ-tengaa Mɛlɛka-o nin!

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

Condii lisai 97:11

Ɲɛ-tengaa co tengaa le vanaa sandaa, kɔlkɛndɔɔ co le vanaa dendu kɔltan-nda.

1Nsaŋ 5:8

Kɔl-Diandaa, mɛnndan a koovan, ɲɛ pilɔɔ kpé seyaa kan co dimio ni.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

3Nsaŋ 1:4

Ɲaale kɛ́-kɛ̀ hiw ɲaale va ya o kɔl le tueyɔɔ maa cuavaa nia co kelaa o nɛi toɲaa coo-o le.

Condii lisai 104:2

Mɛlɛka simbulun o pangeloo nin maa o doma nin. A cii halataalaa tondɔɔ maa cɛi-kola-toandaa,

2Nsaŋ 1:4

Ɲɔɔ hɛnan ya taw lɔ́ɔ́ ya ce cuavaa nɔmnda pum kelaa o toɲaa coo-o, maa mɛɛ tɔŋ naa n sɔla Pua o ba-o co yɛ.

Amɔs 3:3

Vɛ̀ɛ̀ vanaa ŋiɔn diam pá nɛiyo latulu taa cɛlan fɔlɔn te?

Condii lisai 51:2

Telen David suunda a Bat-Seba mí Natan vana-tɛɛngaa-diom Hala-o komal ndu-o, ndu David soli condei he ni:

Esai 6:7

Mó pilan ya sondoo a ndu, mó dimul-la aa: «Hoo pilanndo ho sondo nɔmndo, yɔŋ vɔɔn nɔmndo faŋan, hakila nɔmndan la malnun haki!»

Esai 33:24

O vanaa co icali lon-nda nin, vana-vana dimi lɛnin aa: «I co kɛndia le» le. Vanaa co icali o kobio Yerusalɛm nin-nda sɔlanin hakio malɔɔ le hakila ndalan.

Matie 6:12

Mal naa haki le tɛɛmbuula naalan, mɛɛ naa bɛɛ n mal vanaa tɛɛmbuu a naa-a haki yɛ.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Nsaŋ 5:4

kani mɛlɛkanɔɔ pum va tolɔɔ a telenndan lapum o mɛmma man nin le man biiŋoo. Vana-vana óò tol pɛ tase o mɛmma biiŋuamma man nin, ndóò sengu, mɛ̀ɛ́-mɛ̀ɛ́ naa kon ndóò va].