1Nsaŋ 1:5 - BII BILA

⁵ Yoongu naa n tuei Yeesu Krista o sondo mí n va niaa ndu dimul-lo co hoo ni: Ɲɛ-tengaa Hala co ni, ɲumma co o ndu nin te.

1Nsaŋ 1:5 Referans Kwoze

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Esai 60:19

O ve lɛnin paalen te le ke lɛnin nɔm ɲɛ-tengaa ipala le, o ve lɛnin vɛlɛ paangei le i ke lɛnin nɔm pangeloo icɔl te, kɛ Mɛlɛka pila vanin ɲɛ-tengaa fɛɛn-fɛɛndo le nɔm ni, Hala nɔmndo vanin ɲɛ vavon nɔmndo ni.

Condii lisai 27:1

Condii David-e. Mɛlɛka co ɲɛ-tengaa nuu a vana ciindiaa nuu ni, á nɛ̀ɛ́-nɛ̀ ya nɔ yɛnin siòònde? Mɛlɛka co yoomu nuu kandaa ni, á nɛ̀ɛ̀ ya buulan yɛnin?

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Nsaŋ 1:4

O ndi nin yoomoo co ni, yoomu kon co ɲɛ-tengaa le vanndacieea ni.

Nsaŋ 9:5

Telen ya co o ceendo coo-o, ya co ɲɛ-tengaa ceendo ni.»

Dɛnnda cɔɔmuanndan 22:5

Ɲumma ve lɛnin te, a nɔ lɛnin mako a ɲɛ-tengaa fitina le, a nɔ lɛnin mako a ɲɛ-tengaa lepaa le, kani Mɛlɛka Hala teengiaanin nda ni, mà tosa masalen le fɛɛn a fɛɛn.

Dɛnnda cɔɔmuanndan 21:23

Kobi kalaa ndóò nɔ mako a lepaa te kon te a ipaangu le tengaa le, kani biilu Hala-o va ndu teengiaa, Saa téndóó va fitina ndɔɔ ni.

Condii lisai 36:9

A co nda pimio a ɲɛm fàngà-fángàn co o nɔm ndo cɛinin-ndon, a co nda koesio a pee nɔm ɲɛm kɛndɔɔ.

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

1Nsaŋ 3:11

Pɛɛku niaa tuei kabi o tasendɔ-o co hoo ni aa: «N kaolian vellaa-velle.»

1Korɛntea 11:23

Kani naamu ya tɛɛngul niaa-o, Maalii o ba ya sɔla ndu ni. Icɔl nda mal Maalii Yeesu vannda o ba-o, mó cua buloo,

Condii lisai 139:12

ɲumma man ma siŋnun ɲɛ-tengaa le nɔm, ma siŋnun nɔm o hɔl maa ipala, ɲumndan-ou, paalen-ou, ɲɛ pilɔɔ kpé kon co nɔm o hɔl ni.

Esai 2:5

Niaa cuavaa Yakɔb-a, la hun mì n kɔɛnnun o ɲɛ-tengaa Mɛlɛka-o nin!

Daniɛl 2:22

Ndu soli sɔɔn yingilɛiyon a sɔɔn viannanndon ceen ni, ndu sina ɲɛ co o ɲumndan nin-ndo ni, kani ɲɛ-ɲɛ co o viannan ndu o hɔl te.

Nsaŋ 1:19

Seile Nsaŋ-nden le co len ni, telen Yuifia lo Yerusalɛm má viam vanaa-solia-lasálàá a leviia le ndu Nsaŋ kɔlan ɲunaa-o aa: «Nɛ̀ɛ̀ kpeekpei nɔm co yɛ?»