1Nsaŋ 1:3 - BII BILA

³ O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

1Nsaŋ 1:3 Referans Kwoze

1Korɛntea 1:9

Vana lo o lediom coo-o Hala co ni, o veelu niaa, haliko mi la va diom pilɛ a Po ndɔɔ Yeesu Krista Maalii naa-o.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Dɛnnda kiilaa 4:20

Naa naa, n kɛɛnin ɲɛ naa n tuei mí n ca-o dimi le.»

Nsaŋ 17:21

Màá nda kpow a va ɲɛ pilɛ maa nɔm, Pua, a co o ya nin, mì ya i va o nɔm nin, maa nda bɛɛ va o naa nin, haliko mi ceendo laalan maa nɔm vem ya ni!

Filipea 2:1

Te Krista luei vana yoomuan ni, te o va pɛ maa vana sɔla yoomuan o kaolaa nin, mì Kɔl-Diandaa cuu diom pilɔɔ, te o va pɛ mì ɲííye a kɛndɛi co,

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

1Nsaŋ 1:1

Ɲɛ va kabi o tasendɔ-o, o naa n tuei-yo, o naa n ce a lehɔl-lo, o naa n mɛɛndian mí n pilan a dɛnɛ sɔɛi cindɛi o kɔɔ-o,

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Filipea 3:10

I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o:

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

Kolɔsea 1:13

O baŋa naa kpaaya maɲumndo o ba, mó hivi naa o masale Po ndɔ o kaola-o len nin.

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

1Nsaŋ 1:5

Yoongu naa n tuei Yeesu Krista o sondo mí n va niaa ndu dimul-lo co hoo ni: Ɲɛ-tengaa Hala co ni, ɲumma co o ndu nin te.

Hebreea 2:12

Mí Yeesu dimul Hala aa: «Àá Hala! I dimulnin puapilɛa nia sɔɛi nɔmnde, mì biilu nɔm vanaa laalannda kpow o hɔl.»

1Timote 6:2

Cɛa co vanaa ndaa bɛndua laalan-nda o ba-a bɛnda mà kɛɛ nda bɛɛlen ke le tùú nda co puapilɛa ndaa o laalanndo nin-ndo le. Kɛ o bɛnda mà tosal nda baalaa ɲɛkɛndɛi le tùú nda co vanaa laalaŋaa nda kaola-a o, kani o nda lo tɔnɔ vali nda kon co lakɔ ni. Sɔɔn n nɔ le pɛɛkoo mà sila vannda-on n co mun ni:

Filipea 1:7

O bɛnda mì yiyan lende le niaa kpow, kani dɛnnda niaalan la co ya o kɔl. Kani o va telen ya co hau o kaasoo-o, o va telen ya va o pelon coo le yoongu kɛndɔɔ-o a telen ya va ndu keiyo yondaa nɛɛ-nɛɛ ka a kpaayaa-o, mɛɛ niaa co kpow, mí la sɔɔnguu mí la sɔla dɛnɛ kɛndɔɔ a ya latulu.

Efɛsea 3:6

Dɛnɛ viannan kon co hoo ni: le Yoongu kɛndɔɔ, mí vanaa co N'Yuifi le-a sɔla kɛ́ pilɔɔ nda Yuifia latulu, má siŋnun ɲɛ pilɔɔ o dialun pilɔn nin, má sɔla kpema o yiilul nda-o latulu o Yeesu Krista nin.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

1Tesalonikea 1:10

Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.

1Korɛntea 15:1

Puapilɛa nia, i co niaa Yoongu kɛndɛ ya tiiyal niaa-o yiyalan, o niaa cɛl mì la sim lecoo yili-o.

Rɔmnda 15:27

Nda pila dimi le nda malaa ni, kɛ o kpeekpeiyo nin, o bɛnda mà mala nda. Kani te nda co n'yuif le-a sɔla pɛ tɔnɔ kɔl co le yuifia-o, mɛɛ o bɛnda mà mala nda a ɲɛm ndan.

Dɛnnda kiilaa 13:41

‹La tofa vɔ, niaa vanaa pɛɛsaa pɛ haa nin-nda. Kɔndɔfillo bii niaa mì la cuu, kani i co dɛnɛ pum tosa o telen niaa, hali vana ce dɛnɛ kon-ndo hun dimul bɛɛ niaa, la laalannin te.›»

Dɛnnda kiilaa 13:32

Naa bɛɛ, Yoongu Kɛndɛ kon naa hin niaa tiiyallo ho ni: o Hala ndóò dimi le fuɲaa naa mamaa-o,

Dɛnnda kiilaa 2:42

A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.

Nsaŋ 17:25

Pua Sandaa, ceendo sina nɔm te, kɛ ya, i sina nɔm, vannda sina maa nɔm vem ya ni.

Nsaŋ 17:11

I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Condii lisai 22:22

Soli ya yàlàá o lasondo, mà baŋa ya o leela cìíya ha tɛɛn! Se kɛ a cii ya nihau bɛɛ mulul!

Esai 66:19

I handunin tɔɔmaseloo nda tɛɛn, mì vem vanaa ndaa lonin yoomu-a o vanaa-mangalaa-isɔɔa lo, mì vem nda Tarsis, Pul, Lud (o vanaa vuaa lakpaasiaa kan ndo). I viamnin vɛlɛ nda Tubal a Yavan, o lɛŋii co o mɛnndan tɛɛn a o mɛnndan kɔngɔ-e nin, i co ken levil lándan-nde. Vanaa co lon-nda a tui-yɔ isɔɔ a ya (Mɛlɛka) o kɔɔ le, a ci vɔ vɛlɛ biilu nuu le. A cɔmnin vanaa-mangalaa-isɔɔa biilu nuu.

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

Nsaŋ 19:35

Mí langbanɔ ce man-ndo timbi seilen, seile ndɔlen le co toɲa. Ndu sina maa toɲaa o co dimio ni, o co ndi dimio haliko mi niaa bɛɛ laalan.

2Piɛr 1:16

Nduyɛ, o co bundɔn nda caa toosiaa-on te naa n co niaa dimul a hunɔɔ kpaaya Maalii Yeesu Krista-o o kɔɔ le, kɛ naa pila n ce biilu ndɔɔ a lehɔl ciŋ.

Kundalan 10:32

Taa cɛl pɛ mì n kɔɛ naa niaa latulu, n tosanin mì nɔm bɛɛ sɔla dɛnɛ kɛndɛ Mɛlɛka co naa tuisi coo-o.»

SƐBƐ YƆB-O 13:1

«Sɔɔn mun kpede, ya pila i ce nin mun. Nile nilen le tuei nin mun mí bii bila.