1Nsaŋ 1:2 - BII BILA

² kani cindaa cɔmnun, mí n ca ndu. A ndu o kɔɔ naa n co seilen tɛndaa ni, a cinda fɛɛn-fɛɛndo o kɔɔ naa n co sɔɛi ni, o va Pua ikɛi mó cɔmnun naa-o pɛɛn.

1Nsaŋ 1:2 Referans Kwoze

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Nsaŋ 1:4

O ndi nin yoomoo co ni, yoomu kon co ɲɛ-tengaa le vanndacieea ni.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

1Nsaŋ 5:11

Seile len le co len ni: Hala ke naa yoomu fɛɛn-fɛɛndo, o Po ndɔɔ nin yoomu kalaa co ni.

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

2Timote 1:10

Kɛndɛi ken i cuu nihau cɔmnɔn a fula Yeesu Krista Vana Ciindiaa naa fula, mó cɔmnun-ndo. Yeesu sɔla kpaayaa piɔ́mndo coo, mó soli yoomu fɛɛn-fɛɛndo ceen kpendekele a Yoongu Kɛndɔɔ o kɔɔ-o.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

Nsaŋ 15:27

niaa bɛɛ la timbinin seilen a ya o kɔɔ, kani naa niaa co latulu kabi o tasendɔ ni.»

Dɛnnda kiilaa 3:15

Mí la tosa, má dii vana nɔ yoomoo o ba-o, kɛ mí Hala mingi ndu yoomu fulaa vanvílɛ́iya tɛɛn. Naa n co seiya ni.

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o:

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Dɛnnda kiilaa 10:41

o ve vannda kpow le, kɛ seyaa Hala ndóò cii nin hɛli-a pɛɛn. Naa naa, o tendul o tendul fulaa vanvílɛ́iya tɛɛn-ndo kɔɔli, mí n dia, mí n kol naa ndaa latulu.

Dɛnnda kiilaa 5:32

Naa n co seiya le dɛnnda lan ni, naa a Kɔl-Diandaa Hala yɔngu vanaa co sɔɛi ndɔɛi biyɔɔ-a pɛɛn.»

Dɛnnda kiilaa 2:32

Nduyɛ, mí Hala mingi Yeesu ya co hoo sɔɛi ndɔɛi dimio-o yoomu, naa kpow n co lesei.

Dɛnnda kiilaa 1:22

kandɔɔ telen Nsaŋ va vannda yinɔɔ-o, kɔlan háá paale Yeesu faŋan naa tɛɛn, mó hel o halataala len. Lelan, mɛɛ mì vana pilɛ o vanaa kan tɛɛn siŋnun seiyo maa naa a tendul Yeesu-o o kɔɔ.»

Nsaŋ 21:14

Kabi Yeesu muungu yoomu fulaa vanvílɛ́iya tɛɛn, kon yɔŋnun bɛmbɛ yàándɔɔ le Yeesu kaandeŋaa ndɔa cɔmnɔnndo ni.

Nsaŋ 17:5

Lelan Pua, biilu ya nɔm pila ikɛi, maa biilu naa n va paandu nin naa ŋiɔn lɔ́ɔ́ pá mi ceendo fula-o.

Nsaŋ 16:28

O Pua lo ya fula ni, mì hun o ceendo coo. Sunsun, i co faŋan o ceendo coo, mì muungu o Pua lo.

Nsaŋ 8:38

Nduyɛ, ɲɛ ya ce o Pua lo-o, ndu ya co niaa dimullo ni. Kɛ sɔɔn niaa tuei o fuɲa niaa lo-on niaa co tosaa ni.»

Nsaŋ 7:29

Ya yɛ, i sina ndu, o vomɔɔ ndɔɔ nin ya co ni, ndu vem ya ni.»

Nsaŋ 3:13

Vana-vana hel o halataala le, fɔ vana tol fulaa o halataala-o, Po vanacieo pɛɛn.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

1Nsaŋ 1:1

Ɲɛ va kabi o tasendɔ-o, o naa n tuei-yo, o naa n ce a lehɔl-lo, o naa n mɛɛndian mí n pilan a dɛnɛ sɔɛi cindɛi o kɔɔ-o,

Nsaŋ 10:28

I yɔngu nda yoomu fɛɛn-fɛɛndo. A vinin lɔ́ɔ́-lɔ́ɔ̀ le, nduyɛ vana-vana solinin nda ya o ba le.

Nsaŋ 19:35

Mí langbanɔ ce man-ndo timbi seilen, seile ndɔlen le co toɲa. Ndu sina maa toɲaa o co dimio ni, o co ndi dimio haliko mi niaa bɛɛ laalan.

1Nsaŋ 2:25

Ɲɛ o dimi le naa keo-vo co yoomu fɛɛn-fɛɛndo ni.

1Nsaŋ 4:2

Mɛɛ niaa sinanin Kɔl Hala-o yɛ co hoo ni: kɔl oo kɔl cɛl pɛ mò sɔlɔlan maa Yeesu Krista hin o falon nin, mɛɛ o Hala-o co kon ni.

1Nsaŋ 4:14

Naa yɛ, cɔu naa n ce ni, mí n va seilen timbio maa Pua vem Poo ni, mò va vana ciindiaa le ceendo kpede.

1Nsaŋ 5:13

I sɛval niaa ndi, haliko mi la sina maa la nɔ yoomu fɛɛn-fɛɛndo, niaa laalan o diola Po Hala-o lan-nda.