1Nsaŋ 1:1 - BII BILA

¹ Ɲɛ va kabi o tasendɔ-o, o naa n tuei-yo, o naa n ce a lehɔl-lo, o naa n mɛɛndian mí n pilan a dɛnɛ sɔɛi cindɛi o kɔɔ-o,

1Nsaŋ 1:1 Referans Kwoze

Nsaŋ 20:27

O kon, mó dimul Tomas aa: «Siɛndi suei mà vow, tofa ya balan. Siɛndi vɛlɛ baa mà vow ya o ilungbu, pɛngi sikaa mà laalan!»

Dɛnnda kiilaa 4:20

Naa naa, n kɛɛnin ɲɛ naa n tuei mí n ca-o dimi le.»

1Nsaŋ 4:14

Naa yɛ, cɔu naa n ce ni, mí n va seilen timbio maa Pua vem Poo ni, mò va vana ciindiaa le ceendo kpede.

Nsaŋ 5:26

Kani mɛɛ Fuɲa nuu nɔ yoomoo niŋ yɛ, lende koni o cɛl ni mí Poo bɛɛ nɔ yoomoo.

Luke 24:39

La tofa vɔ ya balan a pelon, ya kpeekpei ni! La pilan ya mì la ce, kani ɲinaa ndu nɔ n'dial te, o nɔ lapaa le, kɛ ya yɛ, i nɔ.»

Nsaŋ 8:58

Mí Yeesu dimul nda aa: «I co niaa toɲaa dimul kpendekele, lɔ́ɔ́ pá mi Abraham fula, ya i va nin.»

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

Nsaŋ 19:35

Mí langbanɔ ce man-ndo timbi seilen, seile ndɔlen le co toɲa. Ndu sina maa toɲaa o co dimio ni, o co ndi dimio haliko mi niaa bɛɛ laalan.

Dɛnnda kiilaa 1:3

O piɔ́m ndu Yeesu sɔla-o kɔɔli, mó cɔmnun nda, mó cɔm nda vɛlɛ tɔɔmaselelan taw maa o muungu yoomu. Palɛi belehiɔɔlu o cɔmnun nda ni, mó dimul nda sɔɔn a Masale Hala len o kɔɔ.

Dɛnnda cɔɔmuanndan 19:13

Doma bɛndu nda yin o koovan nin-ndo va ndu lekɔɔ. Diolan ndu aa: «Sɔɛi Hala-e.»

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Luke 1:2

má tiiyal vannda lan mɛɛ seyaa ce sɔɔn mun a lehɔl kabi o tasendɔ-a a dimul naa yɛ, aa sɔla kan dio le sɔɛi Hala-e dimio-a pɛɛn.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Esai 41:4

Nɛ̀ɛ́-nɛ̀ tosa yɛ dɛnndan ndan? Nɛ̀ɛ́-nɛ̀ tosa yɛ lende? Ndu veelu lambilan kabi o kandɔɔ-o ni. Ya Mɛlɛka ni, ya va o tasoo a lambila taselan ni. Ya koni vanin vɛlɛ a la mɛɛlaalan ni.

1Nsaŋ 5:7

Seiya nda yáá co seilen tɛndaa ni:

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.