1Masaa 9:8 - BII BILA

⁸ Kɔndɔfili bɛndoo biinin vanaa vanin keiyo o Cɛi bɛndu sɔvɛɔ ho ikɛi-ya kpow, mà dimi aa: ‹Ko le yɛɛ kpeekpei Mɛlɛka soli yɛ mɔnɛ vaa nuaa a vannda ha a á Cɛiyo ho?›

1Masaa 9:8 Referans Kwoze

2Dɛnnda lemasalan 7:21

Kɔndɔfili bɛndoo biinin vanaa sinà Cɛi bɛndu-bɛndu sɔvɛɔ ho-a, mà ɲunan aa: ‹Ko le yɛɛ nɛ Mɛlɛka tosa yɛ a lɛŋnden nden a á Cɛi-Hala-o ho nuaa?›

Yeremi 22:28

Vannda co dimio aa: «Mò va maa kpɛɛnɛi piɔlɛyii vana soli lɛ kpeku lei a ɲɛ nɛŋi lɛ mako loo Konia co ni? Le yɛɛ nɛ nda tow yɛ ndu a cuavaa ndɔa o lɛŋnde nda sina le len nin?»

Yeremi 19:8

I co mɔnɛ soli a kobio ho, mì vanaa hiavannda kpow a handun balan o lasondo. Vanaa vanin keiyo lon-nda kpow a kpinganin a mɔnɛi telen nda canin ɲɛ ya co tosanin a nda-o.

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Yeremi 50:13

Kɔltuw Mɛlɛka-o yɔŋ ni mí vannda piaw lon, mó siŋnun pɔmndo. Vanaa vanin keiyo Babilɔn-nda dɔawnunnin kɔndɔfili le ndu cɔu o tambɛiyo.

Yeremi 49:17

«Edɔm siŋnunnin bémbélan kposon. Vanaa vanin keiyo lon-nda ɲiiyanin mà hɔŋ hùíyé a kɔndɔfili bɛndoo, le dɛnɛ tambɛi vanin lon-ndo.

Esai 64:11

Éé Mɛlɛka! Vɛ̀ɛ̀ a dɛnnda palaalan ndan kpow a vowlulnin naa sondo le? Vɛ̀ɛ̀ a co naa saalan te? Bàà ma tuisi naa siɛmbulan háá mì n cuu labɛɛ?

Tɔŋ miingua 28:37

Vanaa-mangalaa-isɔaa Mɛlɛka yaanin niaa tɛɛn-nda kpow a dɔawnunnin kɔndɔfili a dɛnnda vanin niaa yɔŋnɔnndo lan. A mamnin niaa ma cii niaa labɛɛ kpede.

2Masaa 25:9

Mɛɛ luɛi Yerusalɛm, mó loam Cɛi-Mɛlɛka-o, cɛi lemasaa a Yerusalɛm tɔ̀u kpow, kɛ taama-taama, cɛila sɔvɛla va lon-ndan.

2Dɛnnda lemasalan 36:19

Mí Babilɔnnda loam Cɛi-Hala-o, má komba kpakio Yerusalɛm, má loam cɛila kɛndɛ-kɛndɛlan, má tɛɛmbuu ɲɛm báà kalan va o kobi kalaa nin-ndon kpow.

Yeremi 5:19

O kon taa ɲuna pɛ aa: ‹Le yɛɛ Mɛlɛka Hala naa tosal lɛ naa nuaa?› nɔm Yeremi, a mulul nda aa: ‹Le kɛɛ niaa kɛɛ ndu mí la sooluu halaa celennda o lɛŋnde ndalen nin, mí la va mialla baalaa tosallo o lɛŋnde isumialten nin-ndo ni.›»

Yeremi 16:10

«Lɔ́ɔ́ n dimulnin vannda ha sɔɔn mun kpow-vo, bɔɔle a ɲunanin nɔm aa: ‹Le yɛɛ nɛ Mɛlɛka co yɛ naa dɛnnda palaala bɛndula vaa lende kpow tuisi coo? Dɛnɛ vɔɔn yɛɛ naa n tosa yɛ? Haki yɛɛ nɛ naa n tosa yɛ a Mɛlɛka Hala naa?›

Yeremi 18:16

A cii lɛŋnde ndalen mingi bémbélan kposon, telen oo telen vannda fula pɛ lon, a kpinga. Vanaa hiawnannda tiiya pɛ lon, a dɔwnun kɔndɔfili, a hiŋ bollen.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Tɔŋ miingua 29:23

vanaa kan ɲunannin aa: ‹Le kɔlɔ yɛɛ nɛ Mɛlɛka tuisi yɛ sangalan ndan vannda ha coo? Yɛɛ nɛ yɔŋ yɛ mó tuulu kɔl a nda nuaa taw-taw?›

2Masaa 22:17

Le tùú vannda ha mulul-la kɔɔ, má va halaa celen sálàla cuɛima cun kɛndɛlan solullo-o, le tùú nda co ya kɔllo tɛɛmbuuo a ɲɛm nda cɔw a laba-on-ndo ya tuulu kɔl a kobio ho ni. Nduyɛ kɔltuw nuu ɲululnin te.

2Dɛnnda lemasalan 29:8

O kon, mí kɔltuw Mɛlɛka-o toal Yudaa a Yerusalɛmnda coo. Mí Mɛlɛka tuisi nda kɔl yulan-yulando, dɛnɛ palaa a mɔnɛi coo mɛɛ niaa co cɔu nuaa yɛ.

Cɛɛŋɔnnda Yeremi lan 2:15

Vanaa co hiovɔɔ-a kpow a co balan lɔɔ le tambii nɔmnde, a co huiyon hɔŋndo, mà va bolle hiŋndo le nɔm mamɔɔ le dɛnɛ yɔŋnun nɔm kobio Yerusalɛm-ndo, mà va ɲunanndo aa: ‹Vɛ̀ɛ̀ kobio ho ndáà veelu paandu ni aa: Naŋɔɔ bɛndoo a Kɔlkɛndɛ lelɛŋndo?›