1Masaa 9:3 - BII BILA

³ Mó dimul ndu aa: «I cɛl piɛile tɛɛlannde n piɛi ya len, i dindi Cɛi n tengul-la hoo le diola nilan vaa piɔlnɔnndo lenin le lɔ́ɔ́-lɔ́ɔ̀-o, i nɔnin vɛlɛ hɔlla a kɔllo lecoo lɔ́ɔ́-lɔ́ɔ̀.

1Masaa 9:3 Referans Kwoze

1Nsaŋ 5:14

Tiindan naa n nɔ o ndu nin-ndo co hoo ni: te n ɲuna ndu pɛ ɲɛ pum, o co hɛnan ndɔɔ-o, o yaŋ naa nilan.

Condii lisai 10:17

Nɔm Mɛlɛka, a co yeemɛi vanaa bala fondoa tueyɔɔ, a co nda yoomuan lueiyo, a co nilan yaŋɔɔ o cɛɛŋɔnnda ndalan,

2Masaa 20:5

«Muungu ma kɔ dimul Esekia, o co simlacinɔ vanaa nia-o aa: ‹Diom Mɛlɛka, Hala David fuɲa nɔm mama dimi-o co hoo ni aa: I tuei piɛile nɔmnden, i ce mɛmɛma nɔmndan. I co nɔm singi, o kon o paale yàándɔlen, a hel o Cɛi-Mɛlɛka-o nin.

1Masaa 8:29

Paalen a ɲumndan, màá hɔlte nɔmnden le va o Cɛiyo ho coo, kani fondaa ho n dimi ni aa nanu diola nɔmndan la vanin piɔlnɔnndo ni. Lelan, yaŋ nilan o piɛile vana nɔm baalaa co o fondaa ho len.

Condii lisai 116:1

I kaola Mɛlɛka, kani o co diom nuu a cɛɛŋɔnnda nilan tueyɔɔ.

Tɔŋ miingua 11:12

Lɛŋnde Mɛlɛka Hala niaa pila nɔ hɔlten coo len le co ni, vɔsio kandɔɔ háá cuvɔɔ, o nɔ hɔlten lecoo.

2Dɛnnda lemasalan 6:40

Éé Hala nuu! Tofa, mà yaŋ nilan o piɛile ya co nɔm nden solullo o fondaa ho len.

Dɛnnda kiilaa 10:31

‹Kɔrnɛil, Hala tuei piɛile nɔmnden. O loonun a ɲɛm n ke vanaa bala fondoa-on o kɔɔ.

Matie 6:9

Lelan mɛɛ niaa bɛnda mì la piɛi yɛ co hoo ni aa: ‹Fuɲa naa co o halataala-o, màá vana-vana sina maa ladiandaalan diola nɔmndan la co ni!

Fulaa 20:11

Kani o palɛi ndii ŋɔmpum bɛngu, mí Mɛlɛka cɔaw halataalaa, lɛŋnden, mɛmma ihɛllan a ɲɛm co lenin-ndon kpow, kɛ o paale ŋɔmmɛwndɔlen coo, mó pɛngi. Lelan ndu Mɛlɛka dɔw paale pɛngiaale len duaa ni mó dindi len.

Daniɛl 9:23

Tuma n va Hala tɛɛlɔnndo-o, mó dimul-la yoongoo pum le nɔm. Yoongu kon ya hin nɔm tɛɛngul ni. Hala kaola nɔm, a hɛnan ndu taw-taw. Lelan, bii yoongoo ho bila. Sina vundulen-nden pɛɛngu.

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Tɔŋ miingua 16:11

Mì la dɔwnun ɲaale Mɛlɛka Hala niaa o hɔl o fonda o hɛlinin le ndu pila cɔmnɔnndo-o niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin icali o kobila niaalan nin-nda, mialaa vanin icali niaa o bɛngu coo-a, vííya a vanlaandua piaandaa ndaa vi-a, á vanin icali niaa tɛɛn-nda.

Tɔŋ miingua 12:11

O fonda Mɛlɛka Hala niaa hɛlinin kon le diola ndɔlan vaa biilɔnndo lenin-ndo niaa vanin hunɔɔ a ɲɛm ya dimul niaa le yɔngoo-on ni: sálàla loamaala niaalan, sálàla niaala celenndan, o-tɔ́ndɔla niaalan, ɲɛm niaa vanin yɔngoo a yeemɛi-yon a ɲɛm niaa vanin hunɔɔ le yoole niaa baa o Mɛlɛka lo len timbio-on.

Nsaŋ 11:42

Ya, i sínà maa a co ya mulullo lɔ́ɔ́-lɔ́ɔ̀, kɛ le sɛ́lɛ́ sim hoo nan-ndo ya co sɔɛi nuaa ni, haliko ma sina maa nɔm vem ya ni.»

Condii lisai 66:19

Kɛ Hala tuei ya diom, mó muli piɛile nilen ɲɛkɛndɛi.

Tɔŋ miingua 12:21

Te fonda Mɛlɛka Hala niaa hɛlinin le diola ndɔlan vaa biilɔnndo lenin-ndo bandu pɛ a nɛɛ niaa vanin icali-a, la nɔla mì la dii cɔlua niaa bɛndua a à pɔmbɔa Mɛlɛka kenin niaa-a, mì la tosa mɛɛ ya dimul niaa le tosaa yɛ. O kon, la nɔla mi la de ɲɛm hɛnannin niaa-on kpow o fondala niaa vanin icali lan.

Tɔŋ miingua 12:5

Mɛlɛka hɛlinin fondaa o tàndàla polama niaan ma vanin icali nin-ndan tɛɛn, le diola ndɔlan vaa biilɔnndo lon a le calta ndɔlan kɛsio lon, lon daama niaa vanin kɔlan ndu piɛiyo ni.

2Masaa 21:7

Mó cua piɔmndo Astartee, mó kɔ luei ndu o Cɛi-Mɛlɛka-o nin. Nduyɛ, Cɛi kon Mɛlɛka ndóò dimul David nda Salomɔn po ndɔ ni aa: «O cɛiyo ho nin a o kobio Yerusalɛm nin, kobi ya hɛli kon o kobila polama tɔ́ a mamiɔmma Israɛlla tɛɛn-ndo diola nilan la vanin piɔlnɔnndo le fɛɛn a fɛɛn ni.

2Dɛnnda lemasalan 33:7

Má sel ndu piɔmndo, mó cua piɔm sialaa kon, mó kɔ luei ndu o Cɛi-Hala-o nin. Nduyɛ mí Mɛlɛka ndóò dimul David nda Salomɔn po ndɔ aa: «O Cɛiyo ho a o kobio Yerusalɛm nin ya vanin le lɔ́ɔ́-lɔ́ɔ̀ ni. Kobio ho ya hɛli o kobila polama Israɛlla tɛɛn ni, lon ya vanin vannda cɔmnɔnndo lɔ́ɔ́-lɔ́ɔ̀ ni.

Ɛsdras 6:12

Masa oo masa, te kon te vanaa-mangalaa-isɔɔ súú-súù a tuundan pɛ le dɛnɛ pum tosaa le tɔŋndo ho tɛɛmbuuo, le Cɛi-Hala co kon Yerusalɛm-ndo puusiaa, màá Hala diola ndɔlan la co piɔlnɔnndo o fonda kon-ndo tɛɛmbuu vana kon! Ya Darius pila yii tɔŋndo ho ni, lelan lende kpafii o tosannin ni.»

Condii lisai 34:17

Mɛlɛka co vanaa tosaa dɛnɛ vɔɔnda mululɔnndo, le diola ndalan ɲumio o lɛŋnden coo.

Fulaa 29:44

I dindinin cɛi-kola-toandaa-labɔɔŋianndo a fonda-loamaa-lasálàá le vali nuu. I dindinin vɛlɛ Aarɔn nda poaa ndɔa mà siŋnun vanaa-solia-lasálàá le ya Mɛlɛka.

Condii lisai 65:3

kani a cii piɛile naalen muli. Vannda kpow a co hunɔ̀ɔ́ o nɔm ndo.

Yeremi 7:10

La cii pɛ, la mulin hunɔɔ vɛlɛ ya o hɔl, o cɛiyo ho nin, cɛi diola nilan la co veelɔnndo nin-ndo, la dimi aa: ‹N sɔla baŋaa!› A kon kpow, la co hiovɔɔ laci a dɛnnda nɔɔlɛilan tosaa tuŋ!