1Masaa 9:1 - BII BILA

¹ Mɛɛ Salomɔn cii Cɛi-Mɛlɛka-o a cɛi ndɔ lemasaa tangul, mó toosiaa vɛlɛ ɲɛ-ɲɛ ndóò yeema le tosaa,

1Masaa 9:1 Referans Kwoze

2Dɛnnda lemasalan 7:11

Lɔ́ɔ́ Salomɔn cii Cɛi-Hala-o a cɛi lemasaa tangul, mó cii ɲɛ-ɲɛ ndóò tuu le tosaa o Cɛi-Hala-o a o cɛi lemasaa nin-ndo tosa-o,

1Masaa 9:19

Mó mingi vɛlɛ kobila celen tangul, la ndóò manda ɲɔɔn nin-ndan kpow, lapum le ɲɛla ɲaanannda soa nan-ndan mandaa, lapum yɛ le soa mandaa. Mó tangul ɲɛ-ɲɛ ndóò yeema le tangullo Yerusalɛm, Liban a o lɛŋnde va ndu o ba bɛngu len kpede nin.

Vana Kɔlkaloo 6:9

Ɲɛ vana ca a lehɛl-lo co fisa a ɲɛ yeemɛi viam vana yiyanndo coo-o. Kon vɛlɛ bɛɛ, sanga fondoo fúú, ɲɛ fondoo kiltan kɔɔli co kon ni.

Vana Kɔlkaloo 2:10

Ɲɛ-ɲɛ hɔlta nilan láà yeema, i tuŋ ndan ɲɛm mun te. Dɛnɛ ɲaale co le, o ya kɛɛ tosa-o. Mí dɔawnun ɲaale o baalala nilan nin kpow. Tɔnɔ ya sɔla o baala kon nin-ndo yɔŋnun kon ni.

Vana Kɔlkaloo 2:4

I tosa baalala bɛndulan taw. I tengulun cɛilan mí tɔal rɛsɛnndon taw.

1Masaa 9:11

Salomɔn ciiyo tangulta tiɔnnda lan, mó ke Hiram, ó va masaa Tir-o kobilan bidiin o tàndá Kalile-o nin. Kani Hiram kon ndóò ke Salomɔn yɔmii sɛɛdrei, yɔmii siprɛsiei a sianion mɛɛ ndóò nɔ makoo yɛ ni háá mó cii tangulta lan kpede.

1Masaa 7:51

Lɔ́ɔ́ masaa Salomɔn cii baalala tangulaa Cɛi-Mɛlɛka-o lan kpow-vo, mó cua ɲɛm baalan mun kpede, n David fuɲa ndɔ ndóò siinguu teengen le Mɛlɛka-on, mó kɔ kɛsi mun o cɛi mandaa bolofaa Mɛlɛka-o nin.

1Masaa 6:37

O vɔsi hiɔɔlundɔɔ o masale Salomɔn-nden nin, o paangii Siv nin nda kila Cɛi-Mɛlɛka-o ni.

1Masaa 7:1

O kon kɔɔli, mí Salomɔn tangul niko bɛ́ɛ̀ lemasaa ndɔɔ. O vɔsilan tɔ́ a layàá bɛngu, mó cii cɛila lan kpow tangul.

1Masaa 7:2

Cɛi tase o tangul-lo ndóò nɔ diolan ni aa Cɛiyo-Bundɔɔ-Liban. Pɛngɛn yɔm sɛɛdre n va o sungbuma hiɔɔlumaa bii kaa cɛi kalaa-an ni. O va bandei dunndo kɛmɛ, buo dunndo beleŋuɛɛnu, helɔɔ dunndo beleyaa.

1Masaa 8:66

O paale ŋɔmaandɔlen coo, mí masaa Salomɔn dimul nda le muungoo o la nda lo, má dɔawnun ɲaale, má mel masaa balika, má dɔaw ndu duaa. O kon mí vana-vana muungu o ndu lo bɛɛ a kɔlkɛndɔɔ le kɛndɛi Mɛlɛka ndóò tosal David vana ndɔ baalaa a vanaa ndɔa-e, Israɛlla pɛɛn.

1Masaa 9:10

O vɔsilan bidiin bɛngu, mí Salomɔn tangul cɛila tiɔnndan ndan: Cɛi-Mɛlɛka-o a cɛi lemasaa.

2Dɛnnda lemasalan 8:6

Mó mingi vɛlɛ Baalat tangul a kobila ndóò manda ɲɛdiaa nin-ndan kpow, kobila ndóò manda ɲɛla ɲaanannda soa nan-ndan nin-ndan a la ndóò manda soa ndɔa nin-ndan. Mí Salomɔn cɔaw vɛlɛ ɲɛ-ɲɛ ndóò nɔ o kɔl le cɔvɔɔ Yerusalɛm, o pembei Liban coo a o lɛŋnde va ndu o ba bɛngu len nin.

1Masaa 3:1

Mí Salomɔn yiinun a Faraɔnnɔɔ, ó va masaa Esipte-o, mó yil cua ndɔɔ o nɔ̀u nin, mó kɔa a ndu o Kobi David-o nin. Má kɔ lo lon háá mó cìì cɛi ndɔ ndu pila-o, Cɛi-Mɛlɛka-o a kpaki ndóò balu Yerusalɛm-ndo tangul.

2Dɛnnda lemasalan 7:1

Mɛɛ Salomɔn cii piɛilen, mí yinnden le fula o halataala, mí le toal. Mí le loam sálàla loamaalan a sálàla kɔlɲululan. O kon mí biilu Mɛlɛka-o pei Cɛi-Hala-o ca.

2Dɛnnda lemasalan 8:1

O vɔsilan bidiin bɛngu, mí Salomɔn cii Cɛi-Hala-o a cɛi ndɔ ndu pilaa tangul.