1Masaa 8:9 - BII BILA

⁹ Powta yɛ́ndɛ́la tiɔnndan koni la va lenin ni, powta yɛ́ndɛ́la Moise ndóò kɛsi lenin Horɛb telen Mɛlɛka yii kpemaa nda Israɛlla o fula nda va Esipte-o lan pɛɛn.

1Masaa 8:9 Referans Kwoze

Fulaa 25:21

Ma handu kumbu kalaa o kesu kpema kon coo, ma kɛsi sɛbɛ kpema ya co nɔm yɔngu-o o kesu kon nin.

Hebreea 9:4

Ndóò nɔ fonda solia lasálà ndáà toosiaa a sianion-ndo le sálàla ansan solio. Kesu kpemaa va vɛlɛ lon, o va o yikpaa kpede a sianion. Hɛngɛi nda toosiaa a sianion-ndo va o kesu kon nin, o va o pia cá a manne, sionnde Aarɔn-nde soli peengelan-nden bɛɛ le va lenin. O kon kɔɔli, powta sɔɔn kpeman va n sɛvaa lecoo lan la va lenin.

Fulaa 40:20

Mí Moise cua powta yɛ́ndɛ́la tiɔnnda sɔɔn kpeman va n'sɛvaa coo lan, mó kɛsi lan o kesoo nin. Mó luei yɔmii va le kesu kon cuaa-e o kelan nda lɛɛnduu lon-ndon nin, mó handu kumbu kesu kon o kesoo coo.

2Dɛnnda lemasalan 5:10

Powta yɛndɛlan tan tiɔn daama la va o kesoo nin ni, Moise ndóò vow lan lenin telen o va Horɛb mí Mɛlɛka yii kpemaa nda Israɛlla o faŋan ndaa Esipte kɔɔli-o ni.

Tɔŋ miingua 4:13

Mó cɔm niaa kpema ndɔɔ, mó dimul niaa le ndu biyɔɔ a le kelaa lecoo, tɔŋnda tɔ́lan pɛɛn, mó sɛva lan o powta yɛ́ndɛ́lan tan tiɔn coo.

Dɛnnda cɔɔmuanndan 15:8

Mí kumnde i pia o Cɛi-Hala-o nin ca, le tùú biilu Hala-o a kpaaya ndɔɔ va lon-ndo. Vana-vana ndóò nɔla luɛyɔɔ o Cɛi-Hala-o nin te, háá fɔ mi dɛnnda palaala ŋɔmmɛwla mɛlɛkaa ŋɔmmɛvaa kan ndáà hin lan-ndan láà cuu peelɔn.

Esekiɛl 10:4

Mí biilu Mɛlɛka-o can mɛlɛkaa kanda ɲɛm Hala-on-nda coo, mó kɔa o kèédei coo, mí cɛiyo pia cá a yumbuyumboo, mí bɛɔ pia a ɲɛ-tengaa va fulaa o biilu Mɛlɛka-o nin-ndo.

1Masaa 8:21

Mí bɛɛndiaa fondaa le kesu kpema Mɛlɛka-o co nin-ndo kɛsio, kpema ndu Mɛlɛka ndóò yiilu fuɲaa naa mamaa telen o soli nda o lɛŋnde Esipte len nin-ndo.»

Tɔŋ miingua 31:26

«La bii sɛbɛ tɔŋndo ho, mì la kɛsi ndu o kesu kpema Mɛlɛka Hala niaa ikɛi. Lon o vanin o kɛsiaa le vaa seilen le Israɛlla ni.

Kundalan 17:10

«La faŋan vannda ha ikɛi mì cii nda o lepilɔɔ kpede.» Má del lɛŋ a kuumbuannda o kɔl coo,

Kundalan 9:15

Paale nda tondu Calta Mɛlɛka lan-nden, mí kumde kumbu lan mɔku-mɔku. Icɔllo, mí kumii va ken o Calta Mɛlɛka lan coo-e siŋnun yinnden, mí yinnde len le lo lecoo lende háá idiiyo.

Tɔŋ lasálàá 16:2

«Dimul Aarɔn bɛ nɔm aa o va hiovɔɔ telen oo telen o kola-landaa co o Cɛi-Diandaa nin-ndo kɔɔli le tiiyaa o Fonda Diandaa-Diandaa nin te, o kumbu kesu kpemaa hɔl-ndɔ pɛɛn. Te o va pɛ hiovɔɔ lon telen oo telen, lɔ́ɔ́ o co komal mì fula o kumii bɛndu-bɛnduei nin o kumbu kesu kpemaa coo-o, o co ɲinkon piɔ́mndo sɔla.

Fulaa 16:33

Mí Moise dimul vɛlɛ Aarɔn aa: «Cua bonyei ma vow manne lenin letilio lehiɔɔlu, mà kɛsi ndu Mɛlɛka o hɔl, haliko mo va o mandaa kpáŋ le cuavaa niaa imamaa.»

Fulaa 16:10

Tuma Aarɔn va sɔɛi o Israɛlla kpow lo-o, mí Israɛlaa kan muli hɔlla ba lɛŋnde veselɛilen, mí biilu Mɛlɛka-o cɔmnun nda o kumnde nin.

Fulaa 14:24

Kɛ nduyɛ, a paale siaalen, mí Mɛlɛka tofa dɔ́ɔ́ngɔ́ Esiptea o tindile ikumnde va vɛlɛ tindile leyinnden-nden nin, mó hiŋ nda hɔlla, mó puusiaa nda.

Fulaa 13:21

Mɛlɛka va nda kɔlan laci ipala o tindile ikumnden nin le nda nɛiyo cɔmndo, icɔl-lɛ o va kɔlan nda laci o tindile leyinnden nin le nda ɲɔɔ teengiallo, haliko mi ndáà va kɔlan ipala a icɔl.

Fulaa 25:16

Ma kɛsi sɛbɛ kpema diandaa ya co nɔm yɔngu-o o kesu kon nin.

2Dɛnnda lemasalan 5:9

Le tùú kpɔlɔnndan láà bandu-o, vanáà va pɛ kesu kpemaa a dio luɛyaa tɛɛn, vanáà nɔla mì vanáà ce lan bolle, kɛ vanáà ve o bɛ́ɛ̀ mì vanáà ce lan te. Kpɔlɔnnda lan la co lon háá paalen nden.