1Masaa 8:1 - BII BILA

¹ O kon, mí masaa Salomɔn veelu kaasoŋaa kɔlkalua Israɛlla, vanaa va bolii lapangɛi-ya a simlacia layungua Israɛlla kpow, mó cuungiaa nda kpede Yerusalɛm le kesu kpema Mɛlɛka-o cuaa o Kobi David-o nin, o co Siɔn-ndo pɛɛn, le heeloo a ndu o Cɛi-Mɛlɛka-o nin.

1Masaa 8:1 Referans Kwoze

1Dɛnnda lemasalan 15:25

Mí David, kaasoŋaa kɔlkalua Israɛl a simlacia vanaa cɔvaa kundala n'van vaa pilɛ-a bii nɛiyo a kɔlkɛndɛ bɛndoo, le kɔlan kesu kpema Mɛlɛka-o cuaa o Obɛd-Edɔm-ndo cɛinin.

1Piɛr 2:6

kani o co o sɛvaa o Sɛbɛ Hala-o nin aa: «Tofa vɔ, i co pow-sɔngio handɔɔ Siɔn, o sɔvɛ ya hɛli-o, vana-vana laalan ndu pɛ, ndu tulnun lasiɛmbu le.»

Esai 46:13

I co dɛnɛ sandaa nuu nanɔɔ macɛlu, o co lɛ levil te, cinda nuu tamalanin le tiiyaa le. I kɛsinin cindaa Siɔn mì tuisi biilu nuu Israɛl coo.

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

Condii lisai 102:21

le cɛɛŋɔnnda vanaa co o biyɔɔ nin-nda tueyɔɔ, le vanaa kayakayan o yoei piɔ́mnde-a tiimbuuo.

Condii lisai 9:11

Éé Mɛlɛka! Màá vanaa sina diola nɔmndan-nda tiindan nɔm! Kani nɔm, a múlùl vanaa co hunɔɔ o nɔm ndo-a kɔɔ le.

Ɛsdras 3:1

Mɛɛ paangii ŋɔmmɛwndɔɛi tiiya, Israɛlla va icali o kobila ndalan nin, mí nda kpow a cuungian Yerusalɛm.

2Dɛnnda lemasalan 30:1

Mí Esekia viam kiilaa o lɛŋnde Israɛl-ten nin a o tàndá Yuda-o kpow nin. Mó sɛval vɛlɛ polale Efraim-nden a polale Manase len sɛbɛlan le hunɔɔ o Cɛi-Mɛlɛka-o nin Yerusalɛm, le kafo-hiavaa-coo tosaa, le Mɛlɛka Hala Israɛlla biiloo.

1Dɛnnda lemasalan 28:1

Mí David yoongu simlacia Israɛlla kpow le cuungianndo Yerusalɛm ciee, simlacia kan yɔŋnun haa ni: vanaa va bolii lapangɛi o polama Israɛlla coo-a, kuubaa va kundala vanaa cɔvaa va baalaa tosaa masaa ikɛi-ya bollen-nda, kuubaa va kundala n'van vàá-vàálan a kundala n'van kɛmɛ-kɛmɛlan bollen-nda, simlacia vanaa va bolofaa a cɔlua va le masaa a le poaa ndɔa-a mandaa-a, langbaa kɛsun kálàá va o cɛi lemasaa nin-nda, kuubaa cɔvaa mayoomua a vanaa tɔ́ɔ́ bɛndua kpow.

1Dɛnnda lemasalan 15:29

Telen kesu kpema Mɛlɛka-o tiiya o Kobi David-o nin-ndo, mí Mika, cua Saul-lo tofa o dio-pɔmbɔɔ. Ndóò cɔu masaa David huuloo a yolan, mó pɛɛsaa ndu o kɔl ndɔɔ nin.

1Dɛnnda lemasalan 15:3

Mí David veelu Israɛlla kpow Yerusalɛm le kɔlan kesu Mɛlɛka-o cuaa, mà hun kɛsi ndu o fonda ndóò bɛɛndiaa le ndu-o.

1Dɛnnda lemasalan 11:7

Mí David kɔ kila calta ndɔlan o calta vanaa cɔvaa kan nin. Lelan ndáà ke fonda kon diolan ni aa: «Kobi David-o».

1Masaa 3:15

Mɛɛ Salomɔn tendu, mó sina maa lɔma sɔlaan ni. Mó muungu Yerusalɛm, mó kɔ sim o kesu kpema Mɛlɛka-o hɔl-ndɔ, mó soli sálàla loamaalan a sálàla kɔlɲululan, mó tosa vɛlɛ kafoo le vanaa ndɔa baalaa kpow.

2Samiɛl 6:6

Ndáà tiiyaa o kpele lɔaa n'mallo Nakon ikɛi, mí nawva siɛla, má va le kesu kpema Mɛlɛka-o malɔɔ. Mí Usa siɛndi baa, mó saa ndu.

Yosue 24:1

Mí Yosue veelu Israɛlla kpow Sikɛm, mɛɛ nda va a polama ndan yɛ́-yɛ́ yɛ, kaasoŋaa kɔlkalua Israɛlla, simlacia ndaa, vanaa kialaa n'yamaa ndaa a vanaa ndaa sɛvaa, mí nda kpede a sim Hala o hɔl.

Yosue 23:2

mó veelu Israɛlla kpow: kaasoŋaa kɔlkalua ndaa, simlacia ndaa, vanaa kialaa n'yamaa ndaa a vanaa sɛvaa ndaa, mó dimul nda aa: «I yuuva nin taw, vɔsila nilan la co nin labɔɔ.

Kundalan 1:4

O lepola oo lepola coo, mì la cua vana co bolle pangalen-ndo o pilɛ le vali kon tosaa niaa ndaa.

1Masaa 2:10

Mí David diam fuɲaa ndɔa ciee-piɔ́m, má kumbu ndu o Kobi David-o nin.