1Masaa 7:8 - BII BILA

⁸ Cɛi Salomɔn pila va nin-ndo ve o bɛ́ɛ̀ pilɛ nin a Cɛiyo-Bundɔɔ-Liban te, o bɛ́ɛ̀ celen va o tongo kon kɔɔli-o nin o va ni. Kɛ súú pilɔɔ kpé o va a cɛi ndóò tengul cua Faraɔnnɔ ndóò yil o nɔ̀u nin-ndo-o ni, maa tongo va kon o Cɛiyo-Bundɔɔ-Liban hɔl-ndɔ-o pɛɛn.

1Masaa 7:8 Referans Kwoze

2Dɛnnda lemasalan 8:11

Mí Salomɔn kɔ faŋa cua masaa Esipte-o o Kobi David-o nin, mó hun luei ndu o cɛi ndóò tengul ndu-o nin. Kani mó dimi aa: «Laa nuu bɛnda mò cal o cɛi lemasaa David masaa Israɛl-lo nin te. Kani fondala diandaalan cɛila nda luei kesu kpemaa nin-ndan la co ni.»

1Masaa 3:1

Mí Salomɔn yiinun a Faraɔnnɔɔ, ó va masaa Esipte-o, mó yil cua ndɔɔ o nɔ̀u nin, mó kɔa a ndu o Kobi David-o nin. Má kɔ lo lon háá mó cìì cɛi ndɔ ndu pila-o, Cɛi-Mɛlɛka-o a kpaki ndóò balu Yerusalɛm-ndo tangul.

1Masaa 9:24

Tuma cua Faraɔnnɔɔ faŋan o Kobi David-o nin, mó kɔa o cɛi Salomɔn ndóò tengul ndu-o nin-ndo, telen kon Salomɔn tangul Millo ni.

2Masaa 20:4

Esai ndóò fula vɔ bɛɛ o bɛ́ɛ̀ bɛndu co tɛɛn-ndo le, mí Mɛlɛka soaa o ndu lo, mó dimul ndu aa:

1Masaa 7:9

A powta kɛndɛ-kɛndɛla ndáà hɛli lan ndáà tangul cɛila lan kpow ni, má kɛiyiaa lan a sííyo, má deemiaa lan kpen-kpen lenin a lekɔɔli. Má tangul cɛila lan a powta lan kandɔɔ o lan kilaa kɔlan háá a lan siowvo. Powta va o bɛ́ɛ̀ bɛndoo nin-ndan, la va lekɔɔli lan, kɔlan tiiyaa a cìì cɛii balu bɛɛ kalaa sɔ́-e kpeŋ-kpen la va ni.

1Masaa 9:16

Mí Faraɔnnɔɔ, ó va masaa Esipte-o ndóò kɔ del kobio Kesɛr coo a cɔwvo, mó diw Kanaŋaa va lon-nda, mó loam kobi kon. O kon kɔɔli, mó yɔngu cua ndɔ laandu va kɔlan calle Salomɔn o ba o nɔ̀u nin-ndo lɛŋnde len.